Flago de Nikaragvo
La nacia flago de Nikaragvo en la nuna ekzakta formo estis adoptita la 27-an de aŭgusto 1971. Ĝi estas bazita sur la flago de Unuiĝintaj Provincoj de Centra Ameriko de 1823 kaj inspirita de la argentina flago. La flago de Nikaragvo hodiaŭ uzata estas la plej simila al tiuj uzitaj de la ŝtataj iamaj provincoj de Centra Ameriko. La triangulo, vulkanoj, altiĝanta suno, Kapo de Libereco, kaj ĉielarko ĉiuj aperis sur la origina emblemo de 1823, kaj la trikoloro el horizontalaj partoj helblua-blanka-helblua ankaŭ jam en 1823 estis la sama.
Proporcioj 3:5La blazono uzita hodiaŭ enhavas la nomon de la ŝtato, "República de Nicaragua", dum en 1823 la titolo estis "Provincias Unidas del Centro de América". La decido reveni al la emblemoj uzitaj antaŭe estis prenita en 1908 kaj montris la dezirojn de Nikaragvo por la renaskiĝo de la politika unuiĝo formita de la 5 nacioj. La 5 vulkanoj reprezentas la originajn 5 membroŝtatojn kaj la sunradioj kaj la ĉielarko estas simboloj de la brila estonteco.