Fluorata acido

Fluorata acido

Bastoneta pilka strukturo de la fluorata acido

Kemiaj ligoj de la fluorata acido

Mineralo fluorito

Fluorata acido aŭ HFO₃ estas hipoteza oksida acido de fluoro, molekula maso 68 g/molo, gasa substanco kiu povas dissolvi silikon, kaj konservi ĝin pendanta en la gasa stato. Do, ĝi dissolvas glasojn, kristalojn kaj plurajn multekostajn ŝtonojn. Ĝi estas pli peza ol la atmosfera aero, ne estas brulema, kaj estas venena kiam enspirita. La hidrogena fluorato miksita kun akva solvaĵo estigas fluoratan acidon. Ĝia odoro estas penetranta kaj iom simila al tiu de la klorida acido.

Ĝi korodas bestajn kaj vegetalajn materialojn kaj la lumo ne havas efekton sur ĝin. Ĝi eligas blankajn fumojn en la humida atmosfero. Ĝi estas forte acida kaj do ruĝigas organikajn vegetalojn. Ĝi precipitas kalcian hidroksidon kaj ne reakcias kun platino, oro, arĝenta hidrargo, stano, plumbo, antimono, kobalto, nikelo kaj bismuto, sed reakcias kun fero, arseno kaj mangano^[1]. Fluorata acido estas preparebla reakciante "natria fluorato" kun sulfata acido kaj ne povas esti konservita en vitraĵoj.

2 NaFO₃ + H₂SO₄ → Na₂SO₄ + 2 HFO₃

Mineralaj acidoj

Halogenidaj acidoj
HF	Fluorida acido	HCl	Klorida acido	HBr	Bromida acido	HI	Jodida acido
HFO	Hipofluorita acido	HClO	Hipoklorita acido	HBrO	Hipobromita acido	HIO	Hipojodita acido
HFO₂	Fluorita acido	HClO₂	Klorita acido	HBrO₂	Bromita acido	HIO₂	Jodita acido
HFO₃	Fluorata acido	HClO₃	Klorata acido	HBrO₃	Bromata acido	HIO₃	Jodata acido
HFO₄	Perfluorata acido	HClO₄	Perklorata acido	HbrO₄	Perbromata acido	HIO₄	Perjodata acido