Kronprinco
Kronprinco estas kutima titolo por la (vira) heredonto de reĝa aŭ imperia seĝo en monarkio (se li estas filo de la aktuala monarko - ekz-e Franz Ferdinand de Aŭstrio-Este estis tronheredonto, sed ne "kronprinco").
Kronprincino estas kutima titolo por:
- la (virina) heredonto de reĝa aŭ imperia trono (en tiuj monarkioj kiuj permesas virinan heredon), aŭ
- la edzino de kronprinco.
En Eŭropo, ĝenerale la plej maljuna infano (kiel en Svedio, Belgio, Norvegio kaj Nederlando) aŭ la plej maljuna filo de la nuna monarko (Unuiĝinta Reĝlando, Hispanio, Danio, k.a.) havas tiun rolon, sed en arabaj monarkioj, ekzemple, la reguloj pri vico povas malsami kaj la kronprincan titolon povas haviĝi pro merito aŭ pro tio, ke iu ne estas konsiderata minaco al la nuna monarko; en tiaj okazoj, homoj ekhavintaj la titolon povas ankaŭ perdi ĝin, se ĝi doniĝas al alia ano de la reĝa familio.
Rimarkindas tamen, ke kvankam ĝi estas ofte uzata kiel ĝenerala esprimo pri ebla reĝonto, ĝi ofte ne estas oficiala titolo en eŭropaj monarkioj. Nuntempe, nur la eblaj reĝontoj de skandinavaj monarkioj oficiale havas la titolon.
En kelkaj landoj, la kronprinco aŭ heredonto tradicie ankaŭ havas apartan nobelan titolon, ekzemple:
- en Britio: princo de Kimrujo
- en Francio: dauphin
- en Hispanio: infanto, princo de Asturio
- en Svedio: duko de Vestrogotio
