La Dresado de la Megero

La Dresado de la Megero (angle The Taming of the Shrew) estas verŝajne la unua el pluraj komedioj de Ŝekspiro, kies precipa temo estas la amo, kaj ĝi povas esti eĉ la unua komedio, kiun li verkis. Kvankam regas nenia certeco pri la precizaj datoj, kiam prezentiĝis liaj fruaj dramoj, oni konjektas, ke "la megero" estas verkita jam en 1588.

La Dresado de la Megero
La Dresado de la Megero
Aŭtoro	William Auld
Eldonjaro	1988
Urbo	Rotterdam
Eldoninto	Esperantaj Kajeroj
Paĝoj	136

Unua paĝo de la teksto de 1623.

Gravuraĵo La Dresado de la Megero de William Lawson Thomas surbaze de pentraĵo de Charles Robert Leslie.Petroccio instruas la ribelemulon submetiĝi al sia volo, kiam ŝi malakceptis donacojn pro tio, ke ili ne sufiĉe bonas.

Laŭ normoj de stilo kaj lirika tono ĝi ŝajne antaŭdatas la pli maturan La Komedio de Eraroj, kiu estas prezentita ĉirkaŭ la jaro 1592. Cetere ĝi enhavas klaran aludon pri La Hispana Tragedio (de Thomas Kyd), kiu aperis plej malfrue je la fino de 1591. Fine, se pravas la lastatempaj esploroj, stampante la presitan La Dresado de Unu Megero kiel "malbonan kvarton" (t.e. malfidela misskribita ["pirata"] versio) de la ŝekspira dramo, do la megero nepre estis larĝe prezentita antaŭ 1594, kiam la anonima "Unu megero" estis notita en la Registro de eldonoj.

Alexander Vaughn Miller adaptis la unuan renkonton inter Katarina kaj Petruĉo en mallongan filmon por la Usona Bona Film-Festivalo kun permeso de Esperanto-Asocio de Britio. Ĝi gajnis premion de la juĝantoj kaj ricevis pli ol 8 mil spektojn en JuTubo.

Eksteraj ligiloj

• Katalogo de Esperantomuzeo kaj Kolekto por Planlingvoj
• Katalogo de Heredaĵbiblioteko Hendrik Conscience
• Katalogo "Erfgoedbib" en LibraryThing
• Katalogo de Nacia Biblioteko de Esperanto