„ Fabelo por maturuloj. Per simplaj rimedoj la aŭtoro kreis poeziplenan bildaron; lian harmonian stilon la tre lerta tradukinto havigis al la Esperanta teksto. ”
„ Fabelo por grandaj personoj, ne el la amuza speco sed el tiuj kies instruo, estas kaŝata sub dika ŝelo. La malrealaj vivo, personoj, okazoj estas simbola kreaĵo, filozofia rigardo al la profundaj regionoj de l' homa cerbo, pripensado pri la reciprokaj influoj de l' individuo kontraŭ la naturo kaj la kulturo, rakonto pri la nekonscia parto de l' vivo kaj ne la korpa aŭ la spirita. Per simplaj rimedoj la aŭtoro kreis poeziplenan bildaron, lian harmonian stilon la tre lerta tradukinto havigis al la Esperanta teksto, ĉi tiu estas ne nur lingve bona sed vere flua kaj eleganta, malofta je novaj vortoj. ”
