La Stranga Butiko[1] estas 124-paĝa kolekto de poemoj originale esperantlingve verkitaj de Raymond Schwartz, kaj eldonitaj en 1931. Ĝi enhavas 22 da ilustraĵoj de Raymond Laval. Ekzistas KD-versio de la libro, voĉlegita de Stano Marček kaj eldonita de li en 2008[2].
„ Ĝi montras la poeton jam egalranga al la prozisto. La vivfilozofio de l' poeto manifestiĝas kun plena matureco. Ĉion li esprimas per delikata, facila, serena stilo, li scias trakti seriozajn kaj profundajn temojn en la plej klara, plej simpla formo. ”
„ Valora nova libro, ne nur pro la plezuro kiun ĝi donas al la legantoj sed por nia kulturo. Mi kredas kiel Schwartz ke la humuro estas esenca afero en la vivo, tiom necesa kiel la serĉado de belo kaj pro tio La Stranga Butiko devas viciĝi inter niaj plej bonaj verkoj de belliteraturo. ”
