Maturín

Maturín estas urbego, signifa universitata urbo, diocezo (ekde 1958) kaj subŝtata ĉefurbo en nordorienta Venezuelo.

Maturín
urbo urbego vd
Flago
Administrado
En TTT	Oficiala retejo [+]
Demografio
Loĝantaro	542 259  (2011) [+]
Loĝdenso	1 165 loĝ./km²
Geografio
Geografia situo	9° 45′ N, 63° 11′ U (mapo)9.7422774-63.1888854 [+]
Alto	67 m [+]
Areo	465,4 km² (46 540 ha) [+]
Maturín (Monagas) DEC Situo de Maturín
Maturín (Venezuelo) DEC Situo de Maturín
Alia projekto
Vikimedia Komunejo Maturín [+]

Bazaj informoj

Rezida palaco en Maturín

• Loĝantaro: 472 909 en 2013
• Supermara alteco: 67 m
• Areo: 13,352 km²
• Telefonkodo: 0291
• Poŝtkodoj: 6201
• Horzono: UTC -4:30
• 09° 42′ 49″ N 63° 11′ 15″ U (mapo)

Geografio

Maturín situas sur la marborda ebenaĵo. Guayana (urbo) troviĝas 166, Bolívar (urbo) 186, Cúa 409, Karakaso 418, Turmero 475, Valencio (Venezuelo) 531, Barquisimeto 674, Coro (Venezuelo) 733, Cabimas 908, Marakajbo 932 km.

Panoramo en Maturín

Historio

Maturín estis fondita en 1722 (laŭ duba informo) fare de franciskana monaĥo sub nomo San Juan de la Tornera de Maturín. En 1760 hispana guberniestro kun kapucenoj fondis la urbeton (laŭ aliaj informoj). Ekde 1811 la urbeto apartenis al sendependa respubliko Venezuelo. Kvin bataloj okazis en Maturín en la jaroj 1813 kaj 1814, fine la urbo estis detruita. Kelkaj pluvivantoj de la lasta batalo rekonstruis Maturín du jarojn poste. La urbo kreskis malrapide dum la 19-a jarcento pro enlandaj militoj, malarioj kaj moskitoj. En 1909 Maturín ĉefurbiĝis. En la 20-a jarcento Maturín havis rapidan demografian kreskon dank'al la eltrovo de naftokampoj proksime de la urbo kaj sankampanjo kontraŭ moskitoj.

Ekonomio

Universitato en Maturín

Maturín estas unu el la plej gravaj grandurboj en la oriento de la lando pro la strategia pozicio. Ĝi estas centro por instrumenta de la petrolindustrio en Venezuelo. Precipe pli frue oni okupiĝis pri komerco, kakaoj, kotonoj, cerealoj, bredado de brutoj.

Trafiko

Maturín havas internacian flughavenon. La 3 ĉefaj vojoj kuras al nordo, sudo kaj okcidento.

Klimato

Maturín situas en tropika klimato. La averaĝa temperaturo estas 27 °C. Jare pluvas po 1336 mm. En ĉiuj monatoj pluvas, tamen en junio kaj julio pli.

Vidindaĵoj

Kulturejo en Maturín

• katedralo (1961-1981) kaj aliaj kirkoj
• Kultura Centro (kun muzeo, biblioteko kaj altlernejo)
• Kulturdomo
• Artgalerio

Famuloj

William H. Phelps, Jr. naskiĝis en Maturín.

Fontoj

• [1] Arkivigite je 2014-12-13 per la retarkivo Wayback Machine hispane
• mapo, distancoj Arkivigite je 2015-04-02 per la retarkivo Wayback Machine
• [2] angle
• Angla Vikipedio helpe de WikiTrans