Mehsana

Mehsana, laŭ guĝarata lingvo મહેસાણા, laŭ hindia lingvo महेसाणा estas urbego kaj municipo en okcidenta Barato, subŝtato Guĝarato, en la samnoma distrikto, kie ĝi estas ties sidejo.

Mehsana
municipal council of India (en) urbego vd
Administrado
Poŝtkodo	384001 • 384002
Demografio
Loĝantaro	184 991  (2011) [+]
Loĝdenso	5 781 loĝ./km²
Geografio
Geografia situo	23° 36′ N, 72° 24′ O (mapo)23.672.4 [+]
Alto	81 m [+]
Areo	32 km² (3 200 ha) [+]
Horzono	UTC+05:30 [+]
Mehsana (Guĝarato) DEC Situo de Mehsana
Mehsana (Barato) DEC Situo de Mehsana
Alia projekto
Vikimedia Komunejo Mehsana [+]

Vojo en Mehsana

Demografio

Mehsana havis populacion de 257 043 en 2021 kun legopovo de 84%, kiu estas signife pli alta, ol la landa mezumo. La urbo atingis la internacian klasifikon urbego (pli granda, ol cent mil) en la fruaj 2000-aj jaroj.

Geografio

Mehsana situas sur ebenaĵo en alteco 81 m. Patan (Guĝarato) troviĝas 39, Kalol 41, Palanpur 63, nova subŝtata ĉefurbo Gandinagaro 50, iama subŝtata ĉefurbo Ahmedabado 68, Mumbajo 517, tutlanda ĉefurbo Delhio 738, Kolkato 1638 kilometrojn (aere) [1].

Domo laŭ artdekora stilo en Mehsana

Historio

En Mehsana dum la historio pluraj dinastioj regis, tiuj regantoj konstruis plurajn preĝejojn, domegojn. En 1887 alvenis la unua trajno. La urbo iĝis sidejo jam en 1902. Ekde la sendependiĝo en 1947 Mehsana apartenis al iama subŝtato de Bombajo, pli poste al Guĝarato.

Ekonomio

Mehsana estas agrikultura kaj industria urbego. La industrio produktas vojekipaĵojn. Proksime situas petrolaj kaj tergaskampoj ekspluatataj ekde 1967, sed menciindas ankaŭ produktado de laktaĵoj. La ĉirkaŭaĵo estas konata pro loka raso de bubaloj.

Lingvoj

En Mehsana la oficialaj lingvoj estas la guĝarata kaj la hindia.

Religioj

En Mehsana plejparto de la populacio estas hinduoj (88%), krome muslimoj (9%), ĝainistoj (1,6%).

Eduko

Mehsana havas universitaton (10 km for de la urbego) kaj plurajn filiojn de Guĝarata Universitato.

Klimato

Mehsana situas en savanoklimato kun tri sezonoj: somero, musono kaj vintro. La klimato estas ĝenerale seka kaj varma ekster la musonsezono. Ĝi estas agrabla en la vintraj tagoj kaj sufiĉe malvarmeta en la nokto dum decembro ĝis februaro. La sudokcidenta musono alportas humidan klimaton de meze de junio ĝis meze de septembro. La meza jarpluvo estas 803 mm.

Trafiko

Ĝainisma templo

Mehsana estas signifa trafika nodo, ĉar alvenas tien po 5 fervojaj kaj vojaj linioj. Ene ĉefe aŭtorikiŝoj liveras la pasaĝerojn, sed al la proksimaj vilaĝoj aŭtobusoj. La plej proksima flughaveno funkcias en Ahmedabado.

Vidindaĵoj

• pluraj preĝejoj
• palaco konstruita en 1956, nun distrikta juĝejo

Fontoj

• WikiTrans

Bildgalerio

• 
  Stacidomo
• 
  Aŭtobusa stacidomo
• 
  Biblioteko
• 
  Poŝtejo
• 
  Lernejo el 1889
•