Monta gorilo

La monta gorilo (latine gorilla beringei beringei) estas subspecio de la specio orienta gorilo el la primata familio de la homedoj (hominidae). El ĉiuj variaĵoj de goriloj ĝi estas la plej konsekvence sur la grundo kaj ne en arboj vivanta. Montaj goriloj nutriĝas de plantaj folioj. Ili nature vivas en du etaj teritorioj de orienta Afriko, en la regiono de la Virunga Montaro kaj de la Nacia Parko Buindi-Ĝangalo. Iuj biologoj tamen elstarigas, ke la goriloj el la Buindi-ĝangalo estu subspecio diferenciginda de la monta gorilo kaj nominda Buindi-goriloj. Entute laŭ la stato de 2009 ekzistas proksimume 700 sovaĝe vivantaj montaj goriloj (duono de ili en la Buindi-ĝangalo).

Kiel legi la taksonomion Monta gorilo
monta gorilo
Biologia klasado
Regno: Animaloj Animalia Filumo: Ĥorduloj Chordata Klaso: Mamuloj Mammalia Ordo: Primatoj Primates Familio: Homedoj Hominidae Subfamilio: Homenoj Homininae Tribo: Gorillini Genro: Gorilo Gorilla Specio: Orienta gorilo Gorilla beringei Subspecio: Monta gorilo
Aliaj Vikimediaj projektoj

moviĝantaj montaj goriloj

Karakterizaĵoj

Montaj goriloj havas la muskulozan, larĝan korpostrukturon tipan por ĉiuj goriloj. Ili starante atingas alton de ĝis 1,75 metroj. La viraj bestoj atingas pezon de ĝis 200 kilogramoj, la inaj bestoj kompare malpli larĝas kaj atingas ne pli ol 100 kilogramojn. La felo de la bestoj estas nigra; la karakteriza grizigo de la haroj de maljunaj viroj kiel ĉe ĉiuj orientaj goriloj limiĝas al la dorso. Tipaj estas la longa vizaĝo kaj la kompare larĝa brusto. Kompare al aliaj orientaj goriloj ili havas pli mallongajn brakojn kaj aparte longan, silkecan felan hararon. Kroma karakterizaĵo de la montaj goriloj estas, ke la polekso estas malpli oponita al la aliaj fingroj, kaj per kolagena histo estas pli ligita al la aliaj fingroj, tiel ke la piedoj de la montaj goriloj relative similas al tiu de homoj.

Konservado

Tiu specio dum lastaj jardekoj de la 20-a jarcento suferis drastajn damaĝojn pro ŝtelĉasado, senarbarigo kaj internaj militoj. Lastatempe iomete ĝi rekuperiĝas; Baker Batte Lule en artikolo de Unesko Kuriero komentas la pliigon de la specio pere de ekonomia kresko el turismo; tial la lokanoj rigardas la specion ne kiel timiga specio, sed kiel amika enspezofonto.

Vidu ankaŭ

Albert-riftaj montarbaroj

Ruvenzoriaj-virungaj montaraj arbustetaroj

Eksteraj ligiloj

• Paĝo pri la monta gorilo el la Arkivigite je 2008-06-29 per la retarkivo Wayback Machine Internacia Ruĝa Listo de Endanĝeritaj Specioj
• Retejo pri montaj goriloj germane