Murder by Death
Murder by Death (Murdo pro morto) estas usona komedia mistera drama filmo de 1976 reĝisorita de Robert Moore kaj verkita de Neil Simon. En la filmo stelulas Eileen Brennan, Truman Capote, James Coco, Peter Falk, Alec Guinness, Elsa Lanchester, David Niven, Peter Sellers, Maggie Smith, Nancy Walker, kaj Estelle Winwood.[1][2]
| Murder by Death | |
|---|---|
| filmo | |
| Originala titolo | Murder by Death |
| Originala lingvo | angla lingvo |
| Kina aperdato | 23 jun. 1976, 26 aŭg. 1976, 5 sep. 1976, 11 sep. 1976, 17 sep. 1976, 23 sep. 1976, 10 nov. 1976, 3 dec. 1976, 4 dec. 1976, 12 dec. 1976, 17 dec. 1976, 18 feb. 1977, 13 maj. 1977, 26 maj. 1977, 5 sep. 1977, 19 okt. 1977, decembro 1977, 15 feb. 1978, 23 feb. 1978, 1976 |
| Ĝenro | mistera filmo, komedia filmo, krimfilmo |
| Kameraado | David M. Walsh |
| Reĝisoro(j) | Robert Moore |
| Produktisto(j) | Columbia Pictures • Ray Stark |
| Scenaro | Neil Simon |
| Muziko de | Dave Grusin |
| Rolantoj | Eileen Brennan • Truman Capote • James Coco • Peter Falk • Alec Guinness • Elsa Lanchester • David Niven • Peter Sellers • Maggie Smith • Nancy Walker • James Cromwell • Estelle Winwood • Fay Wray |
| Produktinta firmao | Rastar |
| IMDb | |
La intrigo estas parodio aŭ ŝerco pri la tradicia situacio en kampardomego nome "whodunit" (kunvenintoj estas ĉiuj suspektitoj), familiara por la sekvantoj de la mistera fikcio en klasikaĵoj kiel tiu de Agatha Christie nome And Then There Were None. La geaktoraro estas aro de britaj kaj usonaj geaktoroj ludantaj parodiojn de bone konataj fikciaj detektivoj, kiel Hercule Poirot, Miss Marple, Charlie Chan, Nick kaj Nora Charles kaj Sam Spade. Ĝi inkludas ankaŭ raran aktoran ludadon de la verkisto Truman Capote.
La filmon oni prezentis en la Venecia Internacia Kinfestivalo la 5an de Septembro 1976.
Intrigo
redaktiKvin tre famaj detektivoj estas invititaj al vespermanĝo fare de milionulo Lionel Twain. Dum la kunveno li anoncas, ke unu de la kunmanĝantoj estos murdita meznokte, kaj ke la persono kiu solvos la murdon ricevos premion de unu miliono da dolaroj. La invititoj decidas resti kune en la manĝoĉambro ĝis noktomezo. La kuiristino, surdmuta, venas averti ilin pri la morto de iu. Tri detektivoj iras tiam al la kuirejo, kie ili trovas mortinta la ĉefserviston (kiu estas kutime la ĉefa kulpulo en la misteraj roman-filmoj de la parodiita ĝenro). Ili aliĝas al la ceteraj. Oni aŭdas pafojn, du aliaj detektivoj iras esplori kaj konkludas, ke temas pri distra devojigo.
Noktomeze, ĉiuj invititoj ĉeestas kaj tenas unuj la manojn de aliaj, tiel la murdo de unu de ili ne okazos sen atestanto. Ĝuste noktomeze iu sonoras ĉe la pordo. Malantaŭe, oni trovas Lionel Twain, mortinta kun tranĉilo enbatita dorse. Ili revenas al la salono por cerbumi. Tiam oni malkovras, ke ĉiu invitito jam konis Lionel antaŭe, kaj ke ĉiu havis tialon por la murdo. Ili iras dormi.
Dum la nokto, ĉiu evitas murdoklopodon. Ili venas laŭvice ĉe ĉambro kie la ĉefservisto listigis la nomojn de la invititaj detektivoj sur folio. Ĉiu reklamas la monon kaj klarigas la murdon diference. Finfine, la ĉefservisto montras sian vizaĝon de malantaŭ masko: aperas la vizaĝo de Lionel Twain. Lia intenco estis trompi la detektivojn por venĝi la legantojn de la aventuroj metante ilin en la scenejo, en kiu estas maleble malkovri la murdiston, ĉu ĉar fine aperas nova rolulo ĉu ĉar iu informo ne estis donita.
Post ĉiu invitito foriras ne ricevinte la premion, Lionel Twain forigas sian maskon kaj aperas la vizaĝo de la kuiristino.
Geaktoraro kaj roluloj
redakti- Eileen Brennan ... Tess Skeffington
- Truman Capote ... Lionel Twain
- James Coco ... Milo Perrier
- Peter Falk ... Sam Diamond
- Alec Guinness ... Bensonmum
- Elsa Lanchester ... Jessica Marbles
- David Niven ... Dick Charleston
- Peter Sellers ... Sidney Wang
- Maggie Smith ... Dora Charleston
- Nancy Walker ... Kuiristino
- Estelle Winwood ... Nurse
- James Cromwell ... Marcel
- Richard Narita ... Willie Wang
Referencoj
redakti- ↑ . Murder by Death.
- ↑ . Murder By Death (1976) Simon's Breezy 'Murder by Death'. The New York Times (24a de Junio, 1976). Arkivita el la originalo je 5a de Aŭgusto, 2015.