Naomi Klein

Naomi KLEIN (n. 5-an de majo 1970, en Montrealo, Kebekio) estas kanada verkistino, ĵurnalistino kaj kritikanto al la novliberalismo, bone konata pro siaj politikaj pensoj pri entreprena tutmondiĝo.

Naomi Klein
Persona informo
Naskiĝo	8-an de majo 1970 (1970-05-08) (54-jaraĝa) en Montrealo, Kebekio,  Kanado
Lingvoj	Kanada angla vd
Ŝtataneco	Kanado vd
Alma mater	Universitato de Toronto Londona Lernejo de Ekonomiko St. George's School of Montreal (en) vd
Familio
Patro	Michael C. Klein (en) vd
Patrino	Bonnie Sherr Klein (en) vd
Gefratoj	Seth Klein (en) vd
Edz(in)o	Avi Lewis (en) vd
Profesio
Okupo	ĵurnalisto sociologo ekonomikisto dokumentaria kinisto scenaristo verkisto klimata aktivulo vd
Aktiva en	Toronto vd
Aktiva dum	2000– vd
Verkado
Verkoj	La Ŝoka Doktrino ❦ This Changes Everything ❦ On Fire. The (Burning) Case for a Green New Deal ❦ No Logo vd
Postenoj Postenoj Gloria Steinem Endowed Chair in Media, Culture and Feminist Studies (en) (2018–2021) asociita profesoro vd
Honorigoj Honorigoj (2016)  Sidneja Paco-Premio (2015)  Usonaj Libraj Premioj (2015)  Izzy Award (en) (2009)  National Magazine Award (en) (2001)  National Business Book Award (en) , kialo de la premio No Logo (en)  James Aronson Award (en) vd
Membrecoj Membrecoj 350.org vd
En TTT	Oficiala retejo vd
vd	Fonto: Vikidatumoj

Naomi Klein studis anglistikon kaj filozofion ĉe la universitato de Toronto. Aktuale ŝi laboras kiel libera ĵurnalistino, interalie por la revuo Saturday Night, kaj verkas semajnan kolumnon por The Globe and Mail, kanada gazeto, kaj por la brita gazeto The Guardian.

Ŝi estas konsiderata unu el la plej gravaj proparolantoj de la kritikantoj al la novliberala tutmondigo. Ŝia furorlibro "No Logo!" (2000) konsideratas unua manifesto de la movado kontraŭ la novliberala tutmondigo. La Londona "Times" deklaris ŝin "la verŝajne plej influhava persono sub 35 jaroj".

Klein estas edziniĝinta kun la ĵurnalisto Avi Lewis kaj loĝas en Toronto.

Familia Historio

La familio de Klein havas historion pri aktiveco, same kiel la familio de ŝia edzo.

Ŝia avo estis maldungita pro organizado de laboro en Disney en Usono. Ŝia patro Michael, kuracisto, rezistis la alvoko al la Vjetnama milito kaj membriĝis en la grupiĝo Physicians for Social Responsibility. Ŝia filmista patrino, Bonnie Sherr Klein, famiĝis pro sia kontraŭ-pornografio filmo, Not a Love Story. Ŝia frato Seth estas la direktoro de la oficejo de British Columbia pri la Canadian Centre for Policy Alternatives. Ŝia bo-familio estas Michele Landsberg kaj Stephen Lewis, filo de David Lewis. Onklino edziniĝis Daniel Libeskind-n, la arkitekto.

Persona Historio

La verkado de Klein komenciĝis frue, per kontribuaĵoj al The Varsity, la studenta ĵurnalo de la Universitato de Toronto, kie ŝi laboris kiel ĉef-redaktistino. Ŝi aliĝis al feminismo pro la masakro de la Montreala Politekniko en 1989.

En 2000, Klein publikis sian plej faman libron No Logo, kiu fariĝis manifesto favore al la kontraŭ-tutmondiga movado. Unu monaton antaŭ la publikigo, tiu movado fermis la Ministerian Konferencon de la Monda Organizaĵo pri Komerco (MOK), en 1999. La libro kritikas konsum-kulturon, eksplikante la operacojn faritajn de grandaj entreprenoj. Tiuj entreprenoj, laŭ la aŭtorino, ofte eluzas laboristojn el la plej malriĉaj landoj de la mondo. Klein kritikis Nike en la libro kaj tial ĝi fariĝis unu el la unuaj publikaĵoj kiuj meritis respondon de la entrepreno.

En 2002 Klein publikigis Fences and Windows, kolekton da artikoloj kaj paroladoj verkitaj de ŝi pro la kontraŭ-tutmondiĝa movado (la mono, kiun la libro enspezigis, estis donita al aktivismaj organizaĵoj tra la mondo pere de la Fences and Windows Fonduso). Klein ankaŭ kontribuas al The Nation, In These Times, The Globe and Mail, This Magazine, kaj The Guardian.

Ŝi daŭrigas sian verkadon kaj verkas pri kelkaj temoj, kiel la Iraka milito. En Septembro 2004, ŝi verkis artikolon al Harper's Magazine nomita "Baghdad Year Zero: Pillaging Iraq in pursuit of a neocon utopia", ŝi diras ke, kontraŭe al la popolaj kredoj kaj kritikoj, la registaro de Bush havis ja post-invadajn planojn por Irako, kiuj celis krei libermerkatan ekonomion. Ŝi malkovras planojn, kiuj permesas al eksterlandanoj forprenis riĉaĵojn el Irako.

En 2004 Klein kaj ŝia edzo Avi Lewis lanĉis dokumentan filmon sub la titolo The Take, pri fabrikaj laboristoj en Argentino, kiju kontrolis fermitan fabrikon por daŭrigi ĝian produktadon, kreante laboran kolektivon. La unua afrika prezento de la filmo okazis en la Kennedy Road setlejo en Sud-Afrika urbo Durban, kie komenciĝis la movado Abahlali baseMjondolo.

En Oktobro 2005, Klein estis en la 11a loko en The 2005 Global Intellectuals Poll - listo de la 100 plej gravaj intelektuloj farita de la revuo Prospect kune de la revuo Foreign Policy. Ŝi estis la plej alt-nivela virino en la listo. .

La tria libro de Naomi Klein, The Shock Doctrine: The Rise of Disaster Capitalism, estis publikigita la 4an de septembro 2007. La libro unue parolas pri la tortur-gvidlibro de CIA, eksplikante procedon, kiun ŝi nomas afekcio (shock), kiu konsistas je la infanigo de malliberuloj pere de forta torturo. Tiu vorto "afekcio" estas utiligata en la tuta libro kiel metaforo por ĉia krizo – naturaj katastrofoj, militoj, terorismas atencoj - kiuj, pro la psikologia afekcio, kiun ili kaŭzas, permesas ke politikistoj lanĉu ekonomiajn reformojn, kiujn ŝi nomis "ekonomiaj afekcioj". Kritiko de Milton Friedman el Chicago School (Skolo de Chicago) kaj de kapitalismo laissez-faire estas analizata kun uzo - kiel ekzemploj - de la Indonezio de Suharto, en 1965, kaj la Ĉilio de Pinochet, 1973, inter aliaj, komparante ilin al tio, kio okazas en la nuntempo.

Verkaĵoj kaj Intervjuoj

• La oficiala ttt-ejo de Naomi Klein
• Arkivo de la artikoloj de Naomi Klein en The Guardian Arkivigite je 2007-11-03 per la retarkivo Wayback Machine
• Arkivo de la artikoloj de Naomi Klein en The Nation
• Intervjuo kun Naomi Klein pri ŝia artikolo "James Baker's Double Life" Arkivigite je 2004-10-13 per la retarkivo Wayback Machine
• Watch Naomi Klein's Feb, 2005 parolado en Vancouver entitoligita "Democratic Rights in Wartime." Arkivigite je 2007-07-15 per la retarkivo Wayback Machine
• PBS Intervjuo al Frontline kun Naomi Klein
• Intervjuo al Alternet kun Naomi Klein Arkivigite je 2007-10-23 per la retarkivo Wayback Machine
• Intervjuo de Naomi Klein en The Hour kun George Stroumboulopoulos
• Sept 24 2007 - Klein kaj Alan Greenspan en Democracy Now: pri la Iraka milito, pri la impostoj de Bush, Populismo Ekonomia, kaj kapitalismo Arkivigite je 2007-10-09 per la retarkivo Wayback Machine
• The Bat Segundo Show #140 (2007 podcast interview)

Favoraj verkaĵoj pri Klein (en la angla)

• "Seattle to Baghdad" Arkivigite je 2008-01-10 per la retarkivo Wayback Machine
• "Review of: The Shock Doctrine: The Rise of Disaster Capitalism", "New York Times"

Kritikoj al Klein (en la angla)

• "Why Naomi Klein needs to grow up", The Economist, November 7, 2002. (Archived at Wayback Machine)
• "The Rebel Sell: If we all hate consumerism, how come we can’t stop shopping? " Arkivigite je 2006-06-26 per la retarkivo Wayback Machine, This Magazine
• "Don't blame Milton Friedman for socialism's failures" Arkivigite je 2007-10-14 per la retarkivo Wayback Machine, National Post
• "Review of: The Shock Doctrine: The Rise of Disaster Capitalism" Arkivigite je 2008-04-22 per la retarkivo Wayback Machine, New York Sun

Verkaro (elekto)

En Esperanto

Naomi Klein, La decido. Kapitalismo aŭ klimato. Parto unua. Tradukita de Vilhelmo Lutermano, MAS, 2016, 246 p., ISBN 978-2-36960-069-5

Eksteraj ligiloj

• Informoj pri Naomi Klein en katalogo de la Germana Nacia Biblioteko (germane)
• Naomi Klein ĉe Interreta filma datumbazo (angle)