Nordamerikaj Grandaj Ebenaĵoj
La Nordamerikaj Grandaj Ebenaĵoj estas nomo uzata por la ampleksa etendo de herbejoj kaj stepoj kiuj situas okcidente de la Rivero Misisipo kaj oriente de la Roka Montaro en Usono kaj Kanado. Tiu areo kovras partojn de la Usonaj ŝtatoj nome Koloradio, Kansaso, Montano, Nebrasko, Nov-Meksiko, Norda Dakoto, Oklahomo, Suda Dakoto, Teksaso kaj Vajomingo, kaj la kanadajn provincojn nome Alberto, Manitobo kaj Saskaĉevano kaj iome en Meksikio. En Kanado la termino prairie (herbejo) estas pli komuna ol ebenaĵo, kaj tiu regiono estas konata kiel Herbejaj Provincoj aŭ simple la "Prairies".
| Nordamerikaj Grandaj Ebenaĵoj | |||
|---|---|---|---|
| Ebenaĵo | |||
 | |||
| ebenaĵo, regiono [+] | |||
| Landoj | Usono, Kanado | ||
|
|||
 Vikimedia Komunejo: Great Plains [+] |
|||
La regiono estas ĉirkaŭ 800 km larĝa el oriento okcidenten kaj 3 200 km longa el nordo suden. Multo de tiu regiono estis hejmo de la aroj de Amerika bizono ĝis kiam ili estis troĉasitaj ĝis preskaŭ formorto dum meza kaj malfrua 19-a jarcento. Ĝi havas areon de ĉirkaŭ 1 300 000 km².