Navedado
Navedado aŭ pendolado estas la agado de persono (navedulo aŭ pendolulo), kiu ĉiutage vojaĝas de antaŭ-urbo aŭ alia loko al la urbocentro por labori tie. Kutime ili uzas publikan transporton, aŭtojn aŭ biciklojn. Navedado estas unu el la plej gravaj kaŭzoj de la ekesto de trafikŝtopiĝoj, antaŭ ĉio dum pinthoroj.
Estas teruraj loĝproblemoj en la ĉinaj grandurboj. De 15 jaroj denove eblas akiri privatan loĝejon. Samtempe la kampara loĝantaro impete alvenas al la urboj kaj la konstrubranĉo floras. En Pekino kaj aliaj grandurboj la prezoj por loĝejoj atingis astronomian altecon. Tri milionoj da mezklasaj familioj estis devigataj transloĝiĝi al sateliturboj aŭ dormkvartaloj kaj devas elteni ege longajn veturadojn por atingi siajn laborlokojn. La loĝantaro de Pekino havas mondskale la plej longajn tempojn por pendolantoj (de 2 ĝis 4 horojn tage), kio signifas multe da perdo de tempo kaj mono kun ĉiuj malavantaĝoj por la familia vivo. En ĉi tiuj dormkvartaloj ekzistas apenaŭ socia kaj asocia vivo ĉar mankas la koncernaj instalaĵoj. Kelkfoje eĉ troviĝas apude karba elektrocentralo poluanta la aeron. Do la homoj ne estas tre kontentaj tie pri sia nova vivo.
La prezoj de la konstruebla grundo ege rapide kreskis dum 15 jaroj kaj altiĝis je 30%. Spekulantoj kaj konstrufirmaoj aĉetis konstrueblajn parcelojn malmultkoste kaj konstruis belajn vilaojn tre multekostajn, kiujn eĉ la riĉuloj ne povas aĉeti. Tiel ekzistas fantomaj urboj, en kiuj preskaŭ neniu loĝas kaj pri kiuj jam delonge avertis la oficialulojn la moknomita "profesoro fantomurboj". Nuntempe la administrantoj ŝajne komencas konsciiĝi pri la problemo.
Vidu ankaŭ
redaktiEksteraj ligiloj
redaktiangle US Commuting Averages (2002)
angle Some Commuters are travelling from France to London
angle Platform 11 - Ireland's National Rail Commuter Group
itale pendolaritalia.it Portale gratuito per la condivisione dell'auto[rompita ligilo]