Poŝlibro
Poŝlibro estas malgranda libro kun kutime mola bindaĵo. Kutime poŝlibro estas eldonita kelka tempo post la plialtvalora malmole bindita aŭ broŝurita libro, celas pli grandan legantaron kaj estas kompare malmultekosta.
La unuaj modernaj poŝlibroj estis eldonitaj ĉirkaŭ 1935 en Britio ĉe Penguin Books. En Usono la eldonejo Simon & Schuster aperigis la unuajn poŝlibrojn en 1939. En Germanio la unuaj poŝlibroj fabrikiĝis post la Dua Mondmilito.