Radiografio

Radiografio estas bildiga tekniko kiu uzas elektromagnetan radiadon escepte de la videbla lumo, precipe ikso-radioj, kiu permesas la vidadon de la interno de la korpo, ĉefe de la malmolaj organoj. La tekniko apartenas al la medicina fako radiologio.

bildigo de genuo per moderna radiografia maŝino

Por la medicinista fako de la diagnoza apliko de radiografio, vidu la artikolon radiologio.

Por krei la bildon, heterogena fasko de ikso-radioj estas produktita de iksoradia generilo kaj estas projekciita al la ekzamenata objekto. Certa kvanto de ikso-radioj estas sorbita de la objekto, depende de la aparta denseco kaj konsisto de la objekto. La ikso-radioj kiuj pasas tra la objekto estas kaptitaj malantaŭ la objekto per detektilo (aŭ fotografia filmo aŭ cifereca detektilo). La detektilo sekve bildigas dudimensian reprezentaĵon de la internaj strukturoj de la objekto laŭ ties diversaj densecoj.

Vidu ankaŭ

• la artikolon pri la medicina fako radioterapio - proceduro por la kuracado de malsanoj (ĉefe kancero) per la uzo de joniga radiado.
• la tekstojn pri komputila tomografio kaj magneta resonanca bildigo, du modernaj radiologiaj teknologioj