Aventuro

Aventuro (el la latina: adventura, evento) estas neatendita kaj riska neordinara okazaĵo.

Aventuro
Aventuro
Aliaj projektoj
Aventuro en Vikipedio
Aventuro en Komuneja kategorio

Citaĵoj

	« Ami vin mem estas la komenco de aventuro, kiu daŭras tutan vivon. » — Oscar Wilde

	« La aventuro eble estas freneza, sed la aventuristo, por efektivigi ĝin, devas esti prudenta. » — Gilbert Keith Chesterton

	« Estas nenio pli delikata ol atendi aventuron, kaj nenio tiel serena kiel vivi ĝin. » — Leon Uris

	« Por ke la plej bagatela evento fariĝu aventuro, necesas kaj sufiĉas rakonti ĝin. » — Sartre

	« Por bone organizita menso, morto estas nur la sekva granda aventuro. » — J. K. Rowling

	« Mia kara, la vivo malofte donas al ni tion, kion ni volas en la momento, kiun ni konsideras taŭga. Aventuroj okazas, sed ne akurate. » — E. M. Forster

	« Ekipita de siaj kvin sencoj, viro esploras la universon ĉirkaŭ si kaj nomas la aventuron Scienco. » — Edwin Hubble

	« La potencialo por aventuro faras vivon vivinda. » — Vicki Garside