Ĉapra

Ĉapra,  prononco, hindie छपरा estas urbego en norda Barato, en okcidenta parto de subŝtato Biharo, kie ĝi estas kantona kaj distrikta sidejo.

Ĉapra
setlejo vd
Administrado
Poŝtkodo	841301
Demografio
Geografio
Geografia situo	25° 47′ N, 84° 44′ O (mapo)25.78083333333384.730833333333 [+]
Alto	36 m [+]
Horzono	UTC+05:30 [+]
Ĉapra (Biharo) DEC Situo de Ĉapra
Ĉapra (Barato) DEC Situo de Ĉapra
Alia projekto
Vikimedia Komunejo Chhapra [+]

Vido en Ĉapra

Demografio

En 2011 Ĉapra havis 202 352 da loĝantoj kun legopovo 81%. Ĉapra atingis la internacian kvalifikon urbego (pli granda, ol cent mil) en fino de la 2000-aj jaroj.

Geografio

Ĉapra situas sur ebenaĵo laŭ averaĝa alteco de 40 m super la marnivelo en proksimeco de subŝtato Utar-Pradeŝo sur la norda bordo de Gango nur kelkajn kilometrojn post kunfluo de flankorivero. Arrah troviĝas 27, subŝtata ĉefurbo Patnao 45, Haĝipur 50, Ballia 58, Sivan 61, Muzaffarpur 75, Motihari 99, Kolkata 515, tutlanda ĉefurbo Delhio 807, Mumbajo 1439 kilometrojn (aere) [1].

Historio

Laŭ la mitologio en tiu areo okazis batalo, la fakto estas, ke arkeologoj trovis plurjarmilajn restaĵojn. Dum la konata historio ĉi tie estis signifa foiro pri bestoj. Ĉapra formiĝis kiel foirejo laŭ la riverbordo post kiam la nederlandanoj, francoj, portugaloj kaj britoj establis salpetro-rafinajn unuojn en la 18-a jarcento. En 1864 la municipo estis formita.

Ekonomio

Ĉapra estas agrikultura komerca centro, dum salpetro-produkto estas la ĉefa industrio. Relradoj kaj fervojaj motoroj ankaŭ estas produktitaj, fine estas ankaŭ sukeruzinoj.

Eduko

En Ĉapra la plej altnivelaj instruoj okazas en universitato, altlernejo, seminario kaj akademio.

Instituto en Ĉapra

Lingvoj

En Ĉapra la oficialaj lingvoj estas la hindia, urdua kaj bojpura lingvo.

Religioj

La ĉefa religio en Ĉapra estas hinduismo kun 81,5%, poste islamo 11%, la ceteraj religioj estas malpli ol 1%.

Moskeo en Ĉapra

Trafiko

Al Ĉapra alvenas 4 fervojaj linioj el Haĝipur, Ballia (tra ponto), fine 2 linioj el Sivan. 5 ĉefvojoj kaj sola flankovojo kuras al la urbego el Muzaffarpur, Haĝipur, Ballia (tra ponto), Sivan kaj Motihari. La menciita ponto estis plene preta en 2022. La mapo anoncas flughavenon loke, sed dateno mankas. La plej proksima flughaveno fakte funkcias en Patnao.

Stacidomo de Ĉapra

Klimato

Ĉapra situas en humid subtropika klimato (Cwa), kiu taŭgas por la agrikulturo. La temperaturo varias jare averaĝe inter 18-31 °C. Jare pluvas mezume 1166 mm, en ĉiuj monatoj pluvas iomete, sed inter junio kaj septembro tre ofte pro la musono.

Vidindaĵoj

• pluraj preĝejoj, precipe hinduaj temploj kaj islamaj moskeoj

Ponto ĉe Ĉapra

Famuloj

En Ĉapra naskiĝis politikisto Ĝajaprakaŝ Naraĝan.

Fontoj

• WikiTrans