Đorđe Balašević
Đorđe BALAŠEVIĆ (serbe Ђорђе Балашевић; naskiĝis la 11-an de majo 1953 en Novi Sad, mortis la 19-an de februaro 2021 samloke) estis jugoslava kaj serba kantaŭtoro kaj poeto. Li estis membro de la grupoj Rikolto kaj Frua Frosto, kaj en 1982 li komencis sian solokarieron. Li publikigis entute 12 albumojn. Li agis en pluraj televidserioj, por kiuj li ankaŭ skribis muzikon.
| Đorđe Balašević | |
|---|---|
| |
| Persona informo | |
| Naskiĝo | 11-an de majo 1953 en Novi Sad |
| Morto | 19-an de februaro 2021 (67-jaraĝa) en Novi Sad |
| Mortokialo | COVID-19 
|
| Tombo | Novi Sad 45° 16′ 23″ Nordo 19° 47′ 25″ Oriento / 45.273036 °N, 19.790333 °O (mapo)
|
| Lingvoj | serba |
| Loĝloko | Novi Sad |
| Ŝtataneco | Jugoslavio (–2003) Serbio
|
| Alma mater | Jovan Jovanović Zmaj Gymnasium (Novi Sad) (en) 
|
Subskribo 
| |
| Familio | |
| Edz(in)o | Olivera Balašević (en)
|
| Infanoj | Jovana Balašević (en) , Aleksa Balašević (en)
|
| Okupo | |
| Okupo | kantisto verkisto rokmuzikisto kantotekstisto komponisto filmreĝisoro televida aktoro aktoro poeto kantaŭtoro gitaristo
|
| TTT | |
| Retejo | https://www.balasevic.com |
La unuopaĵo Kalkulu sur ni, de la periodo kiam ĝi estis membro de la Frua Frosto, atingis grandan popularecon en socialisma Jugoslavio kaj restis tre populara inter ĉiuj popoloj de la iama Jugoslavio[1]. Dum la 1990-aj jaroj, li estis grava kritikisto de la politikoj de Slobodan Milosevic. Li estas konsiderata unu el la plej grandaj kantverkistoj en la antaŭa Jugoslavio, kiu lasis senmezure profundan markon en la muziko kaj poezio de tiu ĉi regiono[2].
Biografio
redaktiĐorđe Balašević naskiĝis la 11-an de majo 1953, en Novi Sad, en la familio de patro Jovan Balašević kaj Veronika Dolenec, el Rasinja apud Koprivnica en la hodiaŭa Kroatio. Laŭ la kroata revuo "Moljac", la familia nomo de la avo Đoka de Balašević estis Balašev, sed en 1941, dum la dua mondmilito, pro timo ke "la hungaroj hungarigus lin", li aldonis la sufikson "ić", karakterizan por Serbaj familiaj nomoj[3]. Tio vere okazis, sed pli frue - ĉirkaŭ 1935, kiel estas skribite en la "Oficiala Gazeto de la Reĝlando Jugoslavio".