Amadou Toumani Touré

Amadou Toumani Touré (naskiĝis la 4-an de novembro 1948 en Mopti, mortis la 10-an de novembro 2020 en Istanbulo) estis malia politikisto, kiu de majo 2002 ĝis marto 2012 servis kiel prezidento de Malio.

Amadou Toumani Touré
Persona informo
Aamadu Tumaani Tuuree
Naskiĝo	4-an de novembro 1948 (1948-11-04) en Mopti
Morto	9-an de novembro 2020 (2020-11-09) (72-jaraĝa) en Istanbulo
Religio	sunaismo vd
Lingvoj	franca • fula vd
Ŝtataneco	Malio vd
Alma mater	Ryazan Airborne Command High School (en) Combined Arms Military School in Koulikoro (en) vd
Partio	senpartia vd
Profesio
Okupo	politikisto oficiro vd
Postenoj Postenoj Prezidento de Malio (2002–2012) Prezidento de Malio (1991–1992) vd
Honorigoj Honorigoj  Granda Oficiro de la Honora Legio  Ordine al merito della salute (it)  Ordeno de agrikultura Merito  Granda Kruco de la Ordeno Sankta Karolo  Grand Cross of the Order of Adolphe of Nassau (en)  Grand Star of the Decoration for Services to the Republic of Austria (en)  Grand Cross of the National Order of Mali (en)  Ordeno de José Martí  Granda Kruco de la Honora Legio vd
Membrecoj Membrecoj Akademio de Ekstermaraj Sciencoj vd
Prezidanto de Malio
Dum	2002–2012
vd	Fonto: Vikidatumoj

Biografio

Post la lerneja vizitado en Mopti, li iris al Bamako, por iĝi instruisto. Poste li soldatservis en la armeo kaj vizitis de 1969 ĝis 1972 la École interarmes en Kati. Li estis trejnita al paraŝuta ĉasisto kaj vizitis en 1974/1975 kurson en Rjazan (Sovetunio) kaj en 1978 kaj en 1989/1990 en Francio. Li estis en 1981 komandisto de la prezidenta gvardio, en 1984 komandisto de la paraŝutaj ĉasistoj.

Post subpremataj tumultoj, li partoprenis en puĉo kontraŭ la prezidento Moussa Traoré, la 26-an de marto 1991. Poste li iĝis gvidanto de la formita Comité de Transition pour le Salut de Peuple kaj tiel nova ŝtatgvidanto. Li organizis konstitucian konferencoj kaj baloton. En majo de 1992, li transdonis la potencon al civila registaro de Alpha Oumar Konaré. Pro la enkonduko de la demokratio en Malion, oni nomis lin soldat de la démocratie.

Poste li dediĉis sin al bonfaraj, karitativaj projektoj, li fondis en 1993 fondaĵon Fondation pour l'Enfance por la infanoj.

En oktobro de 2001, li forlasis la armeon kiel brigada generalo kaj kandidatiĝis en majo 2002 por la prezidenteco. En la dua raŭndo, li akiris – kontraŭ iama ministro Soumaïla Cissé – 64,35% da voĉoj. Li sukcese rekandidatiĝis en 2007 por la prezidenta posteno. Touré agadas senpartie.

Komence de 2012 ekokazis ribelado en la norda parto de la lando, fare de tuaregoj ekse dungitaj de Libio. La 22-an de marto, 2012, prezidenton Touré eksigis kaj forpelis puĉo gvidata de kapitano Amadou Haya Sanogo.

Familio

Touré estas edziĝinta kaj havas du filinojn.