Cerniat
Cerniat estis ĝis fino de 2013 komunumo kaj ekde la 1-a de januaro 2014 parto de la nova komunumo Val-de-Charmey en la distrikto Grejerco en Kantono Friburgo, Svislando. Ĝi havis 346 loĝantojn je la 31-a de decembro 2010.
| Cerniat | |
|---|---|
 | |
| Blazono de Cerniat | |
 | |
| Cerniat | |
| former municipality of Switzerland | |
| Kantono | Friburgo |
| Komunumo(j) | Val-de-Charmey |
| Geografia situo | CH1903: 578574 / 164807 (mapo)46.634167.15883Koordinatoj: 46° 38′ N, 7° 10′ O; CH1903: 578574 / 164807 (mapo) |
|
| |
| Nombro de loĝantoj | 346 |
| Areo | 33,69 km² |
| Alteco | 927 m super marnivelo |
| Poŝtkodo | 1654 |
 | |
| Mapo de Cerniat | |
Geografio
redaktiCerniat situas en la Friburgaj Antaŭalpoj proksimume 12 kilometrojn sude de la kantonĉefurbo Friburgo kaj 8 kilometrojn oriente de la urbo Bulle. La plej alta punkto de la iama komunumo estas la monto Berra kun alteco de 1719 m s.m. en nordoriento de la iama komunumo. La sudokcidentan limon formas la rivero Javro, en nordoriento la iama komunuma teritorio etendiĝas ĝis al la bordo de Ĝerino (germane Aegera, france Gèrine). La komunumo konsistas el la vilaĝoj Cerniat, Les Utsets, la Monaĥejo La Valsainte kaj multnombraj izolitaj bienoj.[1]
La teritorio de la iama komunumo etendiĝas sur areo de 33,69 km², de kiuj 54,8% estas kovritaj de arbaro, 40,9% servas por agrikulturo kaj 2,3% por setlado. [2]
Iamaj najbaraj komunumoj
redaktiLa iama komunumo Cerniat limis en nordo al La Roche, en nordoriento al Plasselb, en oriento al Plaffeien, en sudo al Charmey, en sudsudokcidento al Crésuz, en sudokcidento al Châtel ĉe Montsalvens, en okcidentosudokcidento al Botterens, en okcidento al Corbières, kaj en nordokcidento al Hauteville.
Trafiko
redaktiCerniat situas flanke de la gravaj trafikvojoj. La komunumo atingeblas pere de flankaj vojoj de Crésuz. La plej proksima alveturejo al la svisa aŭtovojo A12 proksimume 8 kilometroj okcidente de la komunumo. La komunumo estas konektita al la publika transportreto poŝtaŭtolinio, kiu ĉe la ĉefvojo n-ro 180 sude de la iama komunumo havas konekton al la buslinioj de la entrepreno Transporto Publika Friburga de Friburgo al Boltigen kaj de Bulle al Jaun.
Ekonomio
redaktiEn la alpopaŝtejoj de Cerniat estas produktata la fama fromaĝo de Grejerco, kiu estas ŝatata ĉefingredienco de la svisa nacia manĝaĵo fonduo.
Historio
redaktiLa unua dokumenta mencio de Cerniat datiĝas el la jaro 1288 kiel Sernia. Dum mezepoko Cerniat apartenis al la Senjorujo Corbières, kiu en la jaro 1553 fariĝis friburga voktejo. Okaze de la Helveta Revolucio Cerniat estis atribuita al la distrikto Grejerco.[3]
Kun efiko de la 1-a de januaro 2014 la iama komunumoj Charmey kaj Cerniat estis kunigitaj al la nova komunumo Val-de-Charmey.[4]
Notoj kaj referencoj
redakti- ↑ Fonto: Reta mapo 1:20000 de Swisstopo Arkivigite je 2014-01-09 per la retarkivo Wayback Machine
- ↑ Fonto: Komunumdatumoj de la retejo de la Svisa Federacia Oficejo pri Statistiko, retejo konsultita la 5-an de novembro 2011
- ↑ Fonto: Georges Andrey: Cerniat en Historia Leksikono de Svislando (2003-09-01)
- ↑ Retejo de la nova komunumo Val-de-Charmey
Eksteraj ligiloj
redakti- Oficiala retejo de la komunumo Cerniat Arkivigite je 2013-05-31 per la retarkivo Wayback Machine
- Vidu ankaŭ en la Vikimedia Komunejo la kategorion Cerniat – (Kolekto de bildoj kaj plurmediaj dosieroj)
Bildoj
redakti-
Preĝejo de Cerniat -
Kapelo Triunueco de Pelleys -
Kafejo en la vilaĝocentro
