Fibro-plasto-ligo
Fibro-plasto-ligo aŭ fibro-plasta kunmetaĵo (ankaŭ fibro-plifortigita plasto aŭ fibro-ligita plasto) estas materialo konsistanta el plifortikigaj fibroj kaj plasta matrico. La matrico ĉirkaŭas la fibrojn kiuj estas ligitaj al la matrico per gluaj interagoj. Pro la uzo de fibromaterialoj, fibro-plastaj kunmetaĵoj havas direktodependan elastecokonduton.
Sen matrica ilo, la altaj specifaj fortoj kaj rigidecoj de la plifortikiga fibro ne estas uzeblaj. Nur per la taŭga kombinaĵo de fibro kaj matrica ilo aperas nova konstrua ilo. Fruaj provoj ĉe evoluigado de rezin-ligitaj fibro-ligaj materialoj kaŭzis la evoluon de linoleumo meze de la 19-a jarcento. La plej konata fibro-liga plasto hodiaŭ estas vitrofibro-fortigita plasto, konsistanta el plasto (ekz. poliestera rezino, epoksida rezino aŭ poliamido) kaj vitrofibro - multaj velboatoj estas el vitrofibrofortigita plasto, grandaj jaĥtoj sed ankaŭ boatetoj kiel la dekstre bildigita infana velboato optimisto kun esperantistaj velantoj.
Fibro-plastaj kunmetaĵoj ĝenerale elmontras altajn specifajn rigidecojn kaj fortojn. Ĉi tio faras ilin taŭgaj materialoj en malpezaj konstruaj aplikoj. Ĉefe plataj strukturoj estas formitaj el fibro-plastaj kunmetaĵoj.
La mekanikaj kaj termikaj propraĵoj de fibro-plastaj kunmetaĵoj povas esti fiksitaj trans diversaj parametroj. Krom la fibro-matrica kombinaĵo, ekzemple, la fibra angulo, la fibro-volumena proporcio, la tavolsekvenco kaj multe pli da parametroj povas esti variigitaj.
Fibro-plastaj ligoj apartenas al la klaso de fibro-plifortigitaj materialoj (fibro-ligitaj materialoj), kiuj siavice apartenas al la klaso de kompozitaj materialoj.
