Flava makulo

En anatomio, la flava makulo (latine macula lūtea) aŭ simple makulo estas ovala pigmenta areo en la centro de la homa retino aŭ en kelkaj animalaj retinoj.

Strukturo de la okulo (anglalingva). “Pupil” = pupilo, “lens” = kristalino, “retina” = retino, “blood vessels” = sangovaskuloj, “fovea” = centra foveo, “macula” = flava makulo, “iris” = irido, “cornea” = korneo.

Priskribo

La diametro de la homa flava makulo estas proksimume 5,5 milimetroj.

La flava makulo estas flaveca, pro la ĉeesto de luteino kaj zeaksantino.

• 
  Fotografaĵo de la homa okulo. La flava makulo estas videbla kiel malluma regiono en la centro de la bildo.
• 
  Diagramo de la strukturo de la flava makulo

Funkcio

La makulo, per sia flava koloro, sorbas kaj blokas troan bluan kaj ultraviolan lumon enirintan en la okulon.

En la makulo ĉeestas la foveo, kiu enhavas multe da konusetoj. Tiel, la makulo ebligas la centran, altkvalitan, koloran vidkapablon en bona lumado. Se la makulo difektiĝas, tia vidkapablo ankaŭ difektiĝas.

Eksteraj ligiloj

• Macula lutea (angle). Medline Medical Encyclopedia. National Institutes of Health of the United States of America.