Francisco de Quevedo

Francisco Gómez de Quevedo y Villegas (Madrido, 14-a de septembro 1580 - Villanueva de los Infantes, Ciudad Real, 8-a de septembro 1645) estis unu el la plej gravaj hispanaj verkistoj de la ora epoko de la hispanlingva literaturo. La nomo estas foje esperantigita kiel Kvevedo, sed tio estas erara: pli ĝusta estas Kevedo.

Francisco de Quevedo
Persona informo
Francisco Gómez de Quevedo y Santibáñez Villegas
Naskiĝo	14-an de septembro 1584 (1584-09-14) en Madrido
Morto	8-an de septembro 1645 (1645-09-08) (60-jaraĝa) en Villanueva de los Infantes
Religio	katolika eklezio vd
Etno	Hispanoj vd
Lingvoj	hispana vd
Ŝtataneco	Hispanio vd
Alma mater	historia universitato de Alkalao Komplutensa Universitato de Madrido vd
Subskribo
Familio
Patrino	María Gómez de Santibáñez (en) vd
Edz(in)o	Esperanza de Mendoza (en) vd
Profesio
Okupo	verkisto poeto romanisto vd
Verkado
Verkoj	El Buscón vd
Membrecoj Membrecoj Ordeno de Sankta Jakobo vd
vd	Fonto: Vikidatumoj

Francisco de Quevedo (Alcalá de Henares).

Quevedo verkis tre varie, en la stilo de la Baroko. Li publikigis superban poezion, sed ankaŭ satirojn kaj maldecajn poeziaĵojn. Li estas la ĉampiono de la stilo nomata konceptismo, kiu tre uzis mallongajn esprimojn kaj spritajn vortludojn. Samtempe, li oponis la kultismon de Luis de Góngora, kun kiu li havis acerbajn polemikojn.

Ekzemploj de lia verkaro:

• Pikareska romano: Historia de la vida del Buscón llamado don Pablos (Historio de la vivo de la serĉisto Don Pablos), konata simple kiel "El Buscón", serĉisto (de vivrimedoj) (1626)
• Estetikista verko: Los sueños (La sonĝoj) (1627), La cuna y la sepultura (La lulilo kaj la tombo) (1635)
• Satiro: La culta latiniparla (La latinparolanta klero) (1631), Aguja de navegar cultos (kulturnavigilo)
• Politikaj verkoj: Política de Dios, gobierno de Cristo (Dia Politiko, Krista rego) (1626), Vida de Marco Bruto (vivo de Marko Bruto) (1632-1644)

Li ankaŭ partoprenis la politikon tiutempan, kaj estis kunlaboranto de la Grafo-Duko de Olivares kaj sekretario de la reĝo Filipo la 4-a.

Quevedo estas tre fama en Hispanio, kie ankoraŭ nun lia nomo taŭgas kiel ĉefrolulo de anekdotoj, surbaze de lia famo kiel satiristo kaj liaj popolaj kaj maldecaj verkoj. La nazumo (okulvitroj sen krampo) nomiĝas en Hispanio quevedos, ĉar li uzis ĝin. Premio de humoro portas lian nomon. Li estas rolulo en la serio de noveloj pri la Kapitano Alatriste, de la nuna novelisto Arturo Pérez-Reverte. Tamen, la tradukoj de liaj verkoj al aliaj lingvoj estas ĝenerale malfacila, kio kondukis al lia pli malgranda famo en aliaj landoj.

Vidu ankaŭ

• Quevedo (metroo de Madrido)

Eksteraj ligiloj

• Retejo pri Quevedo Arkivigite je 2005-08-03 per la retarkivo Wayback Machine en la Biblioteca Virtual Miguel de Cervantes (hispane)
• Poesía Completa (plena poezia verkaro) de D. Francisco de Quevedo y Villegas (hispane)