Gruna

Municipo Gruna (germane Grünau) situas en Ĉeĥio, regiono Pardubice, distrikto Svitavy, en montetaro Třebovské mezihoří, 7 km oriente de urbo Moravská Třebová. Vivas ĉi tie 246 loĝantoj (2024).

Gruna
germane Grünau
municipo
Vilaĝplaco en Gruna
Flago Blazono
Oficiala nomo: Gruna
Ŝtato	Ĉeĥio
Regiono	Regiono Pardubice
Distrikto	Distrikto Svitavy
Administra municipo	Moravská Třebová
Historia regiono	Moravio
Montaro	Zábřeha montetaro
Situo	Gruna
- alteco	408 m s. m.
- koordinatoj	49° 45′ 32″ N 16° 44′ 33″ O (mapo)
Areo	10,38 km² (1 038 ha)
Loĝantaro	246 (2024)
Denseco	23,7 loĝ./km²
Unua skribmencio	1270
Horzono	MET (UTC+1)
- somera tempo	MET (UTC+2)
Poŝtkodo	571 01
NUTS 3	CZ053
NUTS 4	CZ0533
NUTS 5	CZ0533 574325
Katastraj teritorioj	2
Partoj de municipo	2
Bazaj setlejunuoj	2
Situo enkadre de Ĉeĥio Situo enkadre de Ĉeĥio
Vikimedia Komunejo: Gruna (Svitavy District)
Retpaĝo: www.gruna.eu
Portalo pri Ĉeĥio

La najbaraj municipoj de la setlejo estas Radkov, Rozstání, Mohelnice, Borušov, Staré Město, Městečko Trnávka kaj Linhartice.

Historio

Vilaĝo Gruna ekestis per germana koloniigo post la duono de 13-a jarcento. La unua skriba mencio pri la vilaĝo estas el la jaro 1270. Žipotín, germane (Seibelsdorf) estas rememorata en la jaro 1365, kiel Sybothin ĉe la sinjorejo Cimburk kaj en la jaro 1398 ĉe la sinjorejo Moravská Třebová.

Žipotín estas preskaŭ neniiĝinta vilaĝo en romantika valo. Al Žipotín apartenas domaro Karlín, germane (Charlottendorf), kiu ekestis per parceligo de agrikultura korto apud la ŝoseo el Moravská Třebová al Mohelnice por 23 koloniistoj.

En la jaro 1408 kaj Gruna kaj Žipotín ricevis de sinjoroj el Kunštát rajton de bona restaĵo.

Dum la dua mondmilito estis en la vilaĝo preskaŭ ĉiuj loĝantoj germanoj. Post la milito ili estis elloĝigitaj en Germanion kaj la vilaĝo estis nove prisetlita.

Loĝantaro

Evoluo de nombro de loĝantoj

La datoj devenas el datumbazo de Vikidatumoj

Jaro	Loĝantoj
1869	882
1880	865
1890	811
1900	736
1910	682
1921	618

Jaro	Loĝantoj
1930	645
1950	289
1961	294
1970	265
1980	212
1991	168

Jaro	Loĝantoj
2001	160
2014	177
2016	186
2017	189
2018	215
2019	211

Jaro	Loĝantoj
2020	224
2021	232
2022	240
2023	246
2024	246

Partoj de municipo

• Gruna
• Žipotín

Memorindaĵoj kaj vidindaĵoj

• Paroĥestrejo en centro de la vilaĝo estas rememorata jam en la jaro 1486. En la jaro 1550 ĝi estis evangeliana kaj en la jaro 1625 ĝi perdiĝis. En la jaro 1863 ĝi estis restarigita.
• Vilaĝestrejo estas vasta bieno en centro de la vilaĝo
• Preĝejo de Sankta Adalberto staris sur tombejo, forbrulis kaj estis detruita en la jaro 1964
• En la vilaĝoj estas kelkaj originaj bienetoj kaj kabanoj
• Kapelo en Žipotín
• Kapelo en Karlín
• Ventelektrejoj super Karlín

Legendo

En arbaristejo en Karlín naskiĝis en la jaro 1801 Anna Gläser, protagonistino de populara historio pri "Annenruhe". Kiam ŝi estis dek ok jaraĝa, ekamis ŝin filo de urbestro el Moravská Třebová Josef Herkner. Gepatroj ilian amon kontraŭstaris kaj la geamantoj devis kunvenadi sekrete. En la jaro 1823 Anna devis edziniĝi al la vilaĝestro el Linhartice Franz Gromes, sed jam unu jaron post la nupto ŝi mortis. Post la enterigo vastiĝis informo, ke Josef forportis ŝin el la tombo kaj enterigis ŝian kadavron en sia ĝardeno sur monteto Křížový super Moravská Třebová. En antaŭnomfesta vespero de Anna en la jaro 1825 la vojo el Moravská Třebová al la ĝardeno estis lumigita per torĉoj kaj estis eĉ kreitaj germanlingvaj surskriboj "Dir dort" kaj "Annenruhe" (Al vi tie) kaj (Ripozo de Anna). La legendo estis literature kaj drame prilaborita. Sed ĝi konfirmiĝis kiam en la jaro 1924 estis la tombo en Linhartice malkovrita kaj oni trovis nur malplenan ĉerkon kaj definitive, kiam okaze de fosado en la ĝardeno estis trovita homa ostaro. Anna estis poste entombigita ree kun sia edzo Franz.

Eksteraj ligiloj

• Oficiala paĝaro de mikroregiono Moravská Třebová kaj Jevíčko ĉeĥe