Kankro (besto)

Kankro estas malgranda dolĉakva krustaco kiu tre similas al omaro. Ĝi troviĝas en sensalaj akvoj kiuj ne frostiĝas profunde dum vintro. Kankroj povas tuneli sub koto, kaj iuj kankroj troviĝas je 3 metroj subtere.

Kiel legi la taksonomion Kankro
Astako (Astacus astacus), eŭropa "nobela" kankro
Biologia klasado
Regno: Animaloj Animalia Filumo: Artropodoj Arthropoda Subfilumo: Krustacoj Crustacea Klaso: Malakostrakoj Malacostraca Ordo: Dekpieduloj Decapoda Subordo: Pleocyemata Infraordo: Astacidea Superfamilio: Astacoidea Latreille 1802
Familioj kaj Genroj
Astacidae Astacus Austropotamobius Paracifastacus Cambaridae Barbicambarus Bouchardina Cambarellus Cambaroides Cambarus Distocambarus Fallicambarus Faxonella Hobbseus Orconectes Procambarus Troglocambarus Parastacidae Astacoides Astacopsis Cherax Engaeus Engaewa Euastacus Geocherax Gramastacus Paranephrops Parastacoides Parastacus Samastacus Tenuibranchiurus Virilastacus
Aliaj Vikimediaj projektoj

Kankroj estas manĝeblaj, kaj kiel kankraĵo estas servata en kaĵuna kaj sveda kuirarto.

Science, "kankro" ne indikas unu specion, sed aron da specioj, ene de la familioj Astacidae, Cambaridae kaj Parastacidae (superfamilio Astacoidea). La nomo astako montras nur la anojn de Astacidae; tamen la vorto "astako" ne estas oficiala laŭ la Akademio.

Disvastiĝo

Estas kankroj en preskaŭ ĉiuj landoj de la mondo, krom granda parto de Azio.

Nur Astacidae vivas en Eŭropo kaj Okcidenta Azio; en Nordameriko vivas iuj Astacidae kaj ĉiuj Cambaridae; en la ceteraj kontinentoj (Sudameriko, Afriko, Oceanio) vivas Parastacidae.

Vidu ankaŭ

• Luiziana kankro
• Kankro (Zodiako)

Bildaro

• 
  Astacus astacus, eŭropa kankro
• 
  Astacus leptodactylus, la turka kankro (kiu ne vivas nur en Turkio)
• 
  Austropotamobius pallipes, alia eŭropa kankro
• 
  Cambarus scotti, usona kankro
• 
  Procambarus clarkii, alia usona kankro
• 
  Cherax quadricarinatus, aŭstralia kankro
• 
  Meksika stilo Kankro

Proverbo

Ekzistas proverbo pri kankro en la Proverbaro Esperanta de L. L. Zamenhof:

• 	„  Li scias, kie la kankroj pasigas la vintron.  ”