Malvidino

Malvidino

Plata Kemia strukturo

Tridimensia kemia strukturo de la Malvidino

Malvidino estas antocianino ekzistanta
en pluraj fruktoj kaj vinberoj.

Geranio kun forte blua tono de la antocianinoj.

Primula farinosa estas floro
kiu enhavas malvidinon.

Kemia formulo

C₁₇H₁₅O₇⁺

Fizikaj proprecoj

Fizikaj proprecoj

Molmaso

331.2968 g mol⁻¹

Smiles

GHS etikedigo de kemiaĵoj

GHS Damaĝo-piktogramo

GHS Signalvorto

Averto

GHS Deklaroj pri damaĝoj

H302+312, H312+332, H332, H334

GHS Deklaroj pri antaŭgardoj

P260, P262, P280, P304+312, P351

Escepte kiam indikitaj, datumoj estas prezentataj laŭ iliaj normaj kondiĉoj pri temperaturo kaj premo
(25 °C kaj 100 kPa)

Malvidino estas natura kemia substanco apartenanta al la familio de la antocianinoj, kaj ĝia glukozido estas la ĉefa vegetala pigmento abunda en naturo. La malvidino respondecas pri la blukoloro trovata en la petaloj de la Primula vulgaris. Blukoloraj floroj de la Anagallis monelli ankaŭ posedas grandan koncentriĝon de malvidinoj.

La specio Vitis vinifera, unu el ĝiaj fontoj, respondecas pri la koloro de la ruĝa vino. La blukoloro de la geranio, ĉeestanta en medioj neŭtralaj aŭ acidaj, aŭ la blanka koloro (baza medio) de tiu planto elmontras la acidecon aŭ alkalecon de la grundo. Kiel aliaj antocianinoj, ĝi posedas fortan kontraŭoksidan aktivecon. Pura malvidino en la naturo malofte okazas. La malkomponiĝo de la malvidino donas lokon al la siringata acido, trovata en la siringo.

Proprecoj

La malvidino partoprenas en grupo da ses ĉefaj antocianinoj trovataj en la plantoj, kune kun la cianidino, delfinidino, pelargonidino, peonidino kaj la petunidino. En ĉi-familio, ĝi karakteriziĝas pro la ĉeesto de grupiĝo OH⁻ en la pozicio 4 kune kun du grupiĝoj metoksilaj (R-O-CH₃) en la pozicioj 3 kaj 5 de la aromata ringo.

Kaŭze de ĝia flaviliuma nukleo, kiu posedas fortan reakciemon kun la nukleofilaj substancoj, la malvidino estas molekulo relative malstabila, kaj do malfacile troviĝas en ĝia pura formo en la vegetalaj histoj. La aldono de iu sukero en la karbono-3 donas al ĝia strukturo pli grandan stabilecon kaj solveblecon. Ĝenerale, la heterozidoj estigitaj per kondensiĝo de la malvidino kaj unu aŭ pluraj ozoj (eventuale aciklaj) produktas antocianozidojn multe pli stabilaj.