Momčilo Tapavica
Momčilo Tapavica [momĉilo], laŭ hungarlingve kutima nomordo kaj tiama ortografio Tapavicza Momcsilló, serbe Момчило Тапавица estis hungaria serba arkitekto, sportisto (tenisisto, luktisto, halterlevisto), olimpiano.
| Momčilo Tapavica | |
|---|---|
| |
| Persona informo | |
| Naskiĝo | la 14-an de oktobro 1872 en  Nádalja (Hungara reĝlando, Aŭstrio-Hungario)
|
| Morto | la 10-an de januaro 1949 en  Pula (Jugoslavio)
|
| Ŝtataneco | Hungario 
|
| Okupo | |
| Okupo | tenisisto halterlevisto arkitekto
|
Momčilo Tapavica[1] naskiĝis la 14-an de oktobro 1872 en Nádalja (Hungara reĝlando, Aŭstrio-Hungario, nuntempe en Serbio, li mortis la 10-an de januaro 1949 en Pula (Jugoslavio, nun en Kroatio).
Biografio
redaktiMomčilo Tapavica maturiĝis en Újvidék. En 1891 li translokiĝis al Budapeŝto kaj akiris arkitekturan diplomon helpe de serba stipendio. Dum lernado li ankaŭ sportadis, li ofte gajnis en pluraj sportobranĉoj, ekzemple eĉ en atletiko. Li partoprenis en Somera Olimpiko 1896 en la hungara teamo, kie li gajnis la bronzan medalon en la unuopa teniso, krome li atingis malpli gravajn lokojn en halterlevo kaj luktado. En Somera Olimpiko 1912 li partoprenis en la neoficiala serba teamo. Krom la sporta kariero Tapavica estis bonkonata arkitekto. En 1908 li edziĝis kaj revenis al Újvidék, iam poste li ricevis inviton al Montenegro. Komence de la 1-a mondmilito Tapavica vojaĝis tra Romo kaj Laŭzano al Maroko, kie li aliĝis al la franca Fremdula Legio. Li estis amiko de Francisco Franco. Post la milito li revenis al Novi Sad (jam serba), kie li faris arkitekturajn taskojn. En 1948 li moviĝis al Poreč, kie li partoprenis en la postmilitaj rekonstruoj. En Montenegro li estis ministro pri trafiko.
Elektitaj planitaj konstruaĵoj
redakti- domo "Matica srpska" (1912 Újvidék/Novi Sad)
- malnova fervoja ponto en Újvidék/Novi Sad
- nacia banko en Cetinje
- hotelo en Herceg Novi
- rekonstruado de kastelo en Kulpin (1912)