Natria perborato

Natria perborato

Kemia strukturo de la
Natria perborato

Duhidrata dumero de
natria perborato

Alternativa(j) nomo(j)

Natria salo de perborata acido
Perborato de natrio

Kemia formulo

NaBO₃

CAS-numero-kodo

7632-04-4 (anhidra)
10332-33-9 (unuhidrata)
10486-00-7 (kvarhidrata)

Fizikaj proprecoj

Aspekto

Blanka senodora pulvoro

Molmaso

81,7989 g mol⁻¹(anhidra)
117,8295 g mol⁻¹ (duhidrata)
153.86 g mol⁻¹(kvarhidrata)

Smiles

[Na+].[Na+].O[B-]1
(OO[B-](O)(O)OO1)O

Denseco

1,73 g/cm³

Fandopunkto

63 °C (145 ℉; 336 K) (kvarhidrata)

Bolpunkto

130 ĝis 150 °C (266 ĝis 302 ℉;
403 ĝis 423 K)
(kvarhidrata, malkomponiĝas)

Mortiga dozo (LD50)

3250 mg/kg (muso, buŝa)

Sekurecaj Indikoj

Risko

R8 R22 R23 R37
R41 R61 R62

Sekureco

S45 S47 S53

Pridanĝeraj indikoj

Danĝero

O
Oksidiga
agento

T
Toksa

GHS etikedigo de kemiaĵoj^[1]

GHS Damaĝo-piktogramo

GHS Signalvorto

Averto

GHS Deklaroj pri damaĝoj

H272, H302, H318, H331, H360Df, H335

GHS Deklaroj pri antaŭgardoj

P201, P210, P220, P280, P305+351+338, P310, P308+313, P501

Escepte kiam indikitaj, datumoj estas prezentataj laŭ iliaj normaj kondiĉoj pri temperaturo kaj premo
(25 °C kaj 100 kPa)

Natria perborato, perborato de natrio aŭ NaBO₃ estas neorganika kombinaĵo de natrio kaj perborata acido, blanka substanco, akvosolvebla, kiu kristaliĝas per unu, du, tri kaj kvarhidratoj. La plej gravaj komerce estas la unu- kaj kvarhidrataj molekuloj.

La plej elementa strukturo^[2] de la perboratoj estas la dumera anjono (B₂O₄[OH]₂²⁻), kie du boratomoj ligiĝas per du peroksaj pontoj en sesmembra seĝoforma ringo kaj la simplecaj reprezentaĵoj de la formulo estas nur konvena maniero elesprimi la averaĝan kemian komponaĵon.

Preparado kaj kemio

Natria perborato produktiĝas per reakcio inter dunatria kvarborato kvinhidrata, hidrogena peroksido kaj kaŭstika natrio. La unuhidrata formo dissolviĝas pli bone ol la kvarhidrata kaj havas pli grandan termo-stabilecon. Ĝi preparatas per hejtado de la kvarhidrata. Natria perborato suferas hidrolizon kontakte kun akvo, estigante hidrogenan peroksidon kaj borakson.

Strukturo

Kontraŭe al natria perkarbonato^[3] kaj perfosfato, natria perborato ne estas nur iu adukto kun hidrogena peroksido kaj ĝi ne havas unuopan BO₃⁻. Anstataŭ, ĝi prezentas ciklan dumeron anjonon B₂O₄(OH)₄²⁻, kie du boratomoj ligiĝas per du peroksaj pontoj ene de sesmembra seĝoforma ringo. Ĉi-strukturo igas la substancon pli stabila kaj sekura por manipulado kaj stokado. Do, la formulo de la natriaj saloj estas Na₂H₄B₂O₈.

Uzoj

Perborato de natrio uzatas kiel fonto de aktiva oksigeno en multaj sapoj, sapoj por lavbutikoj, produktoj por purigaĵoj kaj blankigagento. Ĝi same alestas en kelkaj formulaĵoj de dentokremo, kiel blankigagento por interna uzo de nevitala dentoradika traktado.^[4] La natria perborato estas enmetita en la dento-interno kaj lasata surloke dum certa periodo, permesante ke ĝi disetendiĝu tra la dento forigante makulojn el interne eksteren. Ĝi posedas antisepsajn proprecojn kaj povas agi kiel malinfektilo. Ĝi same uzatas kiel mallongedaŭra konservanto en kelkaj komercaj markoj de kolirioj.

Natria perborato estas malpli agresema blankigilo ol natria hipoklorito, kaŭzante malpli degradiĝon al tinkturoj kaj tekstilaĵoj. Boratoj same havas kelkajn neoksidivajn blankigajn proprecojn.

Natria perborato rapide liberigas oksigenon ĉe temperaturoj pli altaj ol 60 °C. Por igi ĝin pli aktiva en malaltaj temperaturoj (inter 40 °C kaj 60 °C), ĝi devas miksiĝi kun adekvata aktivigilo, ordinare la kvaracetilo-etilena duamino.