Oberuzwil

Oberuzwil
Blazono de Oberuzwil
Blazono de Oberuzwil
Bichwil, komunumo Oberuzwil
Bichwil, komunumo Oberuzwil
komunumo en Svislando
Kantono	Sankt-Galo
Distrikto	Elektodistrikto Wil
Koordinatoj	47° 36′ 0″ N 9° 8′ 0″ O (mapo)
Nombro de loĝantoj	5692
Areo	14,11 km²
Alteco	560 m super marnivelo
Poŝtkodo	9242
Komunumkodo	3407
Mapo de Oberuzwil
Mapo de Oberuzwil

Pri la komunumo

Oberuzwil estas komunumo en la elektodistrikto Wil, Kantono Sankt-Galo, Svislando. Ĝi havis 5692 loĝantojn je la 31-a de decembro 2006.

Geografio

Kvankam Oberuzwil apartenas hodiaŭ al la elektodistrikto Wil, oni alkalkulas la komunumon al la suba Togenburgo, kaj antaŭ la novordo de la distriktoj, ĝi estis parto de la distrikto Suba Togenburgo.

La komunumo konsistas el la municipoj Oberuzwil, Niederglatt, kaj Bichwil. Ĉiuj el tiuj tri municipoj konsistas siavice el pluraj ofte malgrandaj vilaĝetoj kaj setlejoj. En okcidento de la komunumo situas la Lageto de Bettenau.

Al Oberuzwil apartenas Buchen; al Bichwil Bisacht, Engi, Eppenberg, Kreienberg, Langenaŭ, parto de Oberrindal, Ramsaŭ, Riggenschwil, Ritzenhaus kaj Sonder; al Niederglatt Äschen, Güllwies, Häuslen, Heiligenswil, Herrenhof, Hinterbach, Homberg, parto de Löchli, Untertobel, Obertobel, parto de Rudeln, Saurenmoss, Städeli, Watt kaj Wilen.

Trafiko

Oberuzwil situas ĉe la trajnlinio de Svisaj Federaciaj Fervojoj de Sankt-Galo al Zuriko kaj dividas sian stacidomon, kie haltas ankaŭ interurbaj rapidtrajnoj, kun la najbara urbo Uzwil.

Historio

La unua dokumenta mencioj de Oberuzwil kiel Uzzinwilare datiĝas el la jaroj 819 kaj 824, de Bichwil kiel Pichilinwilare kaj de Wilen kiel Wila el la jaro 865.

Eksteraj ligiloj

• Oficiala retejo de la komunumo Oberuzwil

•  Vidu ankaŭ en la Vikimedia Komunejo la kategorion Oberuzwil – (Kolekto de bildoj kaj plurmediaj dosieroj)

Bildoj

• 
  Lageto de Bettenau
• 
  Loka Muzeo Oberuzwil
• 
  Reformita preĝejo de Oberuzwil
• 
  Katolika preĝejo de Oberuzwil