Salpinkto
La Salpinkto, laŭ la genro, aŭ Roksalpinkto laŭ la specio (Salpinctes obsoletus) estas malgranda kantobirdo de la familio de trogloditedoj. Ĝi estas la ununura specio de la genro Salpinctes.
 | ||||||||||||||
|---|---|---|---|---|---|---|---|---|---|---|---|---|---|---|
 Roksalpinkto
| ||||||||||||||
| Biologia klasado | ||||||||||||||
| ||||||||||||||
| Salpinctes obsoletus (Say, 1823) | ||||||||||||||
| Konserva statuso | ||||||||||||||
 | ||||||||||||||
Aliaj Vikimediaj projektoj
| ||||||||||||||
Plenkreskuloj estas 12 cm longaj kaj havas grizbrunajn suprajn partojn kun malgrandaj nigraj kaj blankaj punktoj kaj palgrizajn subajn partojn kun helbruna pugo. Ili havas helgrizan linion superokulan, longan iom kurvecan maldikan bekon, longan striecan voston kaj malhelajn gambojn.
La reprodukta habitato estas sekaj rokejoj, inklude kanjonojn, el sudokcidenta Kanado suden al Kostariko. Tiu birdo konstruas tasforman neston en fendo aŭ kavaĵo, kutime inter rokoj.
Tiuj estas konstantaj loĝantaj birdoj en la sudo de sia teritorio, sed nordaj populacioj migras al pli varmaj areoj el centra Usono kaj sudokcidenta Kanado suden. Ili estas eventualaj vagantoj en orienta Usono.
Tiuj birdoj aktive ĉasas surgrunde, ĉirkaŭ kaj sub objektoj, plukante per siaj bekoj kiel elprena ilo. Ili ĉefe manĝas insektojn kaj araneojn.
La kanto de tiu birdo estas trilado, kaj iĝas pli varia dum la reprodukta sezono.
Referencoj
redakti- BirdLife International (2004). Salpinctes obsoletus. Internacia Ruĝa Listo de Endanĝeritaj Specioj, eldono de 2006. IUCN 2006. Elŝutita 12a Majo 2006. Malplej zorgiga
- Stiles kaj Skutch, A guide to the birds of Costa Rica ISBN 0-8014-9600-4
Eksteraj ligiloj
redakti- Salpinkto fare de John Audubon Arkivigite je 2009-07-04 per la retarkivo Wayback Machine
- Salpinkto – Laboratorio Cornell de Ornitologio
- Salpinkto - eNature.com[rompita ligilo]
- Salpinkto - Suddakotaj Birdoj
- Salpinkto - USGS Patuxent Birdinformaro
- Fotaro de Salpinkto VIREO