Sarmizegetusa

Sarmizegetusa [sarmizeĝetusa] estas vilaĝo kaj komunuma sidejo en distrikto Hunedoara en Rumanio. La loko situas en la regiono Transilvanio de Rumanio, sudokcidente de la urbo Hațeg.

Sarmizegetusa
Komunuma sidejo
dava • arkeologia loko • antikva urbo • fortreso • templo
Lando	Rumanio
Distrikto	distrikto Hunedoara
Alinome	Sarmisegethusa, Várhely (hungare)
Iama hungara departemento	Hunyad
Situo	45° 31′ N, 22° 47′ O (mapo)45.51277777777822.783611111111
Sarmizegetusa (Rumanio) DMS
Alto super maro	506 m
Poŝtkodo	337415
Loĝantaro
– komunumo	1.209 (en 2011)
– vilaĝo	549 (en 2011; 672 en 2002)
Kodo laŭ SIRUTA	91063

Administre apartenas al la komunumo la vilaĝoj Breazova, Hobița-Grădiște, Păucinești kaj Zeicani.

Historio

Sarmizegetusa estis la ĉefurbo de la antikva regno Dakio.

Proksimume 40 kilometrojn de la antikva dakia ĉefurbo dum la 2-a jarcento konstruiĝis la romia setlejo Colonia Ulpia Traiana Augusta, kiu estis antaŭvidita kiel formala nova centro de la romia provinco, sed la fakta administra regejo de la provinco tamen restis la antikva dakia ĉefurbo.

Ekde la mezepoko la loko rumana nomiĝas Grădiște, hungare Várhely kaj germane Burgort. La mezepoka loĝloko unuafoje menciiĝis en la jaro 1315. Ĝis 1919 la loko apartenis al Hungario (Hunyad vármegye), kaj ekde tiam formale estas komunumo de la ŝtato Rumanio. Dum la jaro 1910 Grădiște havis 1 043 loĝantojn (rumanoj, hungaroj kaj germanoj); dum 1992 temis pri 715 (rumanoj).

Oni nuntempe ofte prirabas la areon kaj vendas la trovitaĵojn eksterleĝe.

Fonto

• Magyar nagylexikon, 1–18, 1993–2004, Budapest.
• Loknomvortaro de Transilvanio kaj de Moldavio (Rumanio).

Eksteraj ligiloj

• Popolnombrado 2002 Arkivigite je 2008-06-14 per la retarkivo Wayback Machine
• Mapo de la distrikto Arkivigite je 2006-05-24 per la retarkivo Wayback Machine
• Administracia mapo de la distrikto Arkivigite je 2015-05-09 per la retarkivo Wayback Machine

• 
  Situo en la distrikto
• 
  Loko de la iama templo
• 
  Komunuma domo
• 
  Ruinoj de Ulpia Traiana