Tachybaptus

Tachybaptus estas genro de malgrandaj birdoj membroj de la familio de greboj. La genro havas reprezentantojn ĉe multe de la mondo, inklude la tropikojn.

Kiel legi la taksonomion Taĥibaptoj
Tachybaptus ruficollis en Hajderabado, Barato.
Biologia klasado
Regno: Animaloj Animalia Filumo: Ĥorduloj Chordata Klaso: Birdoj Aves Ordo: Podicipoformaj Podicipediformes Familio: Podicipedoj Podicipedidae Genro: Tachybaptus
Aliaj Vikimediaj projektoj

Tiuj greboj reproduktiĝas en malgrandaj kolonioj en tre dense vegetalaj areoj de nesalakvaj lagoj. Ili povas moviĝi al pli malfermaj aŭ marbordaj akvoj for de la reprodukta sezono, kaj la birdoj de tiuj areoj kie la akvo frostas povas migri.

Kiel ĉiuj greboj, ili nestumas ĉe la akvobordoj, ĉar iliaj kruroj estas tre malantaŭaj kaj ili ne povas bone piediri. La striecaj junuloj estas foje postataj surdorse fare de la plenkreskuloj.

Tiuj malgrandaj greboj estas elstaraj naĝantoj kaj plonĝantoj, kaj persekutas siajn predojn nome fiŝojn subakve. Ja la nomo Tachybaptus laŭvorte signifas "rapidaj plonĝantoj" (el la greka por "rapida" kaj "plonĝi").

Ambaŭ seksoj estas similaj, diketaj kaj mallongbekaj kun malantaŭa parto ŝveba kiel kvasto de pudrilo. Plenkreskuloj havas distingajn reproduktan plumaron kaj laŭtajn reproduktajn alvokojn. Vintre, ili estas grizaj kaj blankaj.

La kvar malnovmondaj specioj estas tre proksime rilataj unu al alia kaj almenaŭ tri interreproduktiĝis. Male al tiuj, la Malgrandeta grebo ne havas ruĝecbrunan koloron en kolo, kaj estis iam lokita en almenaŭ tri aliaj genroj.

Specioj

• Genro Tachybaptus
  • Malgranda grebo, Tachybaptus ruficollis
  • Aŭstralazia grebo Tachybaptus novaehollandiae
  • Madagaskara grebo, Tachybaptus pelzelnii
  • Ruĝa grebo, Tachybaptus rufolavatus , laste vidita en 1985, deklarita formortinta en 2010)
  • Malgrandeta grebo, Tachybaptus dominicus

Literaturo

• Olgilvie kaj Rose, Grebes of the World ISBN 1-872842-03-8
• Harrison, Peter Seabirds: An Identification Guide ISBN 0-7470-1410-8