Zwolle

Zwolle (52° 31′ N 6° 5′ O (mapo)), ĉefurbo de la Nederlanda provinco Overiselo, estas malnova Hanso-urbo. Fine de 2021 en la municipo vivis 129 840 loĝantoj sur areo de 119,28 kvadrataj kilometroj, kio rezultigas loĝdenson de 1 089 loĝantoj/km².

Municipo Zwolle
Flago de la municipo Zwolle	Blazono de municipo Zwolle
Hansa urbo • nederlanda municipo • urbego • loĝloko en Nederlando • loĝloko kun urborajtoj kaj privilegioj
Ĝemelurboj Vologda • Kaliningrado • Lünen vd
Provinco	Overiselo
Urbestro	Henk Jan Meijer
Ĉefloko	Zwolle
Areo  - Tero  - Akvo	119,28 km² 112,11 km² 7,17 km²
Loĝantaro  - Loĝdenso	129840 (2021) 1014 loĝ./km²
Geografia situo	52° 31′ N, 6° 5′ O (mapo)52.5166666666676.0833333333333
Zwolle (Overiselo) DEC
Zwolle (Nederlando) DEC Situo de Zwolle
Gravaj trafikaj arterioj	A28, A50, A35, N331, N337, N340, N764; fervojo al Groningen, Leeuwarden, Amersfoort, Emmen, Almelo, Arnhem, Utrecht kaj Kampen
CBS-municipokodo	0193
Telefona kodo	038
Poŝtkodo	8000–8049
Oficiala retejo	https://www.zwolle.nl/

Ekzistas ankaŭ samnoma urbo en Louisiana (Usono).

Politika signifo

En Zwolle estis naskita Johan Thorbecke (14-an de januaro 1798-4-an de junio 1872), unu el la plej famaj Nederlandaj ŝtatistoj, prezidanto de la komisiono kiu verkis kaj akceptigis la konstitucion de Nederlando de 1848.

En Zwolle estis fondita la 26-an de aŭgusto 1894 la S.D.A.P., la antaŭulo de la nuna Social-demokrata Partio de la Laboro (Partij van de Arbeid).

Kultura signifo

panoramo

Naskiĝis, verkis kaj loĝis en Zwolle pluraj artistoj kaj famuloj: Se mencii nur pri kelkaj:

• Theoderich Ulsenius (ĉ. 1460- ĉirkaŭ 1508), kuracisto kaj humanisto
• Paul Gellings Gerard Terborch (1617-1681), pentristo
• Rhijnvis Feith (1753-1824), aŭtoro
• Anton den Doolaard (1901-1994), aŭtoro
• Marnix Kappers (* 1943), aktoro
• Herman Brood (1946-2001), kantisto, aktoro, pentristo; laboris grandparte en Amsterdamo
• Hossein Sadjadi Ghaemmaghami Frahani (* 1954), konata kiel Kader Abdolah, aŭtoro; naskita en Irano
• Jan Vayne (* 1966), pianisto kaj pentristo
• Renate Schutte (* 1974), fotomodelino kaj prezentistino
• Glenn de Randamie (* 1984), repisto Typhoon; studis en la lernejo kie instruas Gerrit Berveling.
• Paul Gellings, urba poeto depost 2006, aŭtoro kaj docento
• Thomas a Kempis (1379-1471), monaĥo, aŭtoro ekzemple de Imitado de Kristo, reprezentanto de la Moderna Devoteco
• Willem Bartjens (1569 - 1639), unu el la plej famaj instruistoj de la Nederlanda historio (li instruis pri matematiko - lia nomo fariĝis proverba: "tio estas ... tiom, laŭ Bartjens")
• Michael Minsky (1918-1988) kantisto.

La urbo, krome, ĉiujare tre abunde festas Karnavalon - escepto en la nordo de Nederlando.

Vidindaĵoj

• la Peperbus ('Piprujo'): tipa turo
• la urba pordego
• la urba kanalo (kiu ĉirkaŭas la tutan urbon)
• muzeo De Fundatie

Ĝemelurbo

Zwolle ĝemeliĝis kun Lünen en Germanio.

Famuloj

• Herman Brood

Esperantistaj famuloj

• Gerrit Berveling

Esperanto-monumento en Zwolle

Esperanto

En la urbo troviĝas pluraj Esperanto-monumentoj:

• grandega ŝtona monumento kun la teksto "Esperanto", "Kompreno", "Paco" kaj kun kapo en la mezo.
• busto de Zamenhof.
• trafikcirklo kun la nomo "Rotonde Zamenhof".

(vidu Listo de ZEO-j en Nederlando)

Pri la urbo aperas broŝuroj ĉe VoKo.

Eksteraj ligiloj

• Oficiala retejo (nederlande)