Cikado

Cikadoj estas insektoj el la subordo de la ordo hemipteroj. Tiuj virinsektoj kapablas eligi akran, vibran sonon (ĉirpado).

Tibicen linnei

Cicada estas la genro de hemipteroj, el kiu originas la vorto "cikado", pli ĝenerale uzata.

Ekzemple: Sangruĝa cikado (Tibicina haematodes)

En la orienta Usono kaj Kanado ekzistas speco de cikado vulgare nomata kiel cikla cikado (Magicicada septemdecim). En la grundo atendas miliardoj da larvoj (populare nomitaj "nimfoj"). Tiam, iun tagon, ili ĉiuj elfosas, eliras el sia subtera kovujo, alkroĉiĝas al arbo aŭ al iu alia objekto kaj el la eksterskeleto aperas la plenkreska cikado. Ili formas grandegajn svarmojn, kaj faras surdigan bruegon. Pro tiu kutimo, la lokaj setlantoj identigis ilin kun la akrido, kvankam ekzistas neniu rilato inter tiuj du specioj de insektoj. La plenkreskulo restos viva dum kvin ĝis sep semajnoj, dum kiuj ĝi reproduktiĝos. La naskiĝantaj larvoj revenos al la loko de kie venis iliaj gepatroj, subteran, kie ili atendos multajn jarojn, ĝis la ĝusta momento por komenci plian ciklon de 13 aŭ 17 jaroj

Diversaj manieroj de insekta ĉirpado

• per la elitroj,
• per frotado de la malantaŭaj kruroj,
• per membrano antaŭ sonorkesto.

Listo de specioj

Familio cikadedoj (Cicadidae)

Genro Graptopsaltria Olecikado

mediteranea cikado Cicade plebeja

monta cikado Cicadetta montana

deksepjara cikado Magicicada septemdecim

ŝelo-cikado Platypleura kaempferi

masko-cikado; kranio-cikado Tosena seebohmi

familio jasedoj (nanaj cikadoj) Jassidae

verda cikado Jassus lanio

ruĝa-blua cikado Graphocephala coccinea

orel-cikado Tettigella viridis

rozo-cikado Typhlocyba rosae

familio cerkopisedoj (ŝaŭmo-cikadoj) Cercopidae

sango-cikado Cercopis vulnerata

ŝaŭmo-cikado Philaenus spumarius

familio. psiledoj (folio-puloj) Psyllidae

pomo-cikado; pomo-pulo Psylla mali

kverka folio-pulo Psyllopsis fraxini

familio fulgoredoj (lanterno-cikadoj) Fulgoridae

ruĝanaza lanterno-cikado Fulgora candelaria

Eŭropa, pinta lanterno-cikado Dictyophara europaea

Surinama, araĥida lanterno-cikado; araĥido-kapa cikado Lanternaria phosphorica

segila lanterno-cikado; segilo-cikado Phricus serratus

familio membrakedoj (kasko-cikadoj) Membracidae

globeta kasko-cikado Bocydium globulare

ĵetila kasko-cikado Sonsophorus balista

tenila kasko-cikado Heteronotus abbreviatus

dorna kasko-cikado Umbonia spinosa

(Eŭropa) dorno-cikado Centrotus cornutus

Plie en Usono ekzistas la magicikadedoj, karakterizitaj per ilia vivociklo de aŭ 13 aŭ 17 jaroj, fine de kiu ĉiuj la cikadoj de unu specio samtempe eliras teron, geiĝas kaj mortas; tiam povas esti miliardoj da ili en sama loko; ĉefe en Usonaj ŝtatoj Indiana, Ohio kaj Kentucky.