Mes

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Un mes (d'o latín < MENSIS) ye cada un d'os doce periodos de tiempo, d'entre 28 y 31 días, en que se divide l'anyo. D'antis mas mes yera sinonimo de lunación, que alto u baixo dura 29 días y meyo. En un anyo bi ha 12 lunacions y sobran 10 días. Primero istos días sobrants no yeran de dengún mes, pero con o tiempo s'ha ito repartindo entre os diferents meses, dica plegar ta la situación actual, en que mes y lunación ya no coinciden. A durada d'os meses s'establió de forma aleatoria: por eixemplo, chulio y agosto tienen os dos 31 días porque se consideró que o mes adedicato a César Augusto no heba de tener menos que l'adedicato a Chulio César; y d'atra man febrero, zaguer mes de l'anyo romano, se quedó con menos días que a resta.

Cada mes agrupa un minimo de cuatre semanas.

Tanto en o calandario gregoriano, como en o calandario chuliano, l'anyo tien doce meses. En aragonés, cada un d'istos meses tien un nombre d'orichen latín:

Mes	Nº días	Nombre orichinal
Chinero	31	(XI) Ianaurius (de Chan, dios d'as puertas)
Febrero	28 ó 29	(XII) Februarius (de Februus, antigo dios etrusco)
Marzo	31	(I) Mars (de Marte, dios d'a guerra)
Abril	30	(II) Aprilis (d'Apru, diosa etrusca)
Mayo	31	(III) Maius (de Maya, diosa floral)
Chunio	30	(IV) Iunius (de Chuno, diosa d'o matrimonio)
Chulio	31	(V) Quintilis (cinqueno mes) y Iulius (en honor a Chulio César)
Agosto	31	(VI) Sextilis (seiseno mes) y Augustus (en honor a César Augusto)
Setiembre	30	(VII) September (septimo mes)
Octubre	31	(VIII) October (ueiteno mes)
Noviembre	30	(IX) November (nueno mes)
Aviento	31	(X) Adventum (plegata, arribata)

Referencias

• Datos: Q5151
• Multimedia: Months / Q5151