Aste

Astea astelehenetik igandera doan zazpi egun jarraikietako denbora da. Zazpi egun jarraikiko edozein denbora tarteri, berriz, astea edo astebetea deritzo. Astearen zazpi egunen izenik ohikoenak, euskaraz, hauek dira:

• astelehena
• asteartea
• asteazkena
• osteguna
• ostirala
• larunbata
• igandea

Aste
Azpiklasea	hil
Neurtzen du	iraupena
SI sistemarako konbertsioa	604.800 s
Unitate estandarretan	7 d
Ikurra	u

Asteko egunen heptagrama

Nazioarteko ISO 8601 arauak eta Europako herrialde gehienek astelehena asteko lehen eguntzat hartzen dute. Europatik kanpoko mendebaldeko herrialde askotan igandea asteko lehen eguntzat hartzen da eta Ekialde Hurbileko zati handi batean astea larunbatean hasten da.

Asteko egunen izenak, euskalkietan

Asteko egunen izen ezagunenez gainera, badira beste izen batzuk, euskalkietan (forma zabalduenaren berdina baldin bada, ez dugu ezer jarriko):

Izen zabalduena	Bizkaieraren aldaera gehienetan	Bizkaieraren mendebaldeko zenbait aldaeratan	Bizkaieraren ekialdeko aldaeretan	Gipuzkeraren mendebaldeko aldaeretan	Nafarreraz eta nafar-lapurteraz	Behe nafarreraz	Zubereraz eta erronkarieraz
astelehen		ilen
astearte	martitzen
asteazken	eguazten
ostegun	eguen				ortzegun
ostiral	bariku		egubakoitz		ortzirale
larunbat	zapatu					ebiakoitz	neskenegun
igande	domeka			jai

Asteko egunen laburtzapenak

Izena	Laburtzapena
astelehen	al.
astearte	as.
asteazken	az.
ostegun	og.
ostiral	or.
larunbat	lr.
igande	ig.

Esaerak

Esaera ugari dago asteko egunak adierazgarri dituena, esaterako, hauek:

• "Aste guziz bada ostiral bat".
• "Astegun guztiak balira jai! Alferrak hori nahi" (edota "Ja, ja, jai! asteak balira jai! Neska alferrak hori nahi")
• "Jai ta aste? Mal traste!"
• "Jaiek aste, ni beti izateko gazte".

Ikus, gainera

Wikiztegian orri bat dago honi buruz: aste .

Kanpo estekak

• Datuak: Q23387
• Multimedia: Weeks / Q23387