Bermeoko frantziskotarren eliza eta klaustroa

Frantziskotarren eliza eta klaustroa Bermeoko ondare nabarmen bat da. 1357ko urtarrilaren 30ean eraiki zen Bermeoko harresietatik kanpo eta Bizkaiko komenturik zaharrena da. Komentua eliza gotiko batek, klaustro batek eta etxebizitza batek osatzen dute. Urte batzuk geroago, garaiko aita santuak komentua itxi nahi izan zuen baina ez zuen lortu.

Bermeoko frantziskotarren eliza eta klaustroa
Kultura ondasuna
Irudi gehiago
Kokapena
Herrialdea	Euskal Herria
Probintzia	Bizkaia
Herria	Bermeo
Koordenatuak	43°25′08″N 2°43′30″W
Historia eta erabilera
Eraikuntza	1357
Ondarea
BIC	RI-51-0005153
35

Eliza

Elizak laukizuzen itxura du, eta 12 metro zabal, 48 metro luze eta 21 metro garai da. XVI. mendeko nabe gotiko bakarra du. Nabeak zazpi tarte ditu gurutze-gangez osatuak, eta hainbat kapera ere baditu. Haren erretaula barrokoa da. Abesbatzaren lekuan (koruan) 1914ko organoa eta dimentsio txikiko arrosetoia daude. XIX. mendean ingelesek erre zuten, eta berreraiki egin behar izan zen.

Klaustroa

Lekurik aipagarriena da eta 14 x 14 metroko lauki batek osatzen du. Eliza baino zaharragoa, elementurik zaharrena da eta politena ere bai. Edena irudikatzen duen lorategia arkupe ojibal batez dago inguratuta. Gangak izan beharrean, goiko solairuak sostengatzen dituzten egurrezko xaflak besterik ez du. Mendeetan zehar, etxebizitzak eraldaketa ugari izan ditu kuartela, eskola nautikoa, epaitegia... izan dela, bertan merkatua ere egin izan da. Orain dela urte batzuk, udalak erosi eta eraberritu egin zuen. Bertan katekesi klaseak ere ematen dira gaur egun, goiko pisuan elizgizonentzako zaharren egoitza dagoen bitartean.

1929an azoka gisa erabiltzeko moldatu zen. Bilboko Done Jakue katedralarekin batera gaur egunera iritsi den Bizkaiko klaustro gotiko bakarra da.

Kanpo estekak

• Datuak: Q41426409
• Multimedia: Cloister of San Francisco, Bermeo / Q41426409