Charles Ellet
Charles Ellet (Bucks County, Pennsylvania, AEB, 1810eko urtarrilaren 1a - Memphisko gudua, 1862ko ekainaren 21a) Estatu Batuetako ingeniaria izan zen. Kableetatik zintzilikatutako Ameriketako lehenengo zubia eraiki zuen.
| Charles Ellet | |
|---|---|
 | |
| Bizitza | |
| Jaiotza | Bucks konderria, 1810eko urtarrilaren 1a |
| Herrialdea |  Ameriketako Estatu Batuak |
| Heriotza | Cairo, 1862ko ekainaren 21a (52 urte) |
| Familia | |
| Aita | Charles Ellet |
| Ama | Mary Israel Ellet |
| Ezkontidea(k) | Elvira Augusta Stuart Ellet (en)  |
| Seme-alabak | ikusi
|
| Haurrideak | ikusi
|
| Hezkuntza | |
| Heziketa | École nationale des ponts et chaussées |
| Jarduerak | |
| Jarduerak | ingeniari zibila, ingeniaria eta militarra |
| Zerbitzu militarra | |
| Gradua | colonel (en) |
| Parte hartutako gatazkak | Ameriketako Estatu Batuetako Gerra Zibila |
  | |
Biografia
aldatuParisen egin zituen ingeniaritza-ikasketak eta Frantziara, Suitzara eta Britainiara egin zituen bidaiak. 1832an Estatu Batuetara itzuli zen eta Potomac ibaiaren gainean, Washington Hirian, 305 metroko zubi esekia egiteko proposamena egin zion Kongresuari. Hasieran, era horretan egindako beste zenbait lanekin gertatu zen bezala, zubi zintzilikatua egiteko ideia hori aurreratuegia zen bere garairako, eta ez zioten proposamena onartu. 1842an Schuylkill ibaian, Filadelfian, bukatu zuen Ameriketako lehenengoa; altzairuzko bost kable zituen alde bakoitzean, eta 109 m zen luze. 1846-1849 bitarteko urteetan inoiz eraiki den zubi zintzilikaturik luzeena (308 m) diseinatu eta egin zuen, Baltimore eta Ohioko burdinbide konpainiak eskatuta, Ohio ibaiaren gainean. 1847an 3 km-ko zubia egin zuen Niagara ibaian, ur-jauzien azpian; zubi horri esker lehenengo aldiz gurutzatu zen Niagarako mendi-lepoa. Zubi hori egiteagatik ordaindu behar zioten diru kopurua zela eta, istiluak izan zituen, eta bukatu gabe utzi zuen.
Erreferentziak
aldatu- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Datuak: Q5077355
Multimedia: Charles Ellet Jr. / Q5077355