Destrina

Destrina
Konposizioa	karbono, oxigeno eta hidrogeno
Mota	alpha-D-glucan (en)
Identifikatzaileak
CAS zenbakia	9004-53-9
Gmelin	23652
ZVG	25540
EC zenbakia	232-675-4
ECHA	100.029.693
CosIng	75529
MeSH	D003912
Human Metabolome Database	HMDB0006857
KEGG	C00721

Destrina almidoiaren edota glukogenoaren hidrolisian agertzen den oligosakaridoa da. Polisakaridoaren formularen berdina dute baina kate laburragoak dira.

Egitura

Destrinaren formula enpirikoa ${\ce {(C6H10O5)n}}$ da. Glukosak (maltosak edo isomaltosak) elkarren artean lotzen dira α(1→4) lotura O-glikosidikoaren bidez^[1]. Hainbat bakteriok destrinak ziklatu egiten dituzte sei-zortzi glukosatako eraztunak osatuz. Ziklodestrina izenarekin ezagutzen dira.

Destrinak uretan disolbagarriak dira, baina solido egoeran egon ohi dira, eta kolore zuri horixka izaten dute. Analitikoki, iodoaren bitartez detekta daiteke, honek kolore gorrixka bat hartzen duelako.

Erabilerak

Industrian erabiltzen den destrina patataren almidoitik ateratzen da. Oso erabilia da, toxititaterik ez daitute eta prezioa ere baxua baita. Erabilera ugari ditu:

Uretan disolbagarriak diren itsasgarriak^[2]: almidoia azido klorhidrikoarekin (HCl) nahastuz hau hidrolisatu eta sustantzia kolorgabe eta zaporegabe bat sortzen da, oso itsagarria dena. Gutun-azalen eta zigiluen lekeda egiten da horrela.
Elikagaien industrian loditzaile gisa erabiltzen da zopa, saltsa, gozoki eta haurrentzako janaritan. Kaloria baxuko elikagaiak ekoizteko gantzen ordezko gisa ere erabiltzen da.
Sendagauien aglutinatzailea da.
Industria piroteknikoan koloredu suak eta zenbait leherkari sortzeko erabiltzen da.
Ehungintzan kotoizko ehunak sortzen dira.

Deribatuak

Ziklodestrina

Sakontzeko, irakurri: «Ziklodestrina»

Ziklodestrinak kimika analitikoan erabiltzen dira. Substantzia hidrofoboak eta hidrofiloak banantzen dituzte eta farmazian hainbat botikaren formulazioa lortzeko eraginkorrak dira.

Maltodestrina

Sakontzeko, irakurri: «Maltodestrina»

Maltodestrina izeneko oligosakarido hau landare mota askoren almidoitik abiatuta ekoiztu daiteke. Europan gehien bat garagarretik eta garitik ateratzen da, Estatu Batuetan artoa erabiltzen da batez ere. Azken hau zeliakoentzako egokia da, garitik edo garagarretik ateratako maltodestrinak gluten arrastoak izan baititzake.

Erreferentziak

↑ Alistair M. Stephen, Glyn O. Phillips, Peter A. Williams. (2006). Food polysaccharides and their applications 2nd edition. CRC Press, Taylor & Francis Group, 92-99 or. ISBN 0-8247-5922-2..
↑ Radley, Jack Augustus. (1976). Industrial uses of starch and its derivatives. Applied Science Publishers Ltd ISBN 0-85334-691-7..

Kanpo estekak

Datuak: Q191978

[1] Alistair M. Stephen, Glyn O. Phillips, Peter A. Williams. (2006). Food polysaccharides and their applications 2nd edition. CRC Press, Taylor & Francis Group, 92-99 or. ISBN 0-8247-5922-2..

[2] Radley, Jack Augustus. (1976). Industrial uses of starch and its derivatives. Applied Science Publishers Ltd ISBN 0-85334-691-7..

[1]

[2]