Eduardo Arroyo

Eduardo Arroyo Rodríguez (Madril, Espainia, 1937ko otsailaren 26a - ibidem, 2018ko urriaren 14a) espainiar pintore eta idazlea izan zen. Margolari gisara, figurazio kritikoaren eta pop-aren ordezkari nagusietakoa izan zen. Nabarmena du bere obran ezkertiar ikuspegi politiko-soziala (Espainiako Alderdi Komunistako kide izan zen urte askoan).

Eduardo Arroyo
Irudi gehiago
Bizitza
Jaiotzako izen-deiturak	Eduardo Arroyo Rodríguez
Jaiotza	Madril, 1937ko otsailaren 26a
Herrialdea	Espainia
Heriotza	Madril, 2018ko urriaren 14a (81 urte)
Hezkuntza
Hizkuntzak	gaztelania frantsesa
Jarduerak
Jarduerak	margolaria, litografoa, grabatzailea, eskultorea, ilustratzailea, idazlea, eszenografia eta eszenografoa
Parte-hartzailea Documenta 6 (en) Q66447610
Lantokia(k)	Madril Paris eta Milan
Jasotako sariak	ikusi Tomás Francisco Prieto Prize  (1993) Espainiako Arte Plastikoen Sari Nazionala  (1982) Arte Ederretako Merituaren Urrezko Domina  (2000) Ordre des Arts et des Lettres
Mugimendua	Figuration narrative (en) Pop Artea
Izengoitia(k)	Arroyo, Eduardo J.

Biografia

1963an Parisen egin zuen erakusketak Espainiako Gobernuaren protesta diplomatikoa eragin zuen, Arroyok eginiko Franco, Mussolini, Hitlerren eta abarren erretratuak zirela eta. "Miró berregina" (1967) eta "25 bake urte" (1965) dira sasoi hartako bere beste obra ezagun batzuk.

Frantziako 68ko maiatzean buru-belarri ibili zen, eta hurrengo urteetan Italian jardun zuen, Klaus Gruberekin hainbat eszenografia eginez. 1976an berreskuratu zuen pasaporte espainiarra, eta orduan hasi zen bere sorterrian erakusketak egiten. Kultura ministerioaren Arte Plastikoen Sari Nazionala eman zioten 1982an, eta Frantziako Gobernuak Arte eta Letren Zaldun izendatu zuen 1983an. Parisko Pompidou Zentroan eta New Yorkeko Guggenheim Museoan atzera begirako erakusketak egin dizkiote. Eskulturan ere jardun du azken urteotan.

Idazle gisara, boxeoari buruz idatzi du (Panamá Al Brown), antzerki obrak (Bantam) eta kontakizunak: Sardinas en aceite (1990, "Sardinak oliotan"). 1998an Orgullo y pasión ("Harrotasuna eta grina") argitaratu zuen, autobiografia modukoa.

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

• Datuak: Q555137
• Multimedia: Eduardo Arroyo / Q555137