Hematuria
Odolez nahasitako gernuaren kanporatzea
Hematuria gernuan odola izatea da. Gernu bidez beti jariatzen dira globulu gorri apur batzuk, baina kopurua anormalki handia denean esaten da hematuria dela. Odola begi bistaz ikus daitekeenean (gernu gorrixka) hematuria makroskopikoa dela esaten da. Hematuria mikroskopikoa denean, berriz, gernuaren kolorea normala da eta gernu-analisi edo mikroskopio optikoaren bidez detektatzen da. Hematuria giltzurrunen, gernu-aparatuaren eta inguruko organoen eritasunen baten ondorioz sortzen da.
Erreferentziak
aldatu- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2013/08/02 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
