Filadelfiako Arte Museoa

Filadelfiako Arte Museoa (ingelesez Philadelphia Museum of Art) AEBetako Filadelfia hirian dagoen arte museo bat da, Pennsylvania estatuan.

Filadelfiako Arte Museoa
Philadelphia Museum of Art
Irudi gehiago
Kokapena
Estatu burujabe	Ameriketako Estatu Batuak
Estatua	Pennsylvania
County of Pennsylvania	Philadelphia konderria
Pennsylvaniako hiria	Filadelfia
Kokapen fisikoa	Fairmount Hill (en)
Koordenatuak	39°57′57″N 75°10′53″W
Historia eta erabilera
Claim for restitution of an artwork	2021
Inaugurazioa	1876
Zuzendaria	Timothy Rub (en) Langdon Warner (en) Fiske Kimball (en) Anne d'Harnoncourt (en)
Arkitektura
Arkitektoa	Horace Trumbauer (en) Zantzinger, Borie & Medary (en) Paul Philippe Cret Julian Abele (en)
Estiloa	Neogreziar arkitektura Art Déco arkitektura
Bisitariak urtean	775.043
Kontaktua
E-posta	mailto:visitorservices@philamuseum.org
Telefonoa	tel:+1 (215) 763-8100
Webgune ofiziala

1876an sortua izan zen, urte horretan bertan hirian ospatu zen Nazioarteko Erakustazoka zela eta. Gaur egungo eraikina 1919an hasi eta 1928ko udaberrian eraikitzetik amaitu zen, eta Horace Trumbauer arkitektoa eta Zantzinger, Borie & Medary enpresaren lana da. McIlhenny familiak museo honekin oso harreman estua izan du, lehenik Henry P. McIlhenny zena 1939-1964 artean museoaren arduradun izan baitzen, eta 1976tik 1986an hil zen arte administrazio kontseiluko presidente. Hil zenean bere ondare pertsonala museoari laga zion.

Urtero museoak 15-21 erakusketa berezi antolatzen ditu, eta 800.000 lagun inguruk bisitatzen dute, bai bertokoak, beste estatutakoak nahiz munduko herrialde eznerdinetakoak ere. Gaur egun arte, erakusketa arrakastastuenak Paul Cézanne (1996, 548.000 bisitari) eta Salvador Dalí (2005, 370.000 bisitari) artistei eskeini zitzaienak dira.

Filadelfiako Arte Museoak eraikin nagusi ikonikoaz gain Benjamin Franklin parkean ere badagoen Rodin Museoa eta beste hainbat kokaleku historiko ere hartzen ditu. Perelman Eraikina ere bere jabetzakoa da.

Zinema

Zinemazaleentzat eraikin nagusia eta bereziki bere eskailerak oso ezaguna den irudia da, honetan Rocky (1976) filmaren eszenarik ezagunena filmatu baitzen, hain zuzen ere, Rocky Balboa (Sylvester Stallone) boxeolariak bere entrenamendua Gonna Fly Now ("Orain Hegan Egitera") abesti ezagunaren doinuarekin lagundurik amaitu eta besoak zerurantz altxatzen dituen leku ikonikoa baita. Horregatik, filmaren zaletu ugari bertaratu eta Rocky eskailera deritzonan, zinemaren eszena mitiko hori oroituz, Rocky Balboaren papera antzeztu korrakaldi labur bat burutu eta besoak altxatu ohi dituzte.

• 
  Eraikin nagusia.
• 
  Museoaren aurreko plazatxoa eta hiriaren eraikinak.
• 
  Gauez.

Kanpo estekak

• Filadelfiako Arte Museoaren webgunea (Ingelesez)

• Datuak: Q510324
• Multimedia: Philadelphia Museum of Art / Q510324