Piramide-enbor

Piramide-enborra poliedro bat da piramidearen oinarriaren eta alboko ertzak ebakitzen dituen plano baten artean hartuta dagoena.

Piramide hexagonalaren enborra.

Planoa oinarriarekiko paralelo denean oinarri paraleloko enborra deritzo. Oinarrien arteko distantzia enborraren garaiera da. Piramide erregular bateko oinarri paraleloko enborra bi oinarrik (antzeko poligono erregularrak) eta hainbat alboko aurpegik (trapezio isoszeleak) osatuta dago. Trapezio horien garaierei apotemak deritze.

Piramide-enborraren azalera osoa kalkulatzeko honako formula hau erabiliko dugu:

$A={\frac {(P_{1}+P_{2})}{2}}\cdot a+B_{1}+B_{2}$

Oinarri paraleloko piramide-enborraren azalera osoa, non P₁, P₂ oinarrietako perimetroak , a enborraren apotema eta B₁, B₂ oinarrietako azalerak baitira.

Piramide-enborraren Bolumena, oinarriak paraleloak direnean eta haien azalerak B₁ eta B₂ diren, eta garaiera h, enborraren garaiera bider oinarrietako azaleren Batezbesteko herondarra da:

$V={\frac {h}{3}}(B_{1}+B_{2}+{\sqrt {B_{1}\cdot B_{2}}})$

Ikus, gainera

• Enborra
• Piramidea
• Batezbesteko herondarra

Kanpo estekak

• Datuak: Q3754967
• Multimedia: Frustums of pyramids / Q3754967