Reial Club Deportiu Espanyol

Reial Club Deportiu Espanyol 1900. urtean sortutako Bartzelonako futbol taldea da, lehen mailan jokatzen duena. Egun, hiri hartako bigarren futbol talderik onena da, Bartzelonaren atzetik. Lehen mailan denboraldi gehien egin dituzten taldeen artean laugarrena da, Real Madril, Bartzelona eta Bilboko Athletic Klubaren atzetik.

Reial Club Deportiu Espanyol
Datuak
Izen ofiziala	Reial Club Deportiu Espanyol de Barcelona S.A.D.
Mota	futbol-kluba eta men's association football team (en)
Herrialdea	Espainia
Liga	Espainiako futbol ligako lehen maila
Estadioa	Stage Front Stadium: Cornellà de Llobregat 41.34786°N 2.07567°E / 41.34786; 2.07567  40.000 Estadi de Sarrià (en) : Sarrià-Sant Gervasi 41.3931°N 2.1333°E / 41.3931; 2.1333 (1923–1997)  43.667
Agintea
Lehendakaria	Chen Yansheng (en)
Entrenatzailea	Manolo González (en)
Egoitza nagusi	Cornellà de Llobregat
Zeren jabe	Estadi de Sarrià (en) eta Stage Front Stadium
Historia
Sorrera	1900
Koloreak
Etxekoa 　 Kanpokoa
webgune ofiziala

Historia

Sorrera eta hasierako urteak

1900 urterako Bartzelonan futbol talde ugari zeuden, FC Catalá, Football Club Barcelona eta Hispania CF, besteak beste. Jokalari gehienak atzerritarrak ziren eta jadanik bertakoek ez zeukaten taldeetan sartzeko aukera handirik. Hori zela eta, Ángel Rodríguez Ruiz injeniari industrialak talde bat sortzea erabaki zuen eta horretarako bere aita presidente zuen Sociedad Gimnástica Españolaren lizentzia erabili zuen. 1900ko urriaren 28an, beraz, Sociedad Española de Foot-ball sortu eta handik urtebetera, Club Español de Foot-Ball izena hartu zuen. Jokalari gehienak katalanak ziren baina bi euskaldun eta andaluz bat ere baziren. Hasierako uniformea horia izan zen.

Lehenengo kopa 1903an irabazi zuen, Bartzelonako Copa Macaya, hain zuzen ere. Jokalari guztiak ikasleak ziren eta 1906an gehienak galdu zituen, batzuk Kataluniatik kanpoko unibertsitatetan matrikulatu zirelako eta beste batzuk X Sporting Club taldera joan. 1909 bitartean, beraz, ez zuen partidarik jokatu. 1910ean ikasleak itzuli eta haiekin batera X Sporting Clubeko eta Club Español de Jiujitsuko jokalariak jaso zituzten eta taldea birsortzea erabaki zuten, Club Deportivo Español izenaz: izan ere, futbolaz gain, beste kirol batzuetan ere parte hartzen baitzuen, hala nola esgrima, boxeoa eta jiujitsua. Taldeak gaurko kolore zuri-urdina eta Roger de Lauria itsasgizonaren armarria hartu zituen. 1912an Alfontso XIII.a Espainiakoak Errege titulua eman zion eta egungo izena eskuratu zuen, hots, Real Club Deportivo Español.

Hasierako urteetan, Kataluniako bigarren futbol taldea bihurtu zen, Bartzelonaren ostean, Kataluniako lau txapelketa irabazi baitzituen. 1923an Sarriá futbol zelaia inauguratu zuen. Atzerriko taldeen aurka jokatzeagatik nabarmendu zen taldea sorreratik. Hasieran Bartzelonara talde portugaldarrak eta txekiarrak jokatzera etorri ziren, baina 1925 eta 1926an Espanyol bera atera zen Portugal, Hego Amerika eta Erdialdeko Europara jokatzera. Ricardo Zamora atezainaren fama zela eta, Argentinako eta Uruguayko selekzioen kontra ere jokatu zuen Ameriketan.

Lehen titulu garrantzitsua 1929an lorturiko Kopa izan zen.

Gerra osteko urteak

Feyenoorden aurkako partida 1976ko UEFA Kopan.

80. hamarkadako taldea, tartean John Lauridsen daniarra.

Gerra Zibilaren ondoren bikain hasi zen, 1940ko Kopa lortuta; 50 urteurrena ospatzeko, 1949an Filipinetan gira bat egin zuen. 50. hamarkadan, Alejandro Scopelli entrenatzaile argentinarra fitxatu zuten: bitxikeria gisan, partiden atsedenaldian entrenatzaileak jokalariei oxigenoa arnasarazten zien, indarra har zezaten. Hala ere, ez zuen emaitza aipagarririk lortu.

Mundu guztian zehar

1961ean, Estatu Batuak eta Kanadan gira bat egin zuen. New Yorkeko liga estatubatuarrean parte hartu zuen, beste europar talde batzuekin batera. Hasierako partidak irabazi arren, 7. postuan bukatu zuen. 1962an lehen aldiz bigarren mailara jaitsi zen, nahiz eta hurrengo urtean berriz igo. 1967an, hirugarren postua eskuratu zuen, baina 1969an berriz jaitsi zen.

1971n, Sobietar Batasunean hiru partidu jokatu zituen, Kiev, Leningrado eta Moskun. Hamarkada hartan pare bat aldiz sailkatu zen UEFA jokatzeko eta 1973an berriz ere hirugarren egin zuen Ligan.

80 eta 90 hamarkadak

Gauza onak eta txarrak ezagutu zituen Españolek hamarkada hauetan. 1988an UEFA Kopako finala jokatu zuen Javier Clemente entrenatzaile zela, baina Bigarren mailara ere bi aldiz jeitsi zen. 1995ean izena katalanizatu zuen eta Reial Club Deportiu Espanyol de Barcelona, S.A.D. bihurtu zen. 1998an Lluís Companys Olinpiar Estadioan jokatzen hasi zen.

2000ko eta 2010eko hamarkadak

2008ko taldea.

Ligaren erdialdean kokaturik egoten ohitu da. Denboraldi onak ere izan ditu, 2007ko UEFA Kopako finala eta 2000 eta 2006ko Erregearen Kopak besteak beste. 2009an Cornellà-El Prat estadioan jokatzera pasa zen. Urte horretan bertan Italian gira bat egiten ari zela, Dani Jarque kapitainak bihotzekoa izan eta bat-batean hil zen. 21 zenbakia zeukanez, partida bakoitzeko 21. minutuan zaleek omenaldia egiten diote bere izena txalotuz.

2010eko hamarkadan taularen erdialdean ibili da baina 2018-19 urtean 7. egin eta Europara itzuli zen. Hurrengo urtean ordea hasieratik sartu zen jeitsiera postuetan eta maila galdu zuen 26 urte lehen mailan egin ondoren. Hurrengo urtean itzuli zen goren mailara.

Ezizena

20. hamarkadan Valentí Castanys humoregileak zioen Españoleko zaleak lau katu beltz baino ez zirela. 1929an Espainian Felix katua famatu bihurtu zen, baina katalanez Gat Perico deitzen zen. Horregatik "katu beltza" atzera utzi eta periko katua ezizena jaso zuten, denborarekin perikito deitu zitzaielarik.

Uniformea

Taldea sortu zenean diru baliabide handirik ez zuen. Zuzendaritza taldekoa zen Juan Bautista Bou Garcíak ehungintza fabrika bat zeukan eta oihal hori asko zeukanez lehenengo elastikoak egiteko erabili zuen. 1910 urtean taldea birsortu eta Roger de Lauria itsasgizonaren armarria hartu zituenean kolore zuria eta urdina eskuratu zituen. Hasieran galtza beltzak erabili zituen baina 1941ean galtza urdinak hartu zituen.

Historikoa

1900

1901-1906

1909-1941

1941-1966

1966-tik

Azken urteak

2018-2019

2019-2020

2020-2021

2021-2022

2022-2023

2023-2024

Datuak

2024-25 barne:

• Denboraldiak 1. mailan: 88
• Denboraldiak 2. mailan: 6
• Denboraldiak 2. B mailan: 0
• Denboraldiak 3. mailan: 0
• Ligako posturik onena: 3.a Lehen mailan (1932-33, 1966-67, 1972-73, 1986-87)

2022/2023 Taldea

2022ko irailaren 2an eguneratua.

Zbk. Postua Jokalaria 1 ATE Joan García 2 ATZ Óscar Gil 3 ATZ Adrià Pedrosa 4 ATZ Leandro Cabrera 5 ATZ Fernando Calero 6 ERD Pol Lozano 7 AUR Javi Puado 8 ERD Keidi Bare 9 AUR Joselu 10 ERD Sergi Darder 11 AUR Raul de Tomás

Zbk. Postua Jokalaria 12 ERD Vinícius Souza (Lommeletik utzita) 13 ATE Benjamin Lecomte (Monacotik utzita) 14 ATZ Brian Oliván 16 AUR José Carlos Lazo 19 AUR Dani Gómez 20 ERD Edu Expósito 21 ERD Nico Melamed 22 ERD Aleix Vidal 24 ATZ Sergi Gómez 25 ATE Álvaro Fernández - AUR Martin Braithwaite

Irabazitako txapelketak

Espainiako txapelketak: 4

• Espainiako futbol ligako lehen maila: 0
  • hirugarrena 1933, 1967, 1973 eta 1987an.
• Espainiako Futbol Errege Kopa: 4
  • 1929, 1940, 2000, 2006

Nazioarteko txapelketak: 0

• UEFA Kopa: 0
  • finalista 1987–88 eta 2006–07 denboraldietan

Katalunian: 16

• Kataluniako Txapelketa (8): 1904, 1912, 1915, 1918, 1929, 1933, 1937, 1940.
• Copa Macaya (1): 1903.
• Kataluniako Kopa (6): 1995, 1996, 1999, 2006, 2010, 2011.
• Kataluniako Superkopa (1): 2016

Lagunartekoak

• Ramón de Carranza Trofeoa (2): 1973, 2010

Azken urteetako ibilbidea

Urtea	Espainiako Liga	Errege Kopa	Esp. Superkopa	Europa
1999-2000	14.a	1.a	2.a	1/4 (Intertoto)
2000-01	9.a	1/4		1/16 (Europa League)
2001-02	14.a	1/32
2002-03	17.a	1/32
2003-04	16.a	1/16
2004-05	5.a	1/32
2005-06	15.a	1.a	2.a	1/16 (Europa League)
2006-07	11.a	1/16		2.a (Europa League)
2007-08	12.a	1/8
2008-09	10.a	1/4
2009-10	11.a	1/16
2010-11	8.a	1/8
2011-12	14.a	1/4
2012-13	13.a	1/16
2013-14	14.a	1/4
2014-15	10.a	Finalerdiak
2015-16	13.a	1/8
2016-17	8.a	1/16
2017-18	11.a	1/4
2018-19	7.a	1/4
2019-20	20.a	1/16		1/16 (Europa League)
2020-21	1.a (2. mailan)	1/16
2021-22	14.a	1/8
2022-23	19.a	1/8
2023-24	4.a (2. mailan)	1/16
2024-25

Emakumezkoen taldea

Sakontzeko, irakurri: «Reial Club Deportiu Espanyol (emakumezkoen taldea)»

1970tik aurrera nesken taldea ere izan du. Gaur egun Superligan ari den talderik onenetakoa da. 2006an garaile atera zen eta ordutik honako ligatan goiko postuetan gelditu izan da. Baina taldea batez ere Erreginaren Kopan moldatzen da ongi eta sei aldiz irabazi du.

• Superligan (1): 2005-06
• Erreginaren Kopa (6): 1996, 1997, 2006, 2009, 2010, 2012
• Kataluniako Kopa (5): 2005, 2006, 2007, 2008, 2013

Kanpo estekak

• (Katalanez)(Ingelesez)(Gaztelaniaz) Taldearen webgune ofiziala

• Datuak: Q8780
• Multimedia: RCD Espanyol / Q8780