Tero Pitkämäki

Tero Kristian Pitkämäki (1982ko abenduaren 19a) Finlandiako Xabalina jaurtitzaile ohia da. 2007an, urrea irabaziz, munduko txapeldun izan zen. 2005ean egindako 91,53 metroko jaurtiketa da bere marka pertsonala onena eta marka honekin historiako munduko hamaikagarren xabalina jaurtiketa luzeena da.

Tero Pitkämäki
(2007) Irudi gehiago
Bizitza
Jaiotzako izen-deiturak	Tero Kristian Pitkämäki
Jaiotza	Ilmajoki, 1982ko abenduaren 19a (41 urte)
Herrialdea	Finlandia
Jarduerak
Jarduerak	xabalinaria eta atleta
Atletismoa Kirol diziplinak xabalina jaurtiketa Errekorrak Berezitasuna Irizpidea Data M Marka pertsonalak Berezitasuna Lekua Data M
Parte-hartzailea 2012ko Udako Olinpiar Jokoak 2008ko Udako Olinpiar Jokoak 2004ko Udako Olinpiar Jokoak atletismoa 2016ko Olinpiar Jokoetan
Pisua	92 kilogramo
Altuera	195 zentimetro
Jasotako sariak	ikusi Bislett medal  (2011)
teropitkamaki.com

Ibilbide profesionala

2004ko Udako Olinpiar Jokoetan Pitkämäkik 8. postua lortu zuen xabalina jaurtiketan 83,01 m-rekin, eta geroztik munduko xabalina jaurtitzaile honenetariko bat bihurtu da. 2005eko abuztuan, 91,53 m-ko jaurtiketa lortu zuen, beraz, bere herrialdean, Finlandian, ospatu ziren 2005eko Munduko Atletismo Txapelketan faboritoen artean zegoen. Hala ere, laugarren postua lortu zuen eta dominik gabe geratu zen 81,27 m-ko jaurtiketarekin. Pitkämäki-k 2006an Europako AtletismoTxapelketan bere lehen domina lortu zuen, bigarren sailkatuta.

2007ko uztailaren 13an, IAAF Urrezko Ligako Erromako Olinpiko estadioan egindako txapelketan, Tero Pitkämäkik xabalina ezkerretara bota zuen eta Salim Sdiri frantziar luzera jauzilariari bizkarrean sartu zitzaion xabalina. Sdiri Erromako ospitalera eraman zuten, nahiz eta bere bizia arriskuan ez egon.

2007ko abuztuaren 5ean, Pitkämäkik Finlandiako 4. txapelketa irabazi zuen jarraian, 89,43 metroko jaurtiketarekin. Osakan, Japonian, 2007an egin zen Munduko Txapelketan, Pitkämäkik urrezko domina lortu zuen gizonezkoen xabalina jaurtiketan 89,16 metroko jaurtiketarekin. Lehiaketako azken jaurtiketan aurreko marka hobetu eta xabalina 90,33 metrora jaurti zuen.

2007ko urriaren 5ean, Tero Pitkämäki Europako Urteko atleta modura izan zen saritua. Denboraldian zehar 11 garaipen lortu zituen, Munduko Txapeldun titulua, Urrezko Liga Oslon eta Parisen, Europako onena izan zen, 91,23 metroko jaurtiketa lortuta etab. Abenduan, Pitkämäki Finlandiako Urteko Kirolari izendatu zuten Finlandiako Kirol Kazetarien Elkarteko kideek, eta Virpi Kuitunen emakumezkoen munduko eski txapeldun izandako hiru alditan garaitu zuen eta Kimi Räikkönen 1 Formulako munduko txapelduna ere.

2008ko Udako Olinpiar Jokoetan brontzezko domina lortu zuen.

2010an Bartzelonan egin zen Europako txapelketan zilarrezko domina lortu zuen.

2013an Moskuko Munduko Atletismo Txapelketan zilarrezko domina lortu zuen, 2015eko Munduko Txapelketan aldiz ez zuen zilarrezko domminalortu, baina brontzezkoa irabaztea lortu zuen aldiz. Urte bat lehenago, 2014, Zurich-en egindako Europako Atletismo Txapelketan brontzezko domina lortu zuen.

2015eko irailean, Pitkämäki-k Diamante Ligako lehen titulua jaso zuen.

Pitkämäki-k 2019ko urriaren 14an jakinarazi zuen atletismo profesionaletik erretiratuko zela. 2018ko ekainean aurreko lotailu gurutzatua hautsi zuen. Lesiotik sendatu zen eta ez zuen minik izan, baina belaunaren funtzionaltasuna nabarmen murriztu zela sentitu zuen. 2019ko udan egindako jaurtiketak 75 m ingurukoak izan ziren, 2019ko Munduko Atletismo Txapelketan lehiakorra izateko gai ez zela esan zuen. Pitkämäki-k 2020ko Udako Olinpiar Jokoetan bere karrera amaitzeko asmoa zuen, baina erretiroa aurreratzea erabaki zuen.

Sasoiko marka onenak

Pitkämäki 2015ean

Grafiko hau ezin da une honetan ikusi, software arazo bat dela eta. Lanean ari gara ahalik eta lasterren grafikoak berriro erakutsi ahal izateko.

Urtea	Marka
1999	66.83
2000	73.75
2001	74.89
2002	77.24
2003	80.45
2004	84.64
2005	91.53
2006	91.11
2007	91.23
2008	87.70
2009	87.79
2010	86.92
2011	85.33
2012	86.98
2013	89.03
2014	86.63
2015	89.09
2016	86.13
2017	88.27
2018	82.64

Kanpo estekak

• Datuak: Q213700
• Multimedia: Tero Pitkämäki / Q213700