Victor Erize

Victor Erize
	; Irudi gehiago
Bizitza
Jaiotza	Karrantza, 1940ko ekainaren 30a (84 urte)
Herrialdea	Bizkaia, Euskal Herria
Hezkuntza
Heziketa	Madrilgo Complutense Unibertsitatea
Hizkuntzak	gaztelania
Jarduerak
Jarduerak	film-zuzendaria, gidoilaria eta errealizadorea
Jasotako sariak	ikusi Urrezko Maskorra (1973) : El espíritu de la colmena; Jury Prize (1992) : El sol del membrillo; FIPRESCI Prize of the Festival de Cannes (1992) : El sol del membrillo; Arte Ederretako Merituaren Urrezko Domina (1995) ;

Victor Erize Aras^[1] (gaztelaniaz: Víctor Erice) (Karrantza, Bizkaia, 1940ko ekainaren 30a) zinema zuzendaria eta gidoigilea da. Lan urriko zinemagilea bada ere, zinemazaleek txalotua da. Beste zinema zuzendari batzuekin lan egin ohi du, adibidez:

Alumbramiento film laburra Ten Minutes Older, Nicholas McClintockek ekoitzitako talde-filmaren parte da, (Jim Jarmusch, Aki Kaurismaki, Jean-Luc Godard, Bernardo Bertolucci, Wim Wenders eta Chen Kaige zuzendarien lanekin batera.
La morte rouge film luzea Abbas Kiarostamirekin egina da.

Bizitza

Zientzia Politikoak eta Zuzenbidea ikasi zituen Madrilen. Hantxe zinemako kritikari bihurtu zen, Cuadernos de Arte y pensamiento eta Nuestro cine aldizkarietan.

Elias Kerexetarekin lan egin du. 1969. urtean zuzendu zuen bere lehen filma, Los Desafíos. Gero, 1973an, El espíritu de la colmena etorriko zen, eta 1983an El Sur. Kalitate handiko lanak dira denak.

1983an, El Sur film luzea egin ondoren, hurrengo hamar urteak publizitateari eskaini zizkion. 1992an El sol del membrillo filma zuzendu zuen, Antonio López García margolari errealistaren inguruko dokumental guztiz pertsonala, eta filmean haren sorkuntza prozesua islatzen saiatu zen. Torontoko Filmategiak munduko hainbat filmategi eta zinema museoen artean eginiko galdetegiaren ondoren, 1990eko hamarraldiko filmik onena izendatu zuen bestela ere sari ugari lortu dituen El sol del membrillo.

Film honekin irabazi zituen Cannesko jaialdian epaimahaiaren eta nazioarteko kritikaren sariak. Ordutik, Erizek laburrak, bideo instalazioak eta film luzeetako atalak sortu ditu, eta irakasle aritu da mintegi eta lantegietan.^[2]

Andrés Vicente Gómez produktorearen aginduz hainbat hilabete Juan Marséren El embrujo de Shangai eleberria zinemara eramateko lanean eman ondoren, bertan behera gelditu zen egitasmoa 1999an, ekoizlearen eta zuzendari-gidoigilearen arteko desadostasunen ondorioz.

Lanak

Film laburrak

En la Terraza (1961)
Páginas de un Diario (1962)
Los días Perdidos (1963)
Entre Vías (1966)
Alumbramiento (2002)

Film luzeak

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

↑ EIMA: Eskola-liburuetako onomastikaren, gertaera historikoen eta artelanen izenak. Zerrendak.
↑ «Bidea borobildu du Erizek» Berria 2023-09-23 CC BY-SA 4.0 lizentziapean.

Kanpo estekak

Datuak: Q719434
Multimedia: Victor Erice / Q719434

[1] EIMA: Eskola-liburuetako onomastikaren, gertaera historikoen eta artelanen izenak. Zerrendak.

[2] «Bidea borobildu du Erizek» Berria 2023-09-23 CC BY-SA 4.0 lizentziapean.

[1]

[2]

Victor Erize
Irudi gehiago
Bizitza
Jaiotza	Karrantza, 1940ko ekainaren 30a (84 urte)
Herrialdea	Bizkaia, Euskal Herria
Hezkuntza
Heziketa	Madrilgo Complutense Unibertsitatea
Hizkuntzak	gaztelania
Jarduerak
Jarduerak	film-zuzendaria, gidoilaria eta errealizadorea
Jasotako sariak	ikusi Urrezko Maskorra (1973) : El espíritu de la colmena Jury Prize (1992) : El sol del membrillo FIPRESCI Prize of the Festival de Cannes (1992) : El sol del membrillo Arte Ederretako Merituaren Urrezko Domina (1995)