Wikipedia:Txokoa/2015eko abendua

Community Wishlist Survey

Hi everyone! Apologies for posting this in English. Translations are very welcome.

We're beginning the second part of the Community Tech team's Community Wishlist Survey, and we're inviting all active contributors to vote on the proposals that have been submitted.

Thanks to you and other Wikimedia contributors, 111 proposals were submitted to the team. We've split the proposals into categories, and now it's time to vote! You can vote for any proposal listed on the pages, using the {{Support}} tag. Feel free to add comments pro or con, but only support votes will be counted. The voting period will be 2 weeks, ending on December 14.

The proposals with the most support votes will be the team's top priority backlog to investigate and address. Thank you for participating, and we're looking forward to hearing what you think!

Community Tech via

MediaWiki message delivery (eztabaida) 14:39, 1 abendua 2015 (UTC)

Commonseko kategoriak edozein hizkuntzetara itzuli ahal izateko eskaera

Kaixo:

Elisardojm lankideak mezu bat utzi du Enbaxadan honen berri emanez. Berak, hobekuntzen inkestaren barruan, Commonseko kategorietako izenak edozein hizkuntzatara itzuli ahal izatea proposatu zuen. Horren aldekoak bazarete, Klik egin hemen. Bozketa abenduaren 14an amaitzen da. Ondo izan. -Xabier Cañas (eztabaida) 11:41, 8 abendua 2015 (UTC)

Euskal Wikilarien Elkartea sortzeko lehen bilera

Kaixo, guztioi:

Joan den igandean Durangon Wikilari Euskaldunen Bilkura Irekia horretan Euskal Wikilarien Elkartea sortzearen inguruan mintzatu ginen. Eztabaide horretan Iñaki LL, Josu, Zuiarra, Josu Aztiria, Egoitz, Aitzol eta Xabier Cañasek parte hartu genuen. Honekin batera bertan hitz egindakoaren laburpena doakizue. Zerbait ez badut ondo jaso, mesedez alda ezazue hemen bertan.

Wikilari Elkartea bai/ez?

Analisia

Txokoan Iñaki LL-ek egindako Ahultasun, Indargune, Aukera eta Arriskuen azterketaren harira eztabaida bat egin zen eta bertako zenbait puntu garatu ziren. Orokorrean, ahultasun larriena wikilari kopuru txikia da. Komunitatea txikia da eta ez du nahiko genukeen lankide kopurua: 25 lankidek baino ez dute 50 edizio baino gehiago egin azken hilabetean. Beste Wikipediekin konparaketa eginez gero, zenbaki absolutuetan nahiko behean gaude, nahiz eta hiztun kopuruarekin alderatuz, nahiko emaitza txukuna ateratzen den. Horrez gain, ikusten da zenbait wikilarik editatzeari utzi diotela azken urteotan eta administratzaileekin ere gauza bera gertatzen dela: badira 10, baina praktikan 3 edo 4 baino ez dira horretan jarduten. Uztearen arrazoiak ezezagunak dira, baina ikusten dugu onarpen eta ikusgarritasun faltak eragina izan dezakeela norberak editatzeko duen motibazioan. Motibazio hori epe ertain eta luzean mantentzeko beharrezkoa dela elikatzea ediziogintza hutsaz harago doazen ekimenekin, izan ere, ediziogintza hori oso lan bakartia eta isila baita.

Aukeren artean, inguruan dugun egitura instituzionala dago. Aliantzak bilatzea izango litzateke euskarazko wikipediak duen aukera handi bat: hezkuntza arloan (Unibertsitateak eta Bigarren Hezkuntza, ), kultura arloan (Liburutegiak, Museoak, Artxiboak…), erakundeak (Aldundiak, Jaurlaritza, Aranzadi, Eusko Ikaskuntza…)

Wikipedia sistema

Wikipedia ez da bakarrik bertan idazten dutenak. Hor ere kontuan hartu behar dira irakurtzen dutenak eta erabiltzen dutenak (ikastetxeak…). Inportantea da haiekin lotura bat izatea lankideen lana irakurlearen beharrekin bateratzeko eta horren inguruko berariazko proiektuak sortzeko. Aintzat hartu behar da ezagutzaren kate osoa: ezagutzaren sorkuntza, ekoizpena, hedapena eta erabilera edo kontsumoa.

Elkartea bai eta zertarako?

Euskarazko Wikipedia Elkartearen (izena zehazteke) helburu nagusia euskarazko Wikipedia sustatzea da, bai ekoizpenean eta baita erabilpenean ere. Elkarte honen ezin du inolaz ere ordezkatzen wikilarien komunitatea. Wikipediaren inguruko eztabaidak eta abar bertan gertatu behar dira, bertako txokoan. Elkartearen zeregina hori sustatzea da. Bi dimentsiotan emango litzateke sustapena:

Barne dimentsioa:

• Lankide berriak lortu
• Galdutakoak berreskuratu
• Artikuluen kalitatea hobetu eta lehentasunak ezarri.
• Egitura sortu, diagnostikoa egin eta estrategiak finkatu.

Kanpo dimentsioa:

• Erabilera sustatzea
• Euskarazko Wikipedia gizarteratzea (hedabideetan, erakundeetan…) eta erreferentzialtasuna ematea erakundeen aurrean.
• Wikimedia Fundazioaren onarpen mailaren bat lortzea talde bezala.

Alde onak

• Diru laguntzak eskatu ahal izatea ekimenak antolatzeko.
• Wikilarien arteko elkarlana erraztu eta bizkortu.
• Erakunde publikoekin elkarlana.
• Irudi aldetik, euskarazko Wikipediaren irudi positiboa hedatu.
• Wikimedia Fundazioaren errekonozimendua eta horrek dakarrena (materialak, asesoramendua…) lortzea. Epe luze-ertainean Amicalen antzera Erakunde Tematiko izatea litzateke; bitartean, posible da Erabiltzaile Talde bezala eratzea.
• Beste Wikimedia elkarteekiko eragin eremuak zedarritzea eta maila bereko harremanak garatu ahal izatea (WM Espainia eta Frantzia).

Alde txarrak

• Burokrazia, planifikazioa, denbora
• Jende gutxi egotea eta daudenak horretan erretzea. Horregatik inportantea da helburuak eta ekimenak ondo neurtzea eta norberaren disponibilitatea ondo zedarritzea. Ezingo dugu helburu guztiak bat-batean eta era berean bete.

Arriskuak

• Morrontza dirua ematen dutenekiko.

Aukerak

• Donostia 2016 Hiriburutza egitasmoak Wikipediaren inguruan duen proiektua (Donostiapedia) baliatzea Euskarazko Wikipediarentzat palanka bezala. Diruaz gain giza baliabideak jarri ditzakete urte horretako egitasmoak aurrera ateratzeko.

Elkarte batek behar dituen gutxieneko egiturak

Baliabide materialak: egoitza (edozein bazkideren egoitza izan daiteke) Giza baliabideak: lehendakaria, idazkaria eta diruzaina. Horrez gain bokalak ere badaude. Gutxieneko egitura 5 pertsonakoa dela uste dugu.

Ondorioa

Goian aipatzen diren horiek dira Durangon bildu garenok hitz egindakoaren laburpena. Elkartea sortzearen ideiarekin aurrera egin nahi dugu. 5eko kopuru gutxieneko horretara iritsi beharko gara horretarako. Batzuk dedikazio handiagoa izango dute, eta batzuk, bat ere ez. Kontua da, guztiok, denbora jartzearekin edo izena jartze soilarekin, ahalmena batzen eta euskarazko Wikipedia indartzen dugula. Guztion ahalmenak elkartuta ikusiko genuke zein izan daiteken elkartearen irismena eta indarra. Gonbitea luzatu nahi dizuegu wikilari guztioi asmo honetan sartzeko. Gabonen ondoren, urtarrilean, beste bilera bat egiteko asmoa dugu helburu zehatzagoak eta estatutuak lantzeko. Zer deritzozue? -Xabier Cañas (eztabaida) 14:47, 9 abendua 2015 (UTC)

Erantzunak

Aupa Xabier. Lan ona eta txukuna egin duzue. Ni neu ezin izan nintzen joan baina ia urtarrilean edo hurrengoan ikusten bagaren. Ados nago idatzitako guztiarekin. Zeozer gehitzekotan inguruetako erderek duten indar eta prestigioa gehituko nuke. Bistan denez euskaldun asko gaztelania, (iparraldekoek frantsesa) eta neurri txikiago batean ingelesa erabiltzen dute informazioa lortzeko, euskaldunok gutxienez bi hizkuntza menperatzen ditugulako eta askotan informazio osatuagoa dagoelako hizkuntza horietan. Ondo segi.

-Oraina (eztabaida) 16:42, 9 abendua 2015 (UTC)

Eskerrik asko ekimen hau abiatzeko zuen denbora oparitu duzuen wikilarioi. Nabari da probetxuzko bilera izan zela; orain, are pena handiagoa ematen dit Durangora joan ahal ez izanak. Eztabaidarako pare bat gogoeta:

• Editatzeari uzteko arrazoiei dagokienez, lehenago aktibo izan diren batzuekin hitz eginda eta beste hainbat boluntario lanetan zer gertatzen den ikusita, uste dut ez dela onarpen eta ikusgarritasun falta, baizik eta nekea (egunez egun beti gauza berdintsuak egiten ibiltzeaz aspertu egiten baita jendea) eta bizitzako beste arlo batzuei denbora eskaini beharra. Edozein elkartetan (dela atletismo klub bat, dela esperantista talde bat, dela...), kide batzuek elkartea utzi eta beste interes eta behar batzuk lantzera jotzen dute urteen buruan; kontua da joaten diren horiek bezainbeste edo gehiago izatea sartzen diren kide berriak. Hain zuzen ere, Euskal Wikipedian batik bat kide berriak erakartzen hobetu beharko genukeela uste dut.
• Kide berriak erakartzeko tresna interesgarria izan daiteke sortu nahi den elkarte hori.

Oraingoz elkartea sortzeko lana ondo bideratuta doala uste dut. Horretan ezin dut askorik lagundu, tamalez. Izan ere, ni oraintxe nahiko lotuta nago (eta egongo naiz, segur aski). Bilerak Kuartangon edo Gasteizen egiten ez badira, nekez joan ahal izango dut; eta, gainera, bestela ere denbora askorik ez dut eskaini ahal izango elkartea sortzeko lanerako. Ahal dudan apurra laguntzen saiatuko naiz, hala ere. --Xabier Armendaritz 2015-12-09, 17:16 (UTC)

Guztiz ados aurreko guztiarekin. Nik ere ahal dudan neurrian laguntzen (eta nire ikuspegia ematen) saiatuko naiz. Gauzatxo bat: tristea litzateke elkartean emakumeak soilik izatea, ea emakumeak ere hurbiltzen diren. - --Joxemai; (erantzunak) 13:12, 10 abendua 2015 (UTC)

Interes handiz irakurri dut Durangon hitzegindakoa eta esandakoarekin ados, ni ere elkartea sortzearen alde. Hurrengo bilera batetara joateko gogoz, denboraz ere sobra ibiliko ez naizen arren (oposaketak datozkigu Hezkuntzan). --Gartxoak (eztabaida) 19:41, 10 abendua 2015 (UTC)

Urtarrileko bilera

Kaixo: Urtarrileko bilerarako joango gara datak eta kokapena zehazten. Badira hainbat lan aurretik egiteko (estatutu ereduak begiratu, helburu zehatzagoak finkatu, beste elkarteen funtzionamendua ikusi...). Guzti horiek bilera aurretik landu ditzakegu.

Kideen inguruan, bakoitzak ahal duenarekin lagundu dezake. Pertsonalki, 2016an zehar behintzat denbora zerbait izango dut honetara emateko. Dena den, hori bezain inportantea iruditzen zait zuetako askoren iritziak eta irizpideak. Hemen interesa azaldu dugunokin nahikoa da aurrera egiteko, baina interesgarria litzateke kide gehiago biltzea, lurraldearen eta sexuaren araberako gutxieneko ordezkaritza izateko. Gauza desberdinak dira baina, Wikimedia erabiltzaile talde bezala eratzeko logo proposamen bat sortu dut (ingelesez), ea zer iruditzen zaizuen.

Euskarazko erabiltzaile taldearen logo proposamena

Gaur gaurkoz, hauek gaude elkartea osatzeko:

Aitzolete Gartxoak Iñaki LL Josu Joxemai

Oraina Xabier Armendaritz Xabier Cañas Zuiarra

-Xabier Cañas (eztabaida) 14:30, 15 abendua 2015 (UTC)

Kaixo! Ni Gabonetako oporrak arte gaizki ibiliko naiz denboraz, baina urtarrilean denbora gehiago eskaini ahal izango diot. Badirudi Wikipedia proiektuak 15 urte beteko dituela datorren urteko urtarrilaren 15ean. Hemen duzue urteurrena ospatzeko sortu duten orria: Wikipedia 15. Euskarazko Wikipediak, ordea, 2016ko abenduaren 6an beteko ditu 15 urte oker ez banaiz. Polita litzateke ordurako wikilari elkartea martxan egotea. -Zuiarra (eztabaida) 16:27, 15 abendua 2015 (UTC)

Kaixo! Bai, uste dut elkartea sortzea ona izan daitekeela kide gehiago biltzeko. Eta bai, lurraldearen eta sexuaren araberako gutxieneko ordezkaritza lortzea helburu izan behar da. Oker ez banago goiko izenen artean ez dago neskarik. Lurralde guztietako ordezkaririk? Hutsune horiek betetzeko editore aktiborik dago? Edo izan den bat eta orain aktibo ez dena? Inork ezagutzen du horrelakorik? Ksarasola (eztabaida) 00:31, 28 abendua 2015 (UTC)

Bestalde, elkartearen zereginetako bat noizean behin (hilero?) prentsan edo sare sozialetan Euskal Wikipediako parte bat ematea izan liteke: zenbat artikulu berri sortu dira? zeintzuk izan dira editore langileenak? zein izan den artikulu berri ikusiena? zeintzuk izan diren artikulu ikusienak denen artean? zeintzuk izan ziren egileak? Badakit datu horiek (eta azalekoak) denen eskura egoten direla han edo hemen, baina datu horiek batu, interesgarrienak bereizi eta beste nonbait plazaratzea interesgarria izan daitekeela uste dut. Saiatu gaitezke ezkutuan lanean dabiltzanen ekarpenak bisualizatzen. Horrela agian kide gehiago erakarriko genituzke, ez dakit. Ksarasola (eztabaida) 00:31, 28 abendua 2015 (UTC)

Uste dut komunikazioaren atala lan ildoetako bat izan behar duela estrategia orokorraren barruan. Hor ere ikusi beharko genuke zer eta nola komunikatu, eta batez ere, zenbat denbora eta baliabide ditugun horretarako. Horretan Amicalen esperientzia eredu izan daiteke ere, tokian tokiko baldintzak kontuan hartuta. Sare sozialek beren zirimiri funtzioa egin dezakete, eta aldiz, urteko jarduera txosten batek (beharrezkoa Fundazioaren onarpena nahi bada) prentsa dosier baten lana erraztu dezake. -Xabier Cañas (eztabaida) 19:45, 28 abendua 2015 (UTC)

Aupa! Duela hilabete batzuek wikipediaren APIarekin jolasean hasi eta Twitterreko @wikidosia txiobota sortu nuen. Hasiera batean egunean bitan, 9:00 eta 21:00tan, ausazko artikuluak txiokatzen zituen. Gaurtik aurrera aurreko eguneko euskarazko wikipediako artikulu irakurrienen zerrenda ere txiokatzen du eguerdi oro. Weba ere sortu diot (wikidosia.aldatsa.eus), bertan azalpen batzuek eta egun bakoitzeko euskarazko wikipediako 100 artikulurik irakurrienen zerrenda ikus daiteke. Aurrera begira APIarekin saltseatzen jarraitu eta ezaugarri gehiago gehitzeko asmoa daukat, artikuluen ikustaldien eboluzioa denboran zehar, artikuluen ikustaldien arteko konparazioak egiteko aukera... Wikidosia GNU GPL v3 lizentzia duen software librea da eta kodea Github-en dago, norbaitek garapenean lagundu nahi badit ongietorria izango da. Asier Iturralde Sarasola (eztabaida) 20:06, 28 abendua 2015 (UTC)

Ikaragarria! Bejondeizula Asier!! Oso erakargarria. -Xabier Cañas (eztabaida) 20:40, 29 abendua 2015 (UTC)

Eskerrik asko, Olentzero! 2015ean ez dizut besterik eskatuko  ;-)
2016an... agian ikastarotxo bat antolatu liteke horrelako wikibotak edota txiobotak sortzen ikasteko Ksarasola (eztabaida) 10:34, 31 abendua 2015 (UTC)

Goiko atal batean aipatu den bezala, lurraldeen eta generoaren aldetik oreka lortzea garrantzitsua da. Adibide bat jartzearren, 2008an Commmons-en Basque Country kategoria = Euskal Herria bezala definitzeko izan genuen eztabaidan, horren aldekook izan genuen ahulguneetako bat izan zen Iparraldeko wikipedialaririk ez zegoela eztabaidan. Niri dagokidanez, arabarra naiz eta uste dut nahiko ordezkaritza dugula Xabier Armendaritzekin, orain gutxiago parte hartzen duen Unai Fdz. Betoñorekin eta zuiarra dela suposatzen dudan Zuiarrarekin. Emakumeei dagokienez, ezagutzen dudan lankide aktibo iraunkor bakarra Koro da.--Assar; (erantzun hemen) 13:30, 31 abendua 2015 (UTC)

Bilera hitzordua

Lankide batzuekin hizketan, bilera urtarrilean egiteko 3 data posible ikusten ditugu:

1. Urtarrilaren 15ean, ostirala, arratsaldean. Justu egun horretan Wikipediak 15 urte betetzen ditu, eta munduan zehar hainbat ekitaldi egingo dira horren inguruan. Polita litzateke elkartearen eraketa bilera egun horrekin bat egitea, eta horrela, ekitaldien programan iragarri. Badaezpada, sartu dut zerbait Meta-wikin ekitaldien atalean eta San Telmo Museoan aretoa erreserbatua dut. Honekin batera posible litzateke Museoaren oihal atzeko bistaren bat antolatzea bileraren ondoren.

2. Urtarrilaren 23an, larunbata, goizean. Wikipediako urteurrenetik ez dago oso urrun eta agian barruan ere sartu daiteke.

3. Urtarrilaren 30ean, larunbata, goizean. Aurrekoaren gauza bera.

Bilera Donostian egingo nuke, aukera baitaukagu Kultura Hiriburutzaren barruan, Wikipediari dagokion egitasmoaren barruan, jardueraren bat horrekin batera aurkezteko (Haur eta Gazte Literatura proiektua; Uliako lore-baratzeena... ). Egun horietatik zeintzuetan ahal dugun adierazi dezakegu bozketa bidez eta aldeko gehien dituena aukeratu? -Xabier Cañas (eztabaida) 19:45, 28 abendua 2015 (UTC)

Kaixo guztioi. Hau aurrera doa eta proiektua gauzhatzeko aukera izango dugu hurrengo bileran. Niri aipatutako hiru datak (urtarrilaren 15ean, urtarrilaren 23an eta 30ean) ondo datozkit. Ea besteek zer esaten duten...--Josu (eztabaida) 21:20, 28 abendua 2015 (UTC)

Iepa! Barka orain arte idatzi ez izana, baina beno, pixka bat nirera ibili naiz. Niregatik urtarrilaren 15eko plana polita izan daiteke. Bisita antola badaiteke, ba askoz interesgarriagoa! -Theklan · · 12:35, 29 abendua 2015 (UTC)

Eu! Nahiz eta galduta nabilen azkenaldian, saiatuko naiz joaten. --Janfri; _{bai esan?} 18:46, 29 abendua 2015 (UTC)

Eta bide batez, baldin banoa, orain dela urte batzuk Wikipediak jasotako Argia Saria eramango dut, bada garaia beste norbaiti lekukoa pasatzeko... --Janfri; _{bai esan?} 18:53, 29 abendua 2015 (UTC)

Egin ditzakegu mila zati eta enkantean jarri. -Theklan · · 21:04, 29 abendua 2015 (UTC)

Kaixo! Ustekabekorik ez bada, hantxe izango naiz urtarrilaren 15ean. -Zuiarra (eztabaida) 22:36, 29 abendua 2015 (UTC)

Ufa, gauza pila bat izango dira 2016 hasten dela eta, batez ere 19tik aurrera, eta nik zeharka konpromiso batzuk izango ditut. Niretzat txarrena ez dena, 23 da larunbat goizean; 15era ere ager naiteke, baina orduaren eta nire lan-kargaren arabera. -Iñaki LL (eztabaida) 10:39, 31 abendua 2015 (UTC)

Aupa, nik seguru asko ezingo dut aktiboki (presentzialki) parte hartu bileretan eta sortu nahi den elkarte berrian, baina guztiz ados nago horren beharraz , betiere elkarte hori martxan mantentzeko adina lagun eta indar batzea lortzen bada. Ahal dudan neurrian lagunduko dut.--Assar; (erantzun hemen) 13:08, 31 abendua 2015 (UTC)

Aupa. Nik 15ean ahal dut baina 23an ez. Ia zer edo zer egiten badugun.-Oraina (eztabaida) 18:17, 8 urtarrila 2016 (UTC)

Urtarrilak 15 17:00etan San Telmo Museoan

Kaixo guztioi: Goian aipatutakoen arabera, datarik egokiena urtarrilaren 15a, hain justu ere Wikipediaren sorkuntzaren 15. urteurrenaren data. San Telmo Museoaren barruan bi toki ditugu posible, liburutegia edo hitzaldi aretoa. Bat edo beste joango garenon kopuruaren arabera hartuko dugu. Ondoren badago aukera bisita egiteko, edo beste era bateko ekitaldiren bat egiteko (aurkezpenak...). Hori joango gara zehazten astean zehar, baina inportanteena elkartea osatzeko bilera hori da. Gogoratu dagoeneko Meta-Wikin estatutuen zirriborroa eta beste zenbait puntu digula garatzeko eta bilerara prestatuta eramateko. Ezin duzuenak etorri, parte hartu dezakezue Metako eremu horretan. Zenbat izango garen eta areto bat edo beste erreserbatze aldera, zerrenda bat egingo dugu. Erantzun duzuenak dagoeneko kokatu zaituztet, eta gainerakook, joan mesedez zuen izena jartzen. -Xabier Cañas (eztabaida) 21:46, 9 urtarrila 2016 (UTC)

Programa:

• 17:00-18:45: Wikilarien elkartea Sortzeko bilera San Telmo Museoko liburutegian.
• 18:45-19:00: Donostiapediaren aurkezpen laburra Aitzol Astigarragaren eskutik.
• 19:00-19:45: Museoari Bisita gidatua Iñaki LL lankidearen eskutik, fondoak eta funtzionamendua ezagutzeko.

Joango naiz

• Josu
• Theklan: lanetik ateratakoan. Agian 18ak aldera iritsiko naiz.
• Xabier Cañas
• Zuiarra: 17:30ak aldera iritsiko naiz.
• Iñaki LL Pixka bat berandugo helduko
• Janfri
• Ksarasola
• Oraina
• Gartxoak: Ni ere juxtu antzean ibiliko naiz orduan iristeko.

Agian

• Joxemai (ziur asko)

Ezin dut

• Assar
• Xabier Armendaritz

Maite Goñí ezingo da bilerara joan baina elkartean izena emateko prest dagoela esan du eta komunikazioaren alorrean laguntzeko prest. Horrez gain, biharko Azpimarran elkartearen asmoa aipatuko du. --Xabier Cañas (eztabaida) 13:20, 13 urtarrila 2016 (UTC)

Bilera edukiak

Kaixo! Hitzordua adosteaz gain, bertan tratatu beha ditugun edukiak lantzen joatea komeni da. Horretarako, eta txoko hau gai honekin gehiegi ez betetzeko, orri bat sortu dut Meta-Wiki, Basque Wikimedians User Group, bertan taldearen aurkezpen laburra agertzen da. Ingelesez dago hori, eta hizkuntza horretan ziurtasun gutxi dudanez, akats dexente egon daitezke. Aurkezpenaren azpian 3 atal daude, euskaraz. Horiek dira nik ustez landu behar ditugun 3 arlo nagusiak:

1. Bylaws, estatutuak, hau da, atal organikoa non egitura, antolakuntza eta baliabideak zehazten diren. Azpiorri horretan Josu lankideak pasatako Jaurlaritzaren estatutu eredua sartu dut denok ikus dezagun. Azpiorri horren eztabaida orria erabili dezakegun bilera bitarte horren inguruko eztabaida aitzinatzeko.
2. Misioa eta ikuspena: atal ideologiakoa da eta argi izan behar dugu hemen, helburu zehatzez harago, zertarako gauden, zergatik sortu garen, zein izango den gizarteari egingo digun ekarpena. Uste dut nahiko argi dugula, baina komeni da idatziz bermatzea.
3. Programa: lan ildoak, estrategia, urteko programak.... Hau aurreko bileran landutako diagnositik atera dezakegu marko logiko baten gisa kausa-efektu arbol baten bitartez. Hortik ondo abiatuta, erreza izan beharko luke lan ildoak eta horiek barruan dauden ekintza motak identifikatzea. Hori baliabideekin uztartzen badugu, urteko lan egitasmo bat atera dezakegun.

Ondo al deritzozue? -Xabier Cañas (eztabaida) 11:46, 31 abendua 2015 (UTC)

Ondo deritzot. Nik Xabierrek Meta-Wikin sortu duen orrian (Basque Wikimedians User Group) nire ekarpen xumeak egin ditut. Elkarte berriaren estatutuetan, sarrera gisa, testu bat proposatzen dizuet. Halaber, helburu orokorrak ere idatzi ditut, eta baita Elkartearen eremu geografikoa ere. Ea zer iruditzen zaizuen....--Josu (eztabaida) 12:50, 31 abendua 2015 (UTC)

Ufa, bai, begiratuko. -Iñaki LL (eztabaida) 00:09, 5 urtarrila 2016 (UTC)

Programa izeneko atalean (Programa) proposamen batzuk ere egin ditut. --Josu (eztabaida) 14:33, 12 urtarrila 2016 (UTC)

Argazkia

Kaixo! Nahiko lanpetuta nabil aste honetan eta ezingo dut bileraren laburpenik egin oraindik. Bi hitzetan esanda, dena lotuta dago baina lehendakaria falta zaigu! Xabier Armendaritz, zurekin asko gogoratu ginen ;-)

Meta-wikin dagoeneko sartu dut, baina hemen duzu talde argazkia! Guapoak izateko neska gehiago falta dira, baina tira, talde majoa!! --Xabier Cañas (eztabaida) 08:11, 19 urtarrila 2016 (UTC)

Janfri, Joxemai, Zuiarra, Iñaki LL, Gartxoak, Theklan, Josu, Xabier Cañas, Oraina eta Ksarasola. Lourdes Auzmendik ateratako argazkia

. Aitzolete minutu batzuk lehenago alde egin zuen bileratik.

Hamabi laguneko bilera, alajainaǃ Euskal Wikipediaren historian wikilari gehien bildu dituen bilera, oker ez banabil. Lehendakari kargurako, Lourdes hartuko nuke aukeran, baina inor animatzen ez bada eta elkartea sortzearen alde adostasun zabala lortu bada (bere ikuspegi kritikoarekin askotan oinak lurrean jartzen dizkigun Joxemairen iritzia interesatzen zait, bereziki), horretarako prest naukazue. --Xabier Armendaritz 2016-01-19, 10:01 (UTC)

Aupa Xabier Armendaritz eta konpainia. Datuetan akatz bat dago. Bileran 12 lagun batu ginen eta ez 11. Izenen artean Aitzolete falta da, pixka bat lehenago alde egin baitzuen. Beraz, bere izenaren idatzi dut.-Oraina (eztabaida) 16:04, 26 urtarrila 2016 (UTC)

Bilerako akta

Kaixo! Joan den ostiraleko bileraren akta egin dut Metan. Bota begiratu bat eta zerbait ondo jaso ez bada aipatu mesedez eztabaida orrian. Xabier Armendaritz for president!!

Akta hemen dago: Basque Wikimedians User Group/Aktak -Xabier Cañas (eztabaida) 09:22, 21 urtarrila 2016 (UTC)

New Wikipedia Library Accounts Available Now (December 2015)

Hello Wikimedians!

The TWL OWL says sign up today!

The Wikipedia Library is announcing signups today for, free, full-access accounts to published research as part of our Publisher Donation Program. You can sign up for new accounts and research materials from:

• Gale - multidisciplinary periodicals, newspapers, and reference sources - 10 accounts
• Brill - academic e-books and journals in English, Dutch, and other languages - 25 accounts
• Finnish Literature Society (in Finnish)
• Magiran (in Farsi) - scientific journal articles - 100 articles
• Civilica (in Farsi) - Iranian journal articles, seminars, and conferences - 50 accounts

Many other partnerships with accounts available are listed on our partners page, including EBSCO, DeGruyter, and Newspaperarchive.com. Do better research and help expand the use of high quality references across Wikipedia projects: sign up today!
--The Wikipedia Library Team 01:01, 11 December 2015 (UTC)

Help us a start Wikipedia Library in your language! Email us at wikipedialibrary@wikimedia.org

This message was delivered via the Global Mass Message tool to The Wikipedia Library Global Delivery List.

Azal Nagusiko atalen izenburuen tipografia aldaketaren proposamena

Kaixo. Euskarazko Wikipedia eta bestelako hizkuntza nagusienen Wikipedien Azaletako atalen izenburuak ikusten aritu naiz, eta Alemanezko Wikipedia eta besteren bat ez beste, geurea barne, atalen izenburuen bertako testuen tipografia berbera duen bakarra dela ohartu naiz, bai neurriz nahiz hizki motaz, izenburuak hizki lodiz Asteko irudia (Nabarmendutako artikulua, Asteko irudia, Ba al zenekien?...) eta testuak hizki arruntez egon arren.

Nire iritziz atalen izenburuen eta testuen tipografia berbera izatea ez da estekikoki oso ongi gelditzen, aldiz, tipografia ezberdina izan ezkero, izenburuek beste tipografia batean hizki handiagoz jarriz eta testuen tipografia bere hartan utziz, bai atalek nahiz orokorrean Azal Nagusiak itxura dotoregoa izango luke. Adibidez, nik ingelesezko Wikipediako Azal Nagusiko atalen tipografia gogoko dut: From today's featured article, In the news, Did you know..., On this day...).

Horregatik Azal Nagusiko atalen izenburuen tipografia aldaketa proposatu nahiko nuke.

-Euskaldunaa (eztabaida) 00:56, 14 abendua 2015 (UTC)

Aupa Euskalduna. Ados nago idatzi duzun guztiarekin.

•  Alde --Oraina

-Oraina (eztabaida) 10:17, 14 abendua 2015 (UTC)

•  Alde - Euskaldunaa, (eztabaida) 10:44, 2015ko abenduaren 14a (UTC)
•  Alde --Xabier Armendaritz 2015-12-14, 11:08 (UTC)
•  Alde -Xabier Cañas (eztabaida) 11:11, 14 abendua 2015 (UTC)

Bozkatzeko orria

Goiko testua oso nahasia zenez, bozketa orri bat ireki dut, gauzak albait txukunen egite aldera. Gaur gauerditik aurrera, hemen bozkatu ahalko da:

Wikipedia:Bozketak/Azal nagusiko atalen izenburuen tipografia aldaketaren proposamena.

Zenbat eta jende gehiagok parte hartu, hobeto. --Xabier Armendaritz 2015-12-14, 12:15 (UTC)

Aldaketa

Bozketa epea atzo gauerdian amaitu denez, administratzaileei proposamen bozkatuenaren araberako aldaketa burutzea eskatu nahiko nuke. -Euskaldunaa (eztabaida) 22:16, 20 abendua 2015 (UTC)

Barkatu, neronek ere aldatu dezaketela oraintxe ikusi dut.

-Euskaldunaa (eztabaida) 23:06, 20 abendua 2015 (UTC)

Egina. --Xabier Armendaritz 2015-12-20, 23:41 (UTC)

Euskaltzaindiak euskara baturako emandako 178. araua

Oraintsu atera da argitara Euskaltzaindiak euskara baturako emandako 178. araua: Kanpoko leku-izenei dagozkien herritar-izenak eta jatorri-adjektiboak sortzeko irizpideak. Beti bezala, oso jakingarria, euskaraz idazten dugunontzat.

Uste dut Euskal Wikipediari gehien eragiten diona hirugarren atala dela: «Kanpoko leku-izenei dagozkien herritar-izenak eta jatorri-adjektiboak sortzeko irizpideak». Izan ere, hauxe dio: «Bi herritar-izen edo jatorri-adjektibo koordinatu dira, baina lehenengoa, ezkerrekoa, forma jasoan agertu ohi da, -o letraz amaitua». Beraz, era honetako herritar izen edo jatorri-adjektibo konposatuak gomendatzen ditu: afro-asiar, albano-kosovar eta abar.

Beraz, arau hori beteko badugu, biografietako kategoria ugariren izenak aldatu beharko ditugu:

• Afroamerikarrak‎ → Afro-amerikarrak
• Alemaniar estatubatuarrak → Germano-estatubatuarrak
• Euskal argentinarrak → Eusko-argentinarrak
• eta abar.

Bestalde, oso kontuan izatekoa da gisa honetako erabilerak baztertzen dituela:

• Zorrotza auzo bilbotarra iraganera itzuliko da asteburu honetan, Erdi Aroko Azokarekin.
• Mikelasagasti auditoriuma Anoetako herri gipuzkoarrean dago.

eta, horien ordez, beste hauek hobesten dituela:

• Bilboko Zorrotza auzoa iraganera itzuliko da asteburu honetan, Erdi Aroko Azokarekin.
• Mikelasagasti auditoriuma Anoetan dago, Gipuzkoan.

Dena dela, esan bezala, euskaraz idazten dugunontzat merezi du osorik irakurtzea.

Euskal Wikipedian Euskaltzaindiaren arauei jarraitzen diegunez, inork arau hori aplikatzearen kontrako bozketarik abiatzen ez badu, kategoria horiek aldatzeari ekingo diot datorren astean. --Xabier Armendaritz 2015-12-14, 19:30 (UTC)

Badugu lana! -Theklan · · 19:37, 14 abendua 2015 (UTC)

A ze enbajada...

-Euskaldunaa (eztabaida) 03:33, 15 abendua 2015 (UTC)

Get involved in Wikipedia 15!

This is a message from the Wikimedia Foundation. Translations are available.

As many of you know, January 15 is Wikipedia’s 15th Birthday!

People around the world are getting involved in the celebration and have started adding their events on Meta Page. While we are celebrating Wikipedia's birthday, we hope that all projects and affiliates will be able to utilize this celebration to raise awareness of our community's efforts.

Haven’t started planning? Don’t worry, there’s lots of ways to get involved. Here are some ideas:

• Join/host an event. We already have more than 80, and hope to have many more.
• Talk to local press. In the past 15 years, Wikipedia has accomplished extraordinary things. We’ve made a handy summary of milestones and encourage you to add your own. More resources, including a press release template and resources on working with the media, are also available.
• Design a Wikipedia 15 logo. In place of a single icon for Wikipedia 15, we’re making dozens. Add your own with something fun and representative of your community. Just use the visual guide so they share a common sensibility.
• Share a message on social media. Tell the world what Wikipedia means to you, and add #wikipedia15 to the post. We might re-tweet or share your message!

Everything is linked on the Wikipedia 15 Meta page. You’ll find a set of ten data visualization works that you can show at your events, and a list of all the Wikipedia 15 logos that community members have already designed.

If you have any questions, please contact Zachary McCune or Joe Sutherland.

Thanks and Happy nearly Wikipedia 15!
-The Wikimedia Foundation Communications team

Posted by the MediaWiki message delivery, 20:58, 18 abendua 2015 (UTC) • Mesedez, lagun gaitzazu zure hizkuntzara itzultzen • Laguntza

Hemen idatzi dudan artikulua ZuZeun. -Theklan · · 10:38, 15 urtarrila 2016 (UTC)

Zorionak artikuluarengatik, oso ona.

Zure artikulua irakurri eta gogoeta bat egitearren: Halere, ez dakit euskarazko Wikipedia aipatzean errobotez eginiriko artikuluak edota Eusko Jaurlaritzaren soldatapeko "wikipedialariek" 20.000 artikulu egin zituztela zergatik azpimarratzen den, ez diot zure artikuluarengatik, orokorrean baizik, ikus gaztelaniazko edo galizierazko Wikipedietako euskarazko Wikipediaren artikuluetan aipatzen dena kasu, euskarazko Wikipediari duen mertiu itzela kendu nahizik bezala.

Inoiz ez da azpimarratzen ingelesezko edo gaztelaniazko Wikipedietan milaka eta milaka artikulu, baxura jotzen, jantzi, kirol, etabarreko markek, multinazionalek edota enpresa handien soldatapeko "wikipedialariek" sortu dituztela enpresa horien irudi ona lau haizeetara hedatu edota iragarki moduan.

Inoiz aipatzen ez den bezala, gaztelaniazko, katalan edo galizierazko Wikipediek 100.000 byteko milaka eta milaka artikulu mardul erroskilen moduan itzultzaile automatikoen bidez ti-ta batean sortuak izan diren bezala (heuren akats gramatikal eta guzti: nik behinik-behin gaztelaniazko Wikipedian ingelesezko artikuluen itzulpen automatiko ugari ikusia naiz). Euskarazko itzultzaile automatiko fidagarri edo fundamentuzko bat balegoke, ziur nahiz gaur egun euskarazko Wikipedia katalanezkoarengandik oso urruti ez litzatekela egongo.

-Euskaldunaa (eztabaida) 10:52, 15 urtarrila 2016 (UTC)

Beno, ez dugu besteen meritua kenduko. Guk gurera, eta lana ahalik eta hoberen egitera! -Theklan · · 10:59, 15 urtarrila 2016 (UTC)

Ez dut besteen meritua kendu nahi, baina gureari besteek ere egiten dutena leporatzea, haien aldetik hipokresia hutsa iruditzen zait. Baina beno, gogoeta bat besterik ez da.

-Euskaldunaa (eztabaida) 11:04, 15 urtarrila 2016 (UTC)

Wikipedia 2015 bideoa

Kaixo. Urtea oraindik amaitu gabe egon arren, Wikimedia fundaziotik urteko edizioei buruzko bideo bat sortu dute. Azpitituluak euskaraz ere badaude, nahiz eta oso azkar pasatzen diren. Eguberri on pasa guztioi. -Xabier Cañas (eztabaida) 07:21, 24 abendua 2015 (UTC)

• Ederra! --Josu (eztabaida) 13:54, 28 abendua 2015 (UTC)

Definizioak

Eskerrik asko Euskaltzaindiaren goiko arauak ekartzearren (goian)! Ondo datorkigu eguneratuta egotea. Bestalde, esan dezadan, eta hau ere planteatu nuen, estiloari buruz gauza garrantzitsuenetako bat definizioak emateko modua da, eta ene irudiko, EU WPk konpontzeke daukan arazo handietako bat da (ulergarritasuna, lehen inpresioa). IVAPek oso modu zehatza eman du horiek adierazteko haren Estilo Liburuan (145. or.).

Horretarako, gehienetan, aditza aurreratzea proposatzen da, zenbateraino hori beti merezi duen ere eztabaidagarria da. Nik sortutako gutxi gorabeherako adibide bat: "Elefantea da pisu handiko animalia ugaztun bat. Tronpa luze bat eta bi letagin dira bere ezaugarri berezienak, eta Afrikako zein Asiako eskualde batzuetan bizi da". Dena irakurtzeko, igo egin dut eztabaidatzeko, hemen, eta gure estilo-liburura dagokiona gehitzeko. Eguberri on! -Iñaki LL (eztabaida) 17:37, 24 abendua 2015 (UTC)

Kaixo denoi, gainontzekoa gorabehera, uste dut merezi duela honi koska egitea eta definitzea, laburra da eta, hemendik aurrera, edizioen estiloa definitzeko / erreferentzia nagusi izateko lagungarria izango da (Aitzolete, Gartxoak, Josu, Joxemai, Oraina, Xabier Armendaritz, Xabier Cañas, Zuiarra, Janfri). Bestela, zuzenean bozkatu eta aurrera. Zuen iritzien zain -Iñaki LL (eztabaida) 10:53, 31 abendua 2015 (UTC)

Aldaketa nabarmena litzateke, ez dakit ondo geratuko den guztian eta 219.000 artikulu ditugu jada eginak. Nola proposatzen duzu izatea aldaketa? Ondo legoke artikulu batzuk ikusi eta nola geratuko liratekeen ikustea. -Theklan · · 12:46, 31 abendua 2015 (UTC)

Kaixo. Niri ondo iruditzen zait nolabaiteko arau bat ezartzea definizioak modu ulergarriagoan idazteko. Nik uste dut intuitiboki dagoeneko horrela egiten ditudala gehienak, begiratu adibidez orain egin dudan Aurrizki artikulua, eta konparatu lehendik zegoen Atzizki artikuluarekin. Estilo Liburu horretatik har dezakegu araua. Hala ere, zaila ikusten dut lehendik idatzita daudenak automatikoki-edo aldatu ahal izatea.--Assar; (erantzun hemen) 13:01, 31 abendua 2015 (UTC)

Bai, artikulu batzuk ez dut dudarik dagoeneko modu ulergarrian daudela. Ez du esan nahi bat-batean dena aldatu behar dugunik, baizik eta aldatzen joatea eta hemendik aurrera erreferentzia zehatz bat edukitzea. Niri, adibidez, Assar lankidearen Aurrizki definizioa aditzaren atzera-kargaren mugako kasu bat iruditzen zait definizio baterako. Badauka definitzen den izena + sintagma pospositibo bat + euskal erlatiboa + izena + aditza. Nik IVAPen gomendioa hartuko nuke, baina baliozko erreferentzia izateko, ez zehatz-mehatz aplikatzeko. Definizio batean, ez nuke "da" atzera kargatuko euskal erlatibo bat edo izenlagun bat baino gehiago, alegia, bai "elefantea lau hankako ugaztun bat da" edo "elefantea lau hanka dituen ugaztun bat da", baina ez "elefantea lau hanka dituen bi belarriko ugaztun bat da". Kontuan hartzekoak dira ere deskriptoreaz eta ezaugarri espezifikoez IVAPen estilo liburuak esaten duena. -Iñaki LL (eztabaida) 16:10, 31 abendua 2015 (UTC)

Ea, ea! Zuen artea ikusi nahi dut aldaketarik egin gabe denbora gehien daraman artikulu honetan: Irantxe hizkuntza ;) -Theklan · · 16:16, 31 abendua 2015 (UTC)

Artikulu hori pixka bat txukundu dut, ea ze iruitzen. Bestalde, Assar, ez zait gaizki iruditzen Aurrizkiko definizioa; nik, esan bezala, gehiago laburtuko nuke beharbada ("aurrizkia hizki bat da, eta..."). Beste kontu bat hizki hitzaren lausotasuna eta indefinizioa da, ondoan beste hizkuntzaren estekarik ere ez baitauka, eta orain arte "letra"ren sinonimotzat erabili izan delako, baina tira, hori beste erreka bat da ;)

Printzipio nagusiak honela laburbilduko nituzke: aditza inoiz atzera ez kargatzea, eta terminoaren definizioa ordena honetan ematea: deskriptorea + ezaugarri espezifikoak. Gainontzeko detaileak IVAPeko estilo-liburuan. Bestalde, hemen adostutakoa EU WPren estilo-liburura gehitzea. Halaxe ba, beste iritzi batzuen zain... -Iñaki LL (eztabaida) 11:20, 1 urtarrila 2016 (UTC)

Kaixo berriz denoi! Ekarpen gehiago ez daudenez, ondorengoa proposatzen dut: estilo-liburua sortu eta, bertan, goiko nire komentarioan adierazitako definizio mota erabiltzea, bi oinarri dituela: 1. deskriptorea + ezaugarri espezifikoak. 2. Aditza inoiz atzera ez kargatzea goian aipatutakoaren haritik. 3. Estilo-liburu batean zehaztuko diren arauak (edo jarraibideak) erabakiak hartzeko irizpide bihurtzea, eztabaidetan desadostasunak egonez gero, adibidez. -Iñaki LL (eztabaida) 21:39, 3 urtarrila 2016 (UTC)

•  Alde -- -Iñaki LL (eztabaida) 21:39, 3 urtarrila 2016 (UTC)

Nik bozkatu aurretik adibideak beharko nituzke. Ez naiz hizkuntzalaria eta kostatzen zait ulertzea zein den aldaketa. -Theklan · · 21:41, 3 urtarrila 2016 (UTC)

Barkatuko didazue lehenago ez parte hartzea, beste hainbat kontutan sartuta ibili bainaiz. Aspalditik nerabilkien buruan horrelako proposamen bat egitea. Izan ere, euskararen tradizioan, esaldi luzeetan sistematikoki aditza hasieran dator. Gogora ditzagun, adibidez, gure Axular handiaren zenbait esaldi, definizio tankerakoakː

• Alfertasuna da gero guztien ithur-burua, zimendua eta ama; egiteko guztiak egunetik biharrera, presentetik ethorkizunera, eta gerotik gerora luzatzen dituena.
• Eta da konparazinoa: Gizon batek erein zuen bere landan hazi ona, ogi bihi garbia, baiña gero zenbait nahastekarik egotzi zuen gaiñetik hazi gaixtoa.
• Fidanzia da esperantza bat bortiztua, indarztatua, eta ustez ongi finkatua eta seguratua.

Gaur egun ere, euskal estilo liburuek aditza aurreratzea gomendatzen dute; ez, ordea, klasikoetan aurkitzen dugun bezain aurrera, baizik eta aditza bukaeran jartzea ekarri zuen Altuberen proposamenaz geroztik zabalduena den ordenarekin erdibideko konponbide bat bilatuta. Hartara, hau diosku Berriaren estilo liburuakː

«

Esaldi ulerterrazak idazteko, komeni da aditza lehenbailehen ematea. Galdegaia aditzaren aurrean joateak ez du esan nahi aditza atze-atzean jarri behar denik, ordena aski librea baita euskaraz: aditzaren ezker-eskuin banatu ohi dira esaldiaren osagaiak.

»

Eta Iñakik goian aipatutako IVAPen estilo liburuak ere, antzera (ikus «3.2.2. Aditza aurreratu» atala, 127. orrialdetik 131.era)ː

«

Askoren ustez, euskaraz aditza esaldiaren azkenean jarri behar dugu. Eta egia da, esaldi laburretan ordena horrek (Subjektu-Objektu-Aditza) ondo funtzionatzen du. Baina, esaldi luzeetan? Bada, esaldi luzeetan ordena horri jarraitzeak ulergarritasun-arazo ugari ekar ditzake, atzeratu egiten baitugu informazio nagusiaren pertzepzioa. Horregatik, mezua lehenengoan ulertzeko eran idatzi nahi badugu, hizkuntzak eskaintzen dizkigun bestelako bideak erabiliko ditugu.

»

Beraz, nire proposamena hau litzateke (behin-behineko proposamen honi, behin betiko bertsioan, beste bospasei adibide erantsiko nizkioke)ː Artikuluaren lehen esaldian, definizio generiko labur bat egin behar da, oro har da adizkiarekin, edo hala dagokionean izan aditzaren beste adizki batekin (zen, izango da, izan nahi du...). Atzetik erantsiko dira zehaztasunak, aposizio gisa edo perpaus elkartu nahiz menpeko gisa. Adibidezː «Iruñea Nafarroa Garaiko hiriburua da, Nafarroako Autonomia Erkidegoko erdialdean kokatua, Iruñerria eskualdean, eta Arga ibaiak zeharkatua.»

Dagoeneko milaka artikulu ditugu era horretan jarriak. Uste dut euskararen tradizioa, egungo erabilera eta ulergarritasuna aintzat hartzen dituen konponbiderik egokiena dela. --Xabier Armendaritz 2016-01-04, 12:38 (UTC)

Erabat ados nago proposamen horrekin. Deus adosturik ez dagoen arren, gisa horretako definizioak nahiko zabaldurik ditugu Wikipediako zenbait artikulu motetan: biografiak (1, 2), herrialdeak (2), hiriak (3), geografia-elementuak (4, 5), animaliak (6, 7)... Intuizioz, euskarazko entziklopedietan eta beste wikipedietan kontsultatuz edota elkarren ekarpenetatik ikasiz, eredu estandard horietara iritsi gara, baina bidea nahiko nekosoa izan da (niretzat, behintzat). Beraz, definizioak nolakoak izan behar diren idatziz jasotzea oso egokia iruditzen zait, bai gaur egungo, bai etorkizuneko lankideentzat. Asko izanen dira aldatu beharreko artikuluak, dudarik gabe, baina definizioa nolakoa izan behar den garbi baldin badugu, segurtasun handiagoarekin lan eginen dugu. Bestalde, aurrizki artikuluaren defizioa aski egokia iruditzen zait; trinkoa da, bai, baina laburra izatean ulergarria da.--Xirkan (eztabaida) 16:56, 4 urtarrila 2016 (UTC)

Earki, ekarpen gehiago ta! Oro har, ados azken ekarpenekin, ni ez nintzateke detaile gehiegitan sartuko hala ere; horregatik, eman ditudan zehaztapenak minimoak dira (aditza aurrealdera; informazioaren distribuzioa). Esan dudan bezala, Aurrizkiko definizioa ez nuke txartzat joko, baina laburragoa hobetsiko nuke: "Aurrizkia hizki bat da, eta hitz baten erroaren aurrean kokatzen da / hitz baten erroaren aurrean kokatzen dena", araua edo gidalerroa zenbateraino zorroztu nahi dugun... Bestalde, orain arteko definizioak zuzentzearena, pixkanaka egingo nuke. Esan bezala, estilo-liburua ere sortuko nuke, zalantza pizten duten kasuetan zehazten joateko, eta guztientzat (hasiberrientzat ere) argigarri, erreferentzia objektibo bat ezartzen baita. -Iñaki LL (eztabaida) 20:12, 4 urtarrila 2016 (UTC)

Gehi dezadan beste aukera bat: "Aurrizkia da hitz baten erroaren aurrean kokatzen den hizki bat". Horrek badu bertute handi bat irakurlearentzat: argi eta garbi bereizten du mintzagaia eta gainontzeko informazioa, eta horrek, believe me, irakurleari lasaitasuna ematen dio. Beharbada azpikategorizazio bat izan daiteke, alegia, definizio mota jakin batzuetarako bakarrik... Tira, ideiarik badago, prest nauzue entzuteko. -Iñaki LL (eztabaida) 00:17, 5 urtarrila 2016 (UTC)

Oraintxe Euskal Wikipedia hutsetik sortu beharko bagenu, egitura horren alde egingo nukeː Aurrizkia da hitz baten [...]. Euskal Wikipediak, ordea, 220.000 artikulutik gora ditu dagoeneko, eta, horregatik, entziklopedia honen egungo moldearen guztiz bestelakoa den egitura horren alde ez dut egingo. Sekulako haustura litzateke, eta inkoherentziak leudeke alde guztietan. Wikilari aktibook ez gara hainbeste, eta hamarkadak beharko genituzke definizioetan nolabaiteko koherentzia lortu arte. Goian proposatu dudan egiturak, ordea, baditu hainbat abantailaː ulergarritasuna, jadanik erabiltzen den moldeetako bat izatea, eta erabiltzen diren gainerako egiturekiko erabateko haustura ez izatea. Gainera, editore berriari jarraibide zehatza ematen dio, artikuluak sortzean nolabaiteko segurtasuna izan dezan (artikuluak sortzea izaten baita editore hasiberrien lanik gustukoena).

Ni ere «Aurrizki» artikuluko oraingo definizioa («Aurrizkia hitz baten erroaren aurrean kokatzen den hizki bat da») egokia delakoan nago. Izan ere, goian proposatu dudan araua betetzen duː lehen esaldian «definizio generiko labur bat» ematen du, eta gero datoz zehaztapenak. --Xabier Armendaritz 2016-01-05, 10:15 (UTC)

Ados, ez naiz luzatuko "da"ren hasierako posizioari buruzko nire azken ideiarekin. Ez dut uste sistematikoki definizio guztiak aldatu behar ditugunik, baizik eta aldatzen joan, zeregin horrekin ez gogaitzeko. Baina laburbilduz, bat gatoz definizioak arautzen duten printzipioen inguruan. Beraz, goian aipatu dudan proposamen minimalistari lotzen natzaio (uste dut Xabierren proposamena berdina dela funtsean). Beraz, ixten joateko, bozkatzeko, honela emango nuke definizioak osatzeko ereduari buruzko proposamena:

1. deskriptorea (definizio generikoa) + ezaugarri espezifikoak (detaileak). 2. Aditza inoiz atzera ez kargatu, IVAPen gidalerroak ontzat hartuz. 3. Estilo-liburu bat sortu, zehaztuko ditugun arauak (edota jarraibideak) bertan zehaztu, eta horiek erabakiak hartzeko irizpide bihurtu (eztabaidetan, adibidez). -Iñaki LL (eztabaida) 23:00, 5 urtarrila 2016 (UTC)

┌────────────────────────────────────────────────────────────────────────────────────────────────────┘ Estilo liburua sortzeari dagokionez, uste dut lan handiegitxoa litzatekeela, nik neuk behintzat ez dut astirik izango horretarako. Kontua da hainbat eredu ditugulaː Berria egunkariarena, EIMArena eta IVAPena, nagusiki. Horietatik zein hartu erabaki beharko litzateke hemen lehendik zehaztuta ez dugun gai bakoitzerako, eta gure estilo liburuaren testua sortu; izan ere, euskarazko hiru estilo liburu nagusi horietatik bat bera ere ez dago lizentzia librearekin argitaratuta. Lan potolo samarra egin beharko litzateke, ordu piloa emanda. --Xabier Armendaritz 2016-01-08, 20:50 (UTC)

Kaixo Xabier, ez dut uste hori arazoa denik. Funtsean, beharrezkoak diren kontuak zehaztuko genituzke bakarrik, WP albait libreena izatea da helburua, baina ezin bestekoa da proiektuak gako objektibo batzuk izatea, koherentzia, segurtasun eta fidagarritasunerako. Beraz, incremental egitea izango litzateke kontua, hazten dihoan estilo liburua (Berrian egin duten bezala...), gainontzeko kontuetarako zuk aipatutakoak erreferentziatu eta listo. Denbora ia ezer ez. Neroni has naiteke (goiko definizioa) eta nahi duenak kezkaren bat duenean, eztabaidatu, eta erabakia estilo liburura gehitu. -Iñaki LL (eztabaida) 22:20, 8 urtarrila 2016 (UTC)

Tira, ikusi dut estilo liburua WPren zirrikituetan galduta zegoela, hemen: Politikak. Politikak definizioa ez dago oso garbi hala ere. Ingelesezko Manual of style (orokorra) dagokio. Nik, zuzenean, estilo liburuaren orri bat sortuko nuke, estilo liburu hazkor hori bertan adierazteko. -Iñaki LL (eztabaida) 23:28, 8 urtarrila 2016 (UTC)

Deskriptorearen definizioari adibide batzuk gehituko nizkioke, aisago ulertu ahal izateko. Eta Estilo Liburua sortzea aurrerapausu handia iruditzen zait, Euskal Wikipediaren kalitatea hobetuz joateko. Eskertzen dizut IVAPen Estilo Liburuaren lotura jarri izana, kontu dexente argitzeko baliagarri izan zaidalako.--Xirkan (eztabaida) 07:41, 9 urtarrila 2016 (UTC)

Ez horregatik. Adibideak araua adierazi ahala gehituko ditugu. Esan bezala, Politikak delako link horretan, badaude dagoeneko estiloari buruzko erabaki batzuk, baina nire ustez orri aparte bat sortzea dagokio, argitasunerako eta hizkuntza arteko estekak bat etortzeko. Beraz (Aitzolete, Gartxoak, Josu, Joxemai, Oraina, Xabier Armendaritz, Xabier Cañas, Zuiarra, Janfri), gauzak arintzearren, definizioari buruzko goiko azken adierazpenari buruz (1. 2.)

•  Alde -Iñaki LL (eztabaida) 20:37, 9 urtarrila 2016 (UTC)
•  Alde -Xirkan (eztabaida) 21:46, 9 urtarrila 2016 (UTC)
•  Neutralaː oinarrian dagoen ideia ona dela uste dut, baina egokiago eta zehatzago adierazi beharko litzateke. Hau da, araua idazteko gutxi gorabeherako proposamen bat baldin bada, ontzat jotzen dut; hitzez hitz arautzat jartzeko testua baldin bada, ez. --Xabier Armendaritz 2016-01-10, 12:13 (UTC)
•  Neutrala - --Joxemai; (erantzunak) 13:46, 10 urtarrila 2016 (UTC) (Xabier Armendaritzek emandako gomendioaren testuarekin ados nago (nahiz eta batzuetan, da ez den zerbait definitu, abiarazi edo azaltzeko modu egokiena, adibidez, gertaera historiko batzuetan). Beste gauza bat da politikatzat hartu behar dugun. Politikak, definizioz, bete diren edo ez nahiko argi eta garbi ikusi behar da kasu guztietan. Eta kasu honetan, estilo egokiko definizio egokia eman den erabakitzea problematikoa izan daiteke, eta deadostasunak sor ditzake. Nik uste dut aurrena politika edo arau bat zer den argi eta garbi erabaki behar dugula, politikei jarraitzen ez bazaie ondorioak zein diren, politikaren araberako edizioak egiten badira, zer balio duten, nola bozkatu politikak. Nik politika formal eta informalak bereizi nituen Wikipedia:Politikak sailean, baina inork kasu handirik edo proposamenik egin ez zuenez, garatzeari utzi nion. Hortik hasi behar dugu eta ez teilatutik.)

Estilo liburua berariazko orri bat sortzeari buruz (3.),

•  Alde -Iñaki LL (eztabaida) 20:37, 9 urtarrila 2016 (UTC)
•  Alde -Xirkan (eztabaida) 21:46, 9 urtarrila 2016 (UTC)
•  Neutralaː honakoan ere ideia berez ona dela uste dut, baina eszeptiko samarra naiz gure ahaleginak horretara bideratzeak ekarriko dituen onurei buruz. Orain ditugun oinarrizko gidalerroak betetzen ere, nahiko lan... Hala ere, daitekeena da ni oker izatea eta estilo liburuak wikipedia honi sekulako hobekuntza ekartzea, auskalo. --Xabier Armendaritz 2016-01-10, 12:13 (UTC)
•  Aurka - --Joxemai; (erantzunak) 13:46, 10 urtarrila 2016 (UTC) (Politikatzat hartzea arazoak ekar ditzake, estilo-liburuan gai asko sartzen direlako, eta horri buruz oso-osorik alde edo aurka boto ematea edo erabakitzea zaila delako. Estilo-liburua inplizituki sortzea proposatzen dut, Wikipedia:Kirolarien biografiak, Wikipedia:Alkateak, Wikipedia:Datak, eta abar, orrialdeak sortuz eta horiek politikatzat har daitezkeen erabakitzea.)

Kaixo, eztabaidatzeko denbora pasa da, ezin gara betiko luzatu. Orain arte dagoena (Politikak) bitan bereiziko dut ingelesezko orriarekin bat etortzeko (Policies eta Manual of style), eta definizioari buruz esandakoak gehitu. Zuk aipatutakoa ere, Joxemari, ebazpen-prozesua (desadostasunak daudenerako urratsak) bitartean eztabaida dezakegu. -Iñaki LL (eztabaida) 22:24, 10 urtarrila 2016 (UTC)

Kaixo, Iñaki. Hain parte hartze eta babes urriarekin (aldeko bi boto besterik ez), ez zait egokia iruditzen besterik gabe aurrera egitea. Nahi baduzu, zirriborro bat egin dezakezu, noski. Beharbada, zer itxura duen ikusita aldekotasun handiagoa lortuko duzu... --Xabier Armendaritz 2016-01-13, 14:28 (UTC)

Kaixo Xabier, honezkero gehitu dut definizioei buruzkoa, hemen. Deialdia egin zen eta interesa dugunok parte hartu dugu, nahikoa eztabaidatuta. Esan bezala, ahalik eta zabalena utzi dut definizio-atala gero detaileak eta ñabardura gehiago landu ahal izateko. Estilo-liburuarena, estilo-gida badago dagoeneko (neure ustez, politikak eta estilo-gidaren arteko bereizketa hobetu daiteke) eta hori gehiago hitz egin behar da. Oraingoz ez dut ukitu, input gehiagoren zain. --Iñaki LL (eztabaida) 15:48, 14 urtarrila 2016 (UTC)

VisualEditor News #6—2015

Ba al zenekien?

Editatzeko sistema berriago eta errazago batek Aldatzeko botoi bakar bat baino ez du izango. Orria behin ireki dela, orduan aukeratu ahalko da ikusizko edo iturburu bertsioen artean.

Aldatzeko botoiak banatuta egotea nahiago baduzu, zure hobespenetan aukeratu dezakezu, bai ikusizko editorean hurrengoan irekitzean ateratzen den elkarrizketa mezuan bai Special:Preferences atalera joanez eta nahi duzun ezarpenak aukeratzen.

Gaur egungo asmoa Aldatu botoia sakatzean aldaketak egiteko gehien erabiltzen duzun ingurunea lehenetsi bezala irekitzea da.

Erabiltzaile gida irakurri eta itzultzen lagundu dezakezu; bertan informazio gehiago duzu ikusizko editorearen inguruan.

Irakurri hau beste hizkuntza batean • Berripaper eleanitz honetarako harpidetza zerrenda

Azken berripaperetik hona, ikusizko editorearen lantaldeak hainbat akats konpondu eta matematika formulen tresnak zabaldu ditu. Taldearen lan-plana Phabricatorren eskura dago. Beren lehentasuna japoniera edo arabiera bezalako hizkuntzekin bateragarritasuna lortzeko laguntza ematea da. Horrez gain, multimedia tresnak eskura jarri nahi dituzte formulak, grafikoak, galeriak eta fitxategien igoerak errazteko.

Azken hobekuntzak

Wikitestutik ikusizko editorera pasa ahal zaitezke aldaketak egiten hasi ondoren. LaTeX matematika formulen editorea aski zabaldu da. (T118616) Formula ikusi dezakezu LaTeX kodea aldatu ahala. Botoietan klik egin dezakezu LaTeX kode zuzena sinbolo askorekin txertatzeko.

Ondorengo aldaketak

The single edit tab project will combine the "Aldatu" and "Aldatu iturburu kodea" tabs into a single "Aldatu" tab, like the system already used on the mobile website. (T102398, T58337) Initially, the "Aldatu" tab will open whichever editing environment you used last time. Your last editing choice will be stored as a cookie for logged-out users and as an account preference for logged-in editors. Logged-in editors will be able to set a default editor in the Aldatzen tab of Special:Preferences in the drop-down menu about "Edizio modua:".

Ikusizko Editorea guztiontzat erabilgarri egongo da 2016an ondorengo Wikipedia hauetan: Amarikoa, Buginesa, Min Dong, Cree, Manx, Hakka, Armenian, Georgiera, Pontic, Serbo-Kroaziera, Tigrinya, Mingrelian, Zhuang, and Min Nan. (T116523) Please post your comments and the language(s) that you tested at the feedback thread on mediawiki.org. The developers would like to know how well it works. Please tell them what kind of computer, web browser, and keyboard you are using.

In 2016, the feedback pages for the visual editor on many Wikipedias will be redirected to mediawiki.org. (T92661)

Probatzeko aukerak

• Please try the new system for the single edit tab on test2.wikipedia.org. You can edit while logged out to see how it works for logged-out editors, or you can create a separate account to be able to set your account's preferences. Please share your thoughts about the single edit tab system at the feedback topic on mediawiki.org or sign up for formal user research (type "single edit tab" in the question about other areas you're interested in). The new system has not been finalized, and your feedback can affect the outcome. The team particularly wants your thoughts about the options in Special:Preferences. The current choices in Special:Preferences are:
  • Gogoratu nire azken editorea,
  • Aukeran, eman beti ikusizko editorea,
  • Eman beti iturburu kode editorea, eta
  • Erakutsi bi editoreen fitxak. (This is the current state for people already using the visual editor. None of these options will be visible if you have disabled the visual editor in your preferences at that wiki.)
• Can you read and type in Korean or Japanese? Language engineer David Chan needs people who know which tools people use to type in some languages. If you speak Japanese or Korean, you can help him test support for these languages. Please see the instructions at What to test if you can help, and report it on Phabricator (Korean - Japanese) or on Wikipedia (Korean - Japanese).

If you aren't reading this in your favorite language, then please help us with translations! Subscribe to the Translators mailing list or contact us directly, so that we can notify you when the next issue is ready. Eskerrik asko!

Elitre (WMF), 00:06, 25 abendua 2015 (UTC)

Herripediak eta Auzopediak

Joan den abenduaren 6an, Durangoko Azokan, Euskal Wikilarien elkartea sortzeko bileraren aurretik, Herripedien eta Auzopedien inguruko solasaldia izan zen. Bertan orain arte izandako esperientziak jarri ziren mahai gainean, eta hortik abiatuta, etorkizunera begira tankera horretako jarduerak antolatu nahi dituen edonorentzat baliagarriak izan litezkeen zenbait jarraibide eman ziren. Hona hemen laburpena:

Partehartzaileak: Larraitz (Amarapedia), Ziortza, Eider, Iñaki (Iurretapedia), Egoitz (Sorapedia), Josu, Zuiarra, Egoitz, Xabier C., Josu (Elhuyar-Usurbilpedia) eta Aitzol

Herripedia/Auzopedia	Nork	Helburua	Eskarmentua	Egoera
Amarapedia	Ernest Lluch kultur etxeko liburutegia	Helburu orokorrak: 1. Eman eta zabal zazu: informazioa bildu eta zabaldu, hori baita liburutegiaren zeregina 2. Elkarbanatzea: liburutegiaren funtsa (maileguak...) eta Wikipediarenak berdinak dira, ezagutza eskutik eskura pasatzea 3. Amarauna: auzoaren kohesioa lortzeko bilgune izan nahi duen proiektua, bertako historiaren inguruan biltzen dena. 4. Euskararen erabilera sustatzea: Amarapedia lehenik eta behin euskarazko proiektua da eta euskarazko sorkuntzari ematen zaio lehentasuna. 2015ean jatorri eta helburu ezberdinak zituen jende multzo bat elkartu zen eta ikusi zen Wikipedia tresna gisa erabilita helburu ezberdin horiek erdiesten zirela. Parte hartzaileak: * Donostia Kulturako lankideak * Olatu Talka jaialdiko lankideak * Donostia 2016ko lankideak * Euskara zerbitzua * Wikilariak *Auzoko liburuzainak *Auzoko kultur etxea	Olatu Talka jaialdiaren barruan egin zen edizio topaketa, kalean, 2015eko maiatzaren 30ean. Lan hauek egin ziren: * Wikipedian egitura prestatu (Wikiproiektua) * Parte hartzaileak lortu (deiak, posta, ....) * Formakuntza eman * Artikuluetarako iturriak prestatu * Ekitaldiko ekoizpena antolatu * Komunikazioa Ondorioak: * Abiapuntua: Auzoari begira, ezagutza zabaltzeko ezarri den abiapuntua oso positiboa da. * Parte hartzerako bide berriak zabaldu dira. * Lan-taldea: toki eta interes ezberdinetatik abiatu arren, elkargunea sortu eta elkarrekin lan egiteko gaitasuna erakutsi zuten denbora gutxian. * Formatua handiegia gertatu zen. Hobe toki eta ordutegi mugatuago batean egitea. * Parte hartzea: aurreikuspenen azpitik egon zen. Inportanteagoa auzoaren kohesio maila biztanle kopurua baino.	Amarapedia, Amarauna proiektuaren barruan landukoa da liburutegitik. 2016an QRpedia kodeak artikuluak dituzten Amarako kaleetan jartzeko asmoa dago Donostiapedia egitasmo zabalagoaren barruan.
Iurretapedia	Iurretako liburutegia	Amarapediako kasuan bezala, Wikipedia parte hartzerako eta ezagutza zabaltzeko tresna aproposa da. Bat egiten du Liburutegiaren helburuekin. Iurretak udalerri bilakatu zela 25. urteurrena ospatzeko modu bezala ikusten da, ezagutza eta parte hartzea uztartzen baititu. Gerediaga elkarteak babesa eman dio proiektuari eta edukiak prestatu ditu.	Lan asko egin da elkarteekin eta erantzuna oso ona izan da, 20 pertsonatik gora bildu ziren abenduaren 12ko edizio topaketara. Bi orduko lau formakuntza saio egin ziren bertako elkarteentzat (ikusizko editorea erabiliz).	Parte hartzaileen gogobetetze maila oso ona izan da eta gehienak parte hartu izanaz pozik atera dira. Baliabide asko geratzen dira erabiltzeko oraindik Gerediaga elkartearen eskutik. Hori guztia, liburutegitik herritarrekin landu daiteke datorren urtean zehar. Wikilarien gainbegiratzea oso beharrezkoa izan da zenbait artikulu wikitzeko eta arauak betetzen zituztela bermatzeko.
Usurbilpedia	Elhuyar Fundazioa	2015ean Kilometroak Usurbilen egingo zela eta, hastapen bezala eta Kilometroaki lotuta, Usurbilpedia egitea erabaki zen udalarekin batera. Epe luzerako helburua Usurbil herriari buruzko informazioa handitzea da: daukagun ezagutza zabaldu eta berria sortu, identitatea sustatu...	Kilometroak 2015 testua 11 hizkuntzetara itzuli da.	Orain proiektua geldirik dago eta aurrera begira herri-mailako ekimenak egin nahi dira.
Sorapedia	Soraluzeko zenbait bizilagun	Herri identitatea eta memoria historikoa lantzeko sortu da proiektu hau. Horretarako wiki bat sortu nahi dute.	Abenduaren 12an egin behar dute Soraluze abian jartzeko batzarra. Ez dute oraingo Wikipedian egiteko aukera baloratu.	Abiatzen

Ekintzaileei begiratuz, oso mota ezberdinekoak daude: liburutegiak, fundazioak, elkarteak, bizilagun taldeak... Bakoitzak bere baliabide eta helburuekin abiatzen ditu beren herripediak. Guztiek komunean dutena zera da: Wikipedia ezagutza zabaltzeko eta partekatzeko modu ezin hobea dela.

Herripediak eta auzopediak antolatzeko praktika egokiak:

1. Helburu garbiak finkatu:

• Herri identitatea sustatu
• Memoria historikoa berreskuratu
• Ahalduntze digitala
• Belaunaldi arteko erlazioa

2. Wikilari komunitatearekin harremanetan jarri: haiek ezagutzen dituzte arauak eta gutxienez haietako baten laguntza funtsezkoa da.

3. Parte hartze irekia bermatu: tresnak ezin du oztopo izan.

4. Ikusgarritasuna bilatu, egindakoa ezagutzera eman eta kalera atera.

-Xabier Cañas (eztabaida) 12:11, 28 abendua 2015 (UTC)

Administratzaile berria

Urte berriarekin batera eta zenbait administratzaile inaktibo daudela ikusita, administratzaile berri bat proposatu nahi nuke: Xabier Cañas lankidea. Wikipediaren funtzionamendua arras ongi daki, lankideen lanaren perspektiba eta irizpide bikaina du eta bere lanbideagatik egunero hemendik ibiliko da ziur aski. Berak nahi nahi badu, eta bestelako iruzkinak ere onartzen direla, bozketa zabaltzen dut hemen urtarrilak 6 arte. - --Joxemai; (erantzunak) 07:35, 30 abendua 2015 (UTC)

Ikasle bezala ikusten dut nire burua, egunero ikasten ari naiz eta badira gauza asko oraindik ez dakizkidanak Wikipediaren inguruan. Halere, 2016an zehar badakit astia izango dudala lan horretan, apaltasunez, aritzeko, eta administratzaile lanetan lagundu dezakedala uste baduzue, ni prest nago ardura hori onartzeko.-Xabier Cañas (eztabaida) 08:01, 30 abendua 2015 (UTC)

Bat nator Josemairekin: Xabier Cañasek administratzaile izateko baldintzak biltzen ditu. Ardura hori onartzen badu, primeran! --Josu (eztabaida) 17:49, 30 abendua 2015 (UTC)

Ados Iñaki Cañas administratzaile izatearekin, bera ikusten dut egokien, the driving force ;) -Iñaki LL (eztabaida) 10:56, 31 abendua 2015 (UTC)