Wikipedia:Txokoa/2016ko urtarrila

Happy Public Domain Day 2016!

Logo Public Domain Day

Feel free to translate this message in your language!

On January 1 we celebrate Public Domain Day as many works of authors who died 70+ years ago now enter the public domain and can be used freely.

Let us be aware: copyright is temporary. It only lasts during the authors lifetime and 70 years afterwards (in most countries). During those years it is limiting Wikipedia and her sister projects in showing works of art, literature, public art and buildings in countries without freedom of panorama, and more in the articles. But now a new batch is freed from copyrights!

An overview of images and texts that are restored or added to the Wikimedia Commons, are collected on: this page.

Many of these files still need a place in articles. You can help!

You can also help by uploading new files of subjects that are freed of copyrights.
You can also help by tagging all requests for deletion pages with the category when the file can be restored, which will be/was deleted.

As I follow the log of restored files this week, more images and texts will follow. If still files or texts are missing in the list, let me know or add them yourselves.

A very happy Public Domain Day! Romaine (eztabaida) 13:07, 2 urtarrila 2016 (UTC)

• Some of the freed files:

• 
  Leif Ericsson
• 
• 
  El Lissitzky
• 
• 
• 
  Alfred Ost
• 
  Leonid Pasternak
• 
• 
• 
• 
• 
• 
• 
• 

Zorionak! Congratulations!

-Euskaldunaa (eztabaida) 13:56, 2 urtarrila 2016 (UTC)

Tartean Zuloagaren obrak daude, 1945ean zendutakoa (71 urte)-Xabier Cañas (eztabaida) 15:30, 2 urtarrila 2016 (UTC)

Frantziako eskualde eta kantonamenduak

Iepa! INSEE txantiloi automatikoa erabiltzen zuten artikuluetan dagoeneko aldatu ditut eskualdeen izenak, baina frantsesez ditut. {{INSEE errolda/Eskualde izena}} hemen jarri ditut momentuz ditudanak. Norbaitek eskualdeen izenak euskaraz eman ote diren baldin badaki, esan dezala. Bestela ere izen historikoetan ez nuke arazorik izango (Normandie -> Normandia, kasu). -Theklan · · 12:52, 3 urtarrila 2016 (UTC)

Eskualde berrien izen probisionalak (Eskualde Kontseiluek ekainera arte dute aukera eskualdearen izena hautatzeko) aurreko eskualdeen izenen batura dira. Horregatik, onena nire ustez izen berriak aurreko eskualdeetako izenetara egokitzea da. Adibidez, Aquitaine-Limousin-Poitou-Charentes --> Akitania-Limousin-Poitou-Charentes bihurtuko nuke eta Auvergne-Rhône-Alpes --> Auvernia-Rhône-Alpeak...--An13sa ✎ 13:23, 3 urtarrila 2016 (UTC)

Animatzen zara zuk zeuk egitera? Lehen aipatutako txantiloi horretan daude izenak jarrita, eta gaur sortu ditut herrialde info txantiloiak ere. Ni erroldak gaurkotzen jarriko naiz. -Theklan · · 14:03, 3 urtarrila 2016 (UTC)

Zerbaitetan hasi naiz (Frantziako eskualdeak), bihar jarraituko dut ;) --An13sa ✎ 20:32, 3 urtarrila 2016 (UTC)

Era berean bot batekin kantonamendu guztien artikuluak egin ditut. Oraindik Wikidatarekin lotze prozesuan daude, eta aldaketa batzuk egin daitezke, baina dena automatizatua egin dudanez erraza izango da etorkizunean datu gheigarriak sartzea. Kontua da guztien sorrerarekin Ipar Euskal Herrikoak ere sartu ditudala. Eta ez dakit izendapenik dugun jada horientzat. Hemen dituzue guztiak -Theklan · · 11:42, 4 urtarrila 2016 (UTC)

Ikusten dut, era berean, hemen badirela lehendik sortutako batzuk: Kategoria:Pirinio Atlantikoetako kantonamenduak. Norbaitek laguntzerik badu, primeran! -Theklan · · 11:43, 4 urtarrila 2016 (UTC)

Aupa Theklan. Ni laguntzeko prest, ahal dudanaren neurrian noski. Zer/zelan egin behar da? -Oraina (eztabaida) 18:21, 8 urtarrila 2016 (UTC)

2016ko Asteko artikulua eta argazkia gaurkotu

Urte berri on!! Administratzaile batek gaurkotu ditzala mesedez Txantiloi:Azala/Nabarmendutako artikulua eta Txantiloi:Azala/Asteko irudia txantiloiak. Iazkoak errepikatzen ari dira orain. Mila esker. -Xabier Cañas (eztabaida) 08:40, 4 urtarrila 2016 (UTC)

Egina -Theklan · · 08:46, 4 urtarrila 2016 (UTC)

Mila esker, Theklan!!-Xabier Cañas (eztabaida) 09:38, 4 urtarrila 2016 (UTC)

By the way, nabarmendutako artikulu izateko hiruzpalau artikulu izangai daude! Dagokionari, ahal denin beti bezala. -Iñaki LL (eztabaida) 20:36, 6 urtarrila 2016 (UTC)

Wikimania 2016 Scholarships - Deadline soon!

Gogoratu, gutxi barru bukatuko da Esino Lario - Italiako Wikimania 2016rako beka lortzeko eskaerak egiteko epea! Eskuratu mesedez zure eskabidea urtarrilak 9rako beranduen. Eskaera egiteko, bisitatu beheko orria:

• Wikimania 2016 Scholarships

Patrick Earley (WMF) via MediaWiki message delivery (eztabaida) 01:49, 5 urtarrila 2016 (UTC)

OpenStreetMap mapak euskal wikipedian

Kaixo. Wikipedian ekarpenak egiteaz gain, OpenStreetMap-en ("mapen Wikipedian") ere laguntzen dut. Batez ere Gasteizko eta Arabako esparruan egiten dut lan. Azken aldian OSM mapak euskal wikipedian integratzeko modu errazena zein litzatekeen begiratzen egon naiz, eta atera dudan ondorioa da, momentu honetan, pantaila kapturak egitea eta PNG formatura bihurtzea dela errazena. Eta horretan hasi naiz udalerri mailako mapak egiteko. Egin ditut batzuk, begiratu adibidez Abadiñokoa edo Gasteizkoa.

Zoritxarrez, OSMn hizkuntzen banaketa ez da wikipedian bezain argia, eta hizkuntzak nahastuta datoz. Elementu berri bat sortzen denean, adibidez kale bat, "name" etiketan kalearen izena idazten da, baina kalea sortzen duen erabiltzaileak erabakitzen du zein hizkuntza darabilen etiketa nagusi horretan. Nik sortu ditudanean euskara sartu izan dut "name" etiketan, Gasteizko mapan ikus dezakezuen bezala. Hala ere, beste batzuk gaztelaniaz edo frantsesez sartu izan dute izena. Baita bi hizkuntza aldi berean ere, adibidez herri izen honetan. Badaude beste hizkuntza batzuk sartzeko bigarren mailako etiketak, adibidez "name:eu" euskara sartzeko, eta hori ere erabili da elementu askotan. Kontua da, horren ondorioz OSMren mapa nagusian hizkuntzen nahastea dagoela, eta ez dela erraza hizkuntza bakarra erakutsiko duen mapa bat sortzea. Egon izan dira horrelakoak egiteko saialdiak, esaterako hau, baina nik esango nuke teknikoki momentu honetan ezinezkoa dela, ez bada jatorrizko arazoa konpontzen: nola erabaki "name" etiketan dagoen izena zein hizkuntzatan dagoen? Eta hala ere, euskararen kasurako, "name" etiketa besterik ez bada existitzen ("name:eu" ez badago) eta hori gaztelaniaz badago, mapan gaztelaniaz agertuko da.

Euskarazko izenei dagokienez, EAEn izenetako gehienak euskaraz agertzen dira OSMren mapan (edo euskaraz/gaztelaniaz), baina Nafarroako kasuan gehienak gaztelaniaz daude, eta Iparraldeko ia denak frantsesez.

OSMko mapak erabiltzeko beste aukera bat izan daiteke izenik gabeko mapak sortzea, baina aukera hori ez du zuzenean OSMk ematen; horretarako, Maperitive bezalako aplikazio bat edo besteren bat instalatu beharko nuke ordenagailuan eta begiratu ea nola funtzionatzen duen. Teknikoki ez da hain erraza.

Bilboko mapa sortu nuenean, Euskaldunaak arazo horren berri eman zidan, eta bozketa bat ireki du horren inguruan. Jakin nahi nuke zein den horren inguruko iritzi nagusia, mapak egiten jarraitu baino lehen.--Assar; (erantzun hemen) 10:17, 6 urtarrila 2016 (UTC)

Berez badago mapak txertatzeko modu bat. Begira frantsesezko Wikipediako mapak, goian "Carte" emanda (adb: fr:Hendaye). Klik egin eta popup batean ageratzen da herria. Hizkuntzaren arazoa gero berdina da, noski, baina hizkuntza bakoitzean dauden artikuluak ere agertarazten ditu. -Theklan · · 20:41, 6 urtarrila 2016 (UTC)

Ez nuen ezagutzen aukera hori, ondo dago. Nik gustukoago ditut zuzenean orrian ikusten diren mapak, ez beste botoi bati sakatu behar eta beste leiho batean irekitzen direnak, baina frantseseko wikipediako aukera ere ez da txarra.

Maperitive aplikazioarekin probetan ari naiz, ea zer lortzen dudan.--Assar; (erantzun hemen) 10:21, 7 urtarrila 2016 (UTC)

Aupa Assar, galdera semi-erlazionatu bat. Nola lortzen duzu udalerriko mugak irudikatuta jaistea mapa OSMtik? Nik esportatzeko esaten diodan bakoitzean aukeratutako guztia desagertu egiten da... --Janfri; _{bai esan?} 14:23, 11 urtarrila 2016 (UTC)

Kaixo Janfri, pantaila kapturak besterik ez dira, ImpPt bidez egindakoak. Udalerria apur bat handiagoa izan dadin nahi dudanean, bi kaptura egiten ditut eta gero GIMP erabiliz itsasten ditut. Horregatik esan dut "modurik errazena" XD --Assar; (erantzun hemen) 16:19, 11 urtarrila 2016 (UTC)

Ados! Pentsatzen nuen zerbait sofistikatuagoa izango zela. XD --Janfri; _{bai esan?} 07:23, 12 urtarrila 2016 (UTC)

Aupa, Maperitive erabilita eta OSMko datuekin Baztango mapa mutu bat egin dut, Baztango herrien txantiloian erabili dudana. Horrelako mapak onargarriak al lirateke denontzat?--Assar; (erantzun hemen) 21:20, 17 urtarrila 2016 (UTC)

Niretzat bai behinik-behin, ederra gelditu zaizu. Asko eskatzea ez bada, sor al zenezazke Goierri eta Malerreka eskualdeen horrelako mapa muturik? Horiekin Baztango txantiloiaren antzeko beste ni sortu nahiko bainituzke. -Euskaldunaa (eztabaida) 22:51, 17 urtarrila 2016 (UTC)

Kontua da OpenStreetMapen ez daudela bi eskualde horiek marraztuta (ezta maila horretako beste edozein eskualde ere), beraz zaila da haien mapa bat egitea modu honetan. Udalerri mailakoak edo probintzia mailakoak egin beharko nituzke.--Assar; (erantzun hemen) 11:21, 21 urtarrila 2016 (UTC)

Arrazoi duzu, Assar. Baztan ikusi eta ilusionatu egin naiz, zuk orain esan duzunarekin oroitu naiz Baztan ez dela eskualdea, udalerria baizik (Baztanalde eskualdekoa), pena, Baztango mapa bikain gelditu baizaizu (baita egin dituzun gainontzekoak ere). Zorionak. -Euskaldunaa (eztabaida) 00:05, 23 urtarrila 2016 (UTC)

Vikipedia sortu da eta

Ohartuko zineten beharbada, eta orain Itzul foroan zabaldu dute. 8-13 urteko umeentzako Vikipedia sortu dute, proiektu senide interesgarri eta anbiziotsua. Bete-betean eskolan erabiltzeko da. Lankidetza berrietarako aukerak zabaltzen dira, bileretan aipatutakoaren ildotik. -Iñaki LL (eztabaida) 23:43, 8 urtarrila 2016 (UTC)

Asteko nabarmendutako artikulua eta irudia

Kaixo. Azkenaldian Asteko artikulua eta irudien atalekin maizegi gertatzen ari den gauza bat aipatu nahiko nuke:

Artikulu eta irudien aukeratzearen berandutzea, horrek euskarazko Wikipediari ematen dion utzikeria edo itxura txarraren irudiaz.

Batzuentzat hau esatea gehiegikeria dela edota garrantzirik ez duela eta horrek geure Wikipediaren funtzionamendu orokorrari kalterik ez diola egiten iritzi izango dute eta iritzi hori ulertzen dut, baina ez da nirea.

Niretzat Wikipediaren Azal Nagusiak edozein hizkuntzetako Wikipedia batean berebiziko garrantzia du: Wikipedia entziklopedia bat den einean produktu bat da, entziklopedia askea, denon onurarako, irabazi ekonomikorik gabea, etab, etab... bai, baina produktua, diruaren truk ez noski, baina ertokizunean lankide gehiago erakarri nahi baditugu, dohako jakintza produktu euskaltzale eta batez ere erakargarri gisa saldu behar dugun produktua. Azal Nagusia norbait bertara iristean begietatik sartzen zaion lehenbiziko gauza eta batez ere sentsazioa dela uste dut. Nor ez da sartu halako edo holako Wikipedietan eta Azal Nagusia ikustearekin pentsatu, Wikipedia honek itxura ona, serioa eta landuarena dik, kalitatezkoa zirudik, edota Wikipedia honek Azal Nagusia kriston itxura kutrea zaukak, hemen azkeneko denboraldi luzean ez duk inor ibili.

Adibidez, beste Wikipedia bateko erdal lankidea banintz euskarazko Wikipedian sartu eta lastero astea hasi eta atal horiek oraindik hutsak daudela ikusita izango nukeen lehenbiziko irudipena erakargarritasun gabezia, utzikeria, fundamentu eskasa edota atalak egoki eta eraginkortasunez kudeatzeko plangintza kaskarrar genukeela litzateke. Kontuz, ez dut inork gaizki hartzerik nahi, euskaraz tutik jakin ez eta geure Wikipedian sartzen den norbaitek izan dezakeen sentsazioa neutraltasunez deskribatu nahian nabil baizik.

Nire iritziz arazo honi zirt-zart konponbide azkar bat eman behar zaio: gauzak ongi egin behar badira, ongi egin, bozketa eta artikulua eta irudia aukeratzeko eta kalitate prozedura eta urratsak zorrotz jarraitu eta guzti hori bai, baina horri bezainbesteko garrantzia ere artikulua eta irudia jada gutxienez aste bat lehenagotik aukeratuak egoteari emango nioke, epe edo neurri horrekin ia astero dugun hutsune edo arazoa ekidinez. Gaia edo arazoa hortxe planteatuta uzten dut, nahi duen orok eztabaidatu edota konponbideak proposatu ditzan. -Euskaldunaa (eztabaida) 00:49, 11 urtarrila 2016 (UTC)

Ados nago komentatzen duzun arazoarekin. Dena den, ni naiz lehena ez diodana gai honi behar besteko garrantziarik ematen... --Janfri; _{bai esan?} 14:25, 11 urtarrila 2016 (UTC)

Ni ere ados nago. Asteko argazkiari dagokionez, ez dut askorik lagundu ahal izango (argazkien kalitatea epaitzen ez baitakit), saiatuko naiz asteko artikuluarekin laguntzen (lehen ere aritu nintzen, baina nekagarri egiten zait, dagoeneko aski lan izaten baitut asteko herriarekin). --Xabier Armendaritz 2016-01-12, 18:23 (UTC)

Bai, beno, norbaiti atal horien ardura ematea baino nire proposamen zehatza irudi aukeratua aste bateko epeaz jada aukeratua egotea da, eta ez orain bezala igandean bertan, bestela askotan, eta normala denez, igande-astelehen gauerdian, asteburu amaieran eta lan aste hasieran, aldaketa hori egiteko ez da inor egoten, eta maiz aztelehen osoa atal horiek ezer gabe egoten dira, abuztua ez aipatze arren, aste osoz hutsak egon ziren, ikus 2015eko irudi nabarmenduen artxiboko abuztuko lehenbiziko bi asteak, 31-21. asteak: HUTSAK.

-Euskaldunaa (eztabaida) 15:37, 13 urtarrila 2016 (UTC)

Kaixo! Barkatu lehenago eman ez badut niri iritzia gaia honen inguruan. Denboraz larri ibili naiz eta horrez gain, gaia niretzat interes handikoa izanagatik, ez nuen iritzi edo konponbiderik eskaintzeko. Euskaldunaa eta Joxemairen arteko eztabaidek ordea, zenbati gogoeta finkatzeko balio izan zaizkit. Nik zera egitea proposatuko nuke:

Berezitu ondo zer diren, batetik, nabarmendutako artikuluak, hau da, prozedura baten bitartez, kalitatezkotzat hartzen diren artikuluak. Horiek dira, nolabait esateko, geure altxorrak eta erakusgarri izango denaren harrobia.

Eta bestetik, badira azalean, astero-astero, nabarmendu bezala erakusgai jartzen ditugun azaleko artikuluak . Nere iritziz, artikulu hauek nabarmenduen artean aukeratu behar dira, nahiz eta errepikatu. Honekin bat nator Joxemairekin.

Orain dugun bozketa sistema oso nahasgarria iruditzen zait. Berez, ez da sekula bozketarik gertatzen. Bereiziko nuke, beraz, alde batetik artikulu nabarmenduen errepertorio hori, eta asteko argazkiekin egiten dugun bezala, bozketa bat irekiko nuke non artikulu batzuk hautagai gisa jarriko genituzkeen, eta bozketen bidez, agerpen hurrenkera aukeratuko genukeen. Horrela, argazkiekin bezala, nahiko aurrerapenaz jakingo genuke zein nabarmendutako artikulu (kalitatezkoa) jarriko genuke azalean hurrengo astero. Euskaldunaa, Galiziako eredua aipatzen duzu nonbait, baina lotura ez dabil. Edonola ere, horrelako sistema batek bermatuko luke astelehenetan (abuztuan emandako irudia lotsagarri xamarra izan zen) azaleko artikulurik gabe ez agertzea.-Xabier Cañas (eztabaida) 17:29, 1 otsaila 2016 (UTC)

Hori da ideia, Xabier: Igandeko gaueko 23:59etan asteko artikulua eta irudiaren atalak hutsak edota iraganeko artikulu eta irudia nabarmenduak berriz ere errepikatzea saiestu beharko litzatekela iritzi dut, hori bermatzen duen edozein prozedura, bozketa, sistema, aldaketa edo dena delakoaren alde nago. Azal Nagusia lantegi bateko produkzio lineatzat jotzen dut, ez du hutsune eta etenik izan behar, euskarazko Wikipedia Azal Nagusiak dinamikoa izan beharra du (bada berez gainontzeko ataletan), muntaia-kate batek bezala: astea amaitzear dela, dena prest, jada aurrez asteko nabarmendutako artikulu eta irudiak prest eta txantiloiak gauzatuak egon beharko lukete. Ez igande-asteleheneko ordu txikitan oraindik artikulu edo irudi aukeraturik gabe gaudelako, gauzak erdipurdika, presaka edota prozedurarik jarraitu gabe (horretan Joxemairekin bat nator) eginez, horrek berehala hutsunea bete eta etenik egon ez dadin artikulu nabarmenduak inongo bozketarik gabe jartzera derrigortzen baigaitu. -Euskaldunaa (eztabaida) 18:05, 1 otsaila 2016 (UTC)

Kontua da muntai-kateak ezin duela bermatu astero kalitatezko artikulu berri bat izatea, eta are gutxiago, urtean 52 berri ekoiztea. Bi aukera ditugu: errepikatzea ala kalitate maila jaiste bestela onargarriak ez liratekeen artikulu batzuei tokia egiteko. Nere iritziz, kalte gutxiago egiten digu errepikapenak nabarmendutako artikuluen maila jaisteak baino. Nahi baino gutxiago izanagatik, nabarmendutako artikuluak badira nahikoak erabiltzaileak (ez agian lankideak) errepikapenekin ez nekatzeko. Hau nire iritzia da.

Bestelako kontua da errepikapen hori antolatzea, denboraz aukeratzea, eta azaleko erakusleiho hori txukun edukitzea. Artikulu nabarmenduen zerrenda ireki bat egingo nuke bozkatzeko, argazkiekin egiten dugun bezala. Bozkatuenaren hurrenkeraren arabera sartuko nituzke dagokion astean, agian asteko itzulpenean egiten den bezala. Azalean agertutako artikulua ezingo litzateke berriro bozketan sartu, gutxienez, datorren urtera arte. Zer iruditzen? -Xabier Cañas (eztabaida) 18:47, 1 otsaila 2016 (UTC)

Beno, urte osoko 52 arteetako artikulu eta irudi nabarmenduak takada batean aukeratua beharrean, edota orain arte bozketan aste bereko artikulu edo irudi nabarmenduak aukeratua beharrean, hemendik 2 astera (epe aske baten adibidea jartzearren) asteko artikulu eta irudi nabarmenduak zein diren aukeratu daitezke, horrela 2 asteko epearen koltxoiaz orain ditugun hutsune edo etenak saiestea ahalbideratzen duen beste aukera bat dela ere uste dut. Ez dakit ongi azaldu naizen: Alegia, astero bozketan aukeratuak diren asteko artikulu eta irudi nabarmenduak aste horretan bertan Azal Nagusian argitaratu beharrean, argitarapena aste betez atzertau, eta bi asteetara argitaratzea.

-Euskaldunaa (eztabaida) 21:35, 1 otsaila 2016 (UTC)

Vikidiaren izenean

Kaixo, lagunok. Pena dut datorren ostiral honetan izango den ospakizunera joaterik ez dudala izango Vikidiaren berri zuzenean eman ahal izateko. Espero dut noizbait aukera izatea Wikipediaren euskal komunitatea osatzen dutenekin egoteko. Nolanahi, oraingoz esan beharra dago Vikidia proiektua oso txikia dela, ekimen guztiz pertsonala izan dela eta oraingoz bi pertsona baino ez gabiltzala ahal dugunean ekarpenak egiten; zorionez, Vikidia frantseseko jende zoragarri baten laguntza izan dugu interfazea eta azala garatzeko, zeren nik neuk ideiarik ez baitaukat horretaz; arazo handiak ditugu oraindik sarreren diseinu erakargarria lortzeko (txantiloiak egiten eta abar, oraindik ez dut ikasi, edo oso gutxi ikasi dut). Proiektuan sinesten dut eta lanean jarraitzeko prest nago, nahiz eta profesionalki ez nagoen egoera onean horretarako; baina, noizbait Vikidia indartuko bada, jende gehiagoren partaidetza eta lankidetza beharko dugu, bereziki Wikipedien funtzionamenduan trebezia maila ona duen jendearena. Biziki eskertuko nizueke esku bat botatzen badiguzue, tarteka edo nahi duzuen bezala. Norbaitek interesa badu, jar dadila harremanetan nirekin. Eskerrik asko. --Koldo Biguri (eztabaida) 09:45, 12 urtarrila 2016 (UTC)

Espainia eta Frantziako udalerriak

Kaixo! Beno, egun batzuk lanean egon ostean "bukatu dut" (ze hau ez da inoiz bukatzen eta bota oraindik gauzak aldatzen ari da) Frantzia eta Espainiako udalerrien infotaula berritua. Hainbat gauza automatizatu ditut, adibidez biztanleria, biztanleria piramidea (Frantzian) eta sexu banaketa. Alkateak ere orain automatikoki jartzen ditu eta Espainiaren kasuan alderdi nagusiekin ere kategoriak sortzen ditu, mapak eta halakoak automatikoki jaitsiz kategoria horietan. Ez dakit infotaula mota honetara (politagoa, nire ustetan) joan beharko ginatekeen Euskal Herriko udalerrietan ere. Ni hasiko naiz mendietako infotaulak gaurkotzen, adibidez. Gauza asko automatizatzeko aukera dago eta horrek erraztasunak ematen dizkigu mantenuan. -Theklan · · 15:43, 12 urtarrila 2016 (UTC)

Kaixo. Gustatzen zait, baina jasan ezin dudana da taularen izenburua gainean agertzea, taulatik kanpo. XD Ezin al zaio kutxatxo bat egin inguruan?

Bestalde, ni ere egon izan naiz begiratzen ea nola aldatu Euskal Herriko udalerrien infotaulak, baina batez ere kokapen mapa automatikoak sartu ahal izateko, espainierako wikipedian daudenak bezalakoak. Aurkitu dudan arazoa da Euskal Herriko udalerrietako artikuluetan koordenatuak {{koord}} txantiloiaren bidez sartuta daudela, ez koordenatuen zenbaki bakoitza banaka. Egongo al da aukera kokapen mapa automatikoak sartzeko, artikulu bakoitza ukitu behar izan gabe? Ikusi dut norbaitek Bilbo artikuluan {{Eraikin kokapen}} txantiloia erabili duela, baina ez nau konbentzitzen eta gainera galdu egiten dira jatorrizko koordenatuak.--Assar; (erantzun hemen) 17:44, 12 urtarrila 2016 (UTC)

Iepa! Bai, sar daiteke barruan... ez dakit, horrela gehiago gustatzen zitaidan. Nahi baduzu bozketa egiten dugu ;)!. Bestetik bai, posible da automatikoki agertzea infotaula, Wikidatan baldin badago, adibidez. Berez nahiko erraza da atal hori inplementatzea. Nahi baduzu ni joango naiz EHko infotaula berria egiten, eta sartzen ditugu elementu gehiago. Eta sartuko dut EHren kasuan izenburua kutxa barruan! -Theklan · · 19:08, 12 urtarrila 2016 (UTC)

Zuk hasitako lanarekin jarraitu dut Arabako udalerrien infotaulan, oraindik amaitu gabe dago.--Assar; (erantzun hemen) 09:12, 14 urtarrila 2016 (UTC)

Ondo, edozein duda, esan lasai. Ez dakit, egia esan, EHko infotaula bakarra sortzea ez ote den errazagoa, eta bakoitzan probintzia sartzea. Baina beno, behin lana egiten hasita... -Theklan · · 09:32, 14 urtarrila 2016 (UTC)

Basque Country report - Iurretapedia

Kaixo! Besterik gabe aipatzeko GLAM buletinean iruzkin txiki bat, ingeles "alternatiboan", egin dudala Iurretapediako esperientziaren inguruan, eta argitaratu dutela! Hor gaude, Basque Country report! Iurretapediari buruzko emaitzak kontsultatzeko, ikusi hemen. Animo txantiloietan eta kortxeetan artean borrokan dabiltzan goiko bizilagunentzat! --Xabier Cañas (eztabaida) 17:56, 12 urtarrila 2016 (UTC)

Wikidatarekin lotu beharreko Txantiloi eta Moduluak

Iepa! Edgars2007 lankideak honako zerrenda hau egin du Wikidatarekin konexiorik ez duten txantiloi eta moduluekin. Eskuz egin beharreko lan luzea da, baina merezi duelakoan. -Theklan · · 11:32, 14 urtarrila 2016 (UTC)

Txantiloien automatizazioarekin laguntza

Kaixo! Atzo arratsaldeko poteoan baten batek galdetu zidan nola lortu txantiloietan informazio automatizatua agertzea eta nola lotu Wikidatarekin. Manual txiki bat idatzi dut hemen: Laguntza:Txantiloien automatizazioa. Momentuz zerbait sinplea jarri dut, baina gustatuko litzaidake zuek galderak egitea bertan, eta nik erantzuten saiatuko naiz. -Theklan · · 11:12, 16 urtarrila 2016 (UTC)

Lan ona!! Herrialdeekin ere gauza bera egin daiteke? Estatuburu eta lehen ministroen izenak, biztanleria, eremua...--An13sa ✎ 13:17, 16 urtarrila 2016 (UTC)

Bai noski! Baina estatuen kasuan errazagoa da zuzenean datu hori wikidatatik hartzea, nik uste. -Theklan · · 17:09, 16 urtarrila 2016 (UTC)

:-* --Janfri; _{bai esan?} 00:03, 17 urtarrila 2016 (UTC)

Eskerrik asko, Theklan! Asteburu honetan liatu xamar nabil baina astean zehar saltsatuko dut.-Xabier Cañas (eztabaida) 08:05, 17 urtarrila 2016 (UTC)

Automatizazio ia osoa duen txantiloi bat ikusi nahi baduzue, {{Italiako_udalerri_infotaula_automatikoa}} egin berri dut. -Theklan · · 08:58, 17 urtarrila 2016 (UTC)

Looks good, Theklan, eskerrik asko, ea probetxua atatzen diogun! -Iñaki LL (eztabaida) 21:16, 18 urtarrila 2016 (UTC)

Gaur arte ezin izan diot kasu gehiegirik egin honi. Saiatuko naiz Valoniako eskualdeko udalerrietarako bat egiten. Taula prestatua izatean, abisatuko Theklan. Lan ederra! -Xabier Cañas (eztabaida) 15:55, 24 otsaila 2016 (UTC)

Italiako udalerriak (eta Alemaniakoak)

Iepa! Beno, egia esan hemen kontsultatu behar nuen egin aurretik, baina nahiko emozionatu nintzen atzo eta ti-ta jarri nuen bota egiten. Italiako udalerri guztietako artikuluak ari naiz sortzen, txantiloi automatiko batekin. Wikidatatik hartzen ditu datu asko, beste batzuk txantiloi sistema konplexu xamar baten bidez. Egun batzuetan artikuluak osatu gabe bezala egongo dira, Wikidatarekin lotzen diren artean. Hemen daude oraindik Wikidatarekin lotu ez diren artikulu berriak. Gazteleraz eta ingeleraz ez da informazio askoz gehiago ematen udalerri bakoitzean, beraz hasiera gisa nahiko artikulu txukuna delakoan nago.

Pentsatzen ari naiz sistema bera erabiltzea Alemaniako udalerrietarako, baina ziurenik aste batzuk beharko ditut datubaseak lortu eta zerbait txukuna egiteko. Gaizki baderitzozue, esan lasai. Eta norbaitek Alemaniako udalerriekin hasiko nahiko balu botekin eta txantiloi automatikoekin esperimentatzen, esan dezala eta saiatuko naiz laguntzen. -Theklan · · 10:53, 17 urtarrila 2016 (UTC)

Italiakoak sortzen bukatu dut. Oraindik 1.634 geratzen dira Wikidatarekin lotzeko, baina gaur egunean zehar gertatuko dela espero dut. Alemaniakoa ikertzen egon naiz eta nahiko erraza litzateke artikuluak sortzea. Hori bai, 11.200 bat artikulu lirateke. Horrek 240.000 artikulurekin jarriko gintuzke, eta ez dut uste sakonera 23tik jaitsiko denik. Averlak artikuluan egin dut froga bat txantiloiarekin, eta informazio antzekoa jar daiteke artikuluan erraz. Ingelerazkoan (en:Averlak) ez dago askoz informazio gehiago, egia esan. Bozketa bat egingo dugu? -Theklan · · 08:26, 18 urtarrila 2016 (UTC)

Ez nuke Olentzerori opariak eskatzen dizkion mukizu mainontzi baten itxurarik eman nahi...

Baina galdetzea librea denez: Irlandako udalerri guztien artikuluak bot bidez sortzeko aukerarik ba ote dago? Ez da oso herrialde handia eta jada neuk Munster probintzia osoko eta Galway konderria eta Donegal konderriko udalerri guztien artikuluak eskuz eginak dauzkat.

Bestalde, edozein gaiei buruzko artikuluak bot batekin sortzeari buruzko edozein bozketetan nire erantzuna baiezkoa da, betiere gutxiengo sakontasun duin bat mantentze aldera: Jo dezagun 15. Ondoren, guztiok artikuluak eskuz sortuz, txerritxoari, euskarazko Wikipediari alegia, bazka eman eta berriz ere sakontasun maila areagotu dezan.

-Euskaldunaa (eztabaida) 08:40, 18 urtarrila 2016 (UTC)

Posible da udalerri guztien datu minimoak (azalera edo/eta biztanleria akaso) dituen Excel fitxategi bat eskuratzerik balego. Ikertuko dut, ze ziurenik Ipar Irlanda aparte bilatu beharko litzateke. -Theklan · · 08:42, 18 urtarrila 2016 (UTC)

Milesker, Theklan. Barkatu lana emateagatik, bere garaian botaren gaia ikasten saiatu nintzen, baina informatikako oinarrizko ezagutzak bakarrik dauzkat eta sekulako nahas-mahasa egin zitzaidan. -Euskaldunaa (eztabaida) 08:50, 18 urtarrila 2016 (UTC)

Aupa! Aupa Theklan, ni Euskaldunaa dioen moduan, beti nago boten alde baldin eta gutxiengo bat baldin badute. Eta zoritxarrez niretzat, informatikari buruz oinarrizko kontzeptuak besterik ez ditut menperatzen. Beraz, aurrera botarekin eta eskerrik asko! Ondo segi. —Aurreko iruzkin sinatugabea Oraina (eztabaida • ekarp.) lankideak idatzi du (data: 2016-01-18, 10:34).

Ni ere, gutxieneko informazio multzo bat ematen bada, lan errepikakor eta aspergarri horiek botarekin egitearen alde (eskerrik asko, Theklanǃ). Hori bai, zatika egin behar delakoan nago. Ulertzen dut Theklanen emozioa, hainbesteko ahaleginarekin sortutako kodea ondo dabilela ikusita, baina gauzak txukun samar egin behar dira: lehenik herrialde bateko udalerriak osatu, bigarrenik udalerri horiei dagozkion txantiloi eta kategoria guztiak sortu, eta gero jarraitu beste herrialde batekin. Herrialde bat baino gehiago batera egiten baditugu, artikulu mordoa izango dugu itxura kaskarrarekin. --Xabier Armendaritz 2016-01-18, 13:28 (UTC)

Ni ere Xabier Armendaritzek esandakoarekin erabat ados. Gartxoak (eztabaida) 2016-01-18, 12:31 (UTC)

Iepa! Guztia dut plan baten barruan, bai. Orain kategoriak ordenatzen joan behar naiz, eta botarekin ere aldaketa batzuk sistematizatzen, artikuluak hobe gera daitezen. -Theklan · · 14:48, 18 urtarrila 2016 (UTC)

Italiakoekin egin beharrekoaren zerrenda bat jarriko dut hemen. Norbaitek laguntzerik badu, primeran!

1. Kategoria:Ko_udalerriak orrialdean dauden artikulu guztiak (1.659 oraintxe) Wikidatarekin lotu gabe daude. Batzuk ez direlako lotu (batek daki zergatik) beste batzuk argipen orriekin edo lotu direlako. Guztiak eskuz lotu behar dira dagokion artikuluarekin.
2. Probintzia bakoitzeko kategoria sortu eta errebisatu behar da, ingelerazkoan dauden artikulu kopuru bera dagoela ikusiz.
3. Dagoeneko zeuden herri eta hirien artikuluak moldatu beharko lirateke, txantiloi berria jarrita. Gainera berkategorizatu behar dira, lehenago eskualdeka zeudelako eta orain probintziaka egin beharko genituzkelako.

Beraz norbait animatzen bada, primeran! -Theklan · · 09:29, 19 urtarrila 2016 (UTC)

1.190 geratzen dira! Kategoria:Ko_udalerriak -Theklan · · 19:08, 19 urtarrila 2016 (UTC)

Saiatuko naiz laguntzen, baina 2016rako asmo on moduan (pila bat dira eskuz egiteko).--Marklar (eztabaida) 19:29, 19 urtarrila 2016 (UTC)

Gaur ia 500 lotzea lortu dut. Eskatu dut bot batek egitea, Wikidatan. -Theklan · · 19:37, 19 urtarrila 2016 (UTC)

Beno! Sardiniako udalerrietan aldaketak egitea falta da, baina jada Italiako udalerri guztiak eginak daude, eta probintziak antolatuta: Kategoria:Italiako_udalerriak_probintziaren_arabera. Lana izan da, baina pena merezi duelakoan nago. -Theklan · · 16:11, 30 urtarrila 2016 (UTC)

Zorionak, Theklan!! Euskarazko Wikipediaren bultzatzaile edo lemazain nagusiaren urrezko domina balego zuri emango nizuke, eta zilarrezkoa An13sari... dudik ez in.

-Euskaldunaa (eztabaida) 19:25, 31 urtarrila 2016 (UTC)

Bai horixe!! -Xabier Cañas (eztabaida) 21:48, 31 urtarrila 2016 (UTC)

Izarra

Euskarazko Wikipediaren lemazain nagusiaren urrezko domina, zuentzat, Theklan & An13sa.

Hamaika telebistan elkarrizketa

Kaixo! Hamaika telebistatik idatzi didate, elkarrizketa bat egin nahi dutela. Bilbon litzateke, fisikoki, Hamaika Telebistaren estudioan. Ostirala 22 arratsaldez, astelehena 25 goizez, asteartea 26 egun osoan zehar, 27an posible da... norbait animatzen al da? -Theklan · · 09:58, 18 urtarrila 2016 (UTC)

Aupa, Ni ez bada inor animatzen, (telebistan agertzeko hainbeste gogorik ez ditut egia esan) ni neu joango naiz. -Oraina (eztabaida) 11:48, 18 urtarrila 2016 (UTC)

Oraingoz ez dugu gure artean wikilari telegeniko arrakastatsurik, wikilari berriak dozenaka erakarriko dituenik...

;-).

Beraz, elkarrizketa egiteko moduan baldin bazaude, primeranǃ Eskerrik askoǃ --Xabier Armendaritz 2016-01-18, 14:36 (UTC)

Bidalidazu korreoz (nire izenaren bukaeran dagoen sobreari emanez) zure kontaktua (telefonoa edo) eta pasako diet. -Theklan · · 14:47, 18 urtarrila 2016 (UTC)

Egina. Aupa Theklan. Euskal Wikilari Elkarteko e-postan erantzun dut. Bertan dago nire telefono zenbakia. Arazoren bat izanez gero, idatzi txokora berriro. -Oraina (eztabaida) 11:38, 19 urtarrila 2016 (UTC)

Ez dut horrelako korreorik jaso, beraz zure posta elektronikoa eman diot. -Theklan · · 19:12, 19 urtarrila 2016 (UTC)

Egina. Aupa wikilariok. Elkarrizketa egin dut eta badirudi ostegunean 22:00tan emitituko dutela. Ez dut uste telegenikoa naizenik baina beno, ea wikilari berriak animatzen badiren. Hori bai, Aneri esan diodan moduan eta berak aitortu duen moduan Bizkaian eta Araban telebista hau ez da oso ondo ikusten. Arazo teknikoak (gehienbat arazo ekonomikoak omen dira) tarteko, ganoraz ikusten den lurralde bakarra (hau da, moztu gabe, pantaila beltz jarri gabe...) Gipuzkoa omen da. Beraz, agian giputz pilo bat animatzen da wikilari izatera, nork daki! ;)

Osasuna. -Oraina (eztabaida) 16:32, 25 urtarrila 2016 (UTC)

Faltza zitzaigua, gipuzkoar gehiago! -Theklan · · 16:46, 25 urtarrila 2016 (UTC)

Ikusteko betarik izan ez genuenantzat, elkarrizketa berriz ere botako al dute? Bestelakoan, ikusteko modurik ba al da heuren wegunean edo?

-Euskaldunaa (eztabaida) 17:19, 25 urtarrila 2016 (UTC)

Aupa Euskaldunaa! Oraindik ez dute eman. Ostegun honetan, 28an da emanaldia. Ondo segi.

Ah, aurreko ostegunean ulertu baidut. Ea ikustea lortzen dudan. Ondo izan.

-Euskaldunaa (eztabaida) 18:47, 25 urtarrila 2016 (UTC)

Aupa. Telebistan nire burua ikusi eta nahiko txapa eta filosofoa iruditu zait esan dudana, baina zer egingo diogu, ni ez naiz horretara dedikatzen eta... Norbait animatuko al da txapa hori entzun eta gero? Batek daki.-Oraina (eztabaida) 14:49, 29 urtarrila 2016 (UTC)

Hey Oraina, atzo ikusi, dotore! Bakarrik emakumezko wikilariak ere baditugula falta zen biribiltzeko :) -Iñaki LL (eztabaida) 21:04, 4 otsaila 2016 (UTC)

Txantiloi:Alderdi politiko infotaula

Alderdi politikoen infotaulan logoa bi aldiz errepikatzen da, norbaitek badaki nola konpondu? --An13sa ✎ 18:54, 18 urtarrila 2016 (UTC)

Egina. --Xabier Armendaritz 2016-01-18, 19:44 (UTC)

Arazoa ez da hor bukatu eta ez dago alderdi politikoaren infotaulan bakarrik, hura eta infotaula mota asko egiteko oinarri den infotaula txantiloi orokorrean bi irudi agertarazten dituen aldaketaren bat egina da: Donostiako Zinemaldia, NBA, NHL, NFA, etabarretako infotauletan ere irudia birritan agertzen zen eta atzo konpontzen egon nintzen.

-Euskaldunaa (eztabaida) 20:08, 18 urtarrila 2016 (UTC)

Bai, akatsaren sorburua {{Infotaula}} txantiloian zegoen (beraz, infotaula askori eragiten zion), eta aldaketa hauek eginez konpondu nuen. --Xabier Armendaritz 2016-01-19, 09:44 (UTC)

Earki zeok, eskerrik asko. -Euskaldunaa (eztabaida) 09:50, 19 urtarrila 2016 (UTC)

2016 WMF Strategy consultation

Mesedez, lagun gaitzazu zure hizkuntzara itzultzen

Hello, all.

The Wikimedia Foundation (WMF) has launched a consultation to help create and prioritize WMF strategy beginning July 2016 and for the 12 to 24 months thereafter. This consultation will be open, on Meta, from 18 January to 26 February, after which the Foundation will also use these ideas to help inform its Annual Plan. (More on our timeline can be found on that Meta page.)

Your input is welcome (and greatly desired) at the Meta discussion, 2016 Strategy/Community consultation.

Apologies for English, where this is posted on a non-English project. We thought it was more important to get the consultation translated as much as possible, and good headway has been made there in some languages. There is still much to do, however! We created m:2016 Strategy/Translations to try to help coordinate what needs translation and what progress is being made. :)

If you have questions, please reach out to me on my talk page or on the strategy consultation's talk page or by email to mdennis@wikimedia.org.

I hope you'll join us! Maggie Dennis via MediaWiki message delivery (eztabaida) 19:07, 18 urtarrila 2016 (UTC)

Txantiloien koloreak

Kaixo! Ditugun txantiloi zahartuak {{Infobox}} txantiloira pasatzen ari naiz, dena txukunago geratzen delakoan eta artikulu geografikoetarako kolore kode bat behar dugula bururatu zait, taxotaulekin dagoen bezala. Nire ustez honakoak izango lirateke atalak:

• Kontinentea
• Estatua
• Lehen mailako administrazioak (erkidegoak, eskualdeak...)
• Bigarren mailako administrazioak (probintziak, departamenduak, konderriak...)
• Udalerriak
• Auzoak

Zer deritzozue? -Theklan · · 16:24, 20 urtarrila 2016 (UTC)

Ez dut iritzirik gai horretaz, baina bai galdera batzuk:

1. Ingeles eta frantses wikipedietan nola diseinatuta daukate gai hori? Alderdi askotan eredugarriak direnez...
2. Estaturik gabeko nazioak non sartzen dira sailkapen horretan?
3. Ausaz begiratuta, ikusi dut «Beasain» (Euskal Herriko udalerri bat) eta «Alcobendas» (Espainiakoa) artikuluetan infotaulak kolorez berdinak direla, baina ez, ordea, diseinuz. Berdindu egingo dira diseinuaren aldetik ere? (Orain, infotaularen gaineko izenburua ezberdina dute; azaleraren eta biztanleriaren datuak ez datoz ordena berean; eta abar).

Gainerakoan, artikulu horiei begiratuta, ederrak iruditzen zaizkit biak, eskerrik asko egindako lanarengatik. --Xabier Armendaritz 2016-01-20, 17:19 (UTC)

Nik, ordea, nahiago ditut kolorerik gabekoak, ingeles wikipedian bezala. Nire ustez itxura seriogoa ematen diote. Estatu burujabe eta nazio arteko ezberdintasun ikusteko, ikusi Frantzia eta Euskal Herria artikuluak. Ingelesezko wikipediatik ekarritako infotaula erabiltzen dute. Nik era horretako infotaula aplikatuko nuke administrazio maila guztientzat (estatu, lurralde, eskualde, udalerri...)--An13sa ✎ 17:56, 20 urtarrila 2016 (UTC)

Kolore kodea guk ere adostu ahal dugu, beste wikipedia batzuetan beste diseinu batzuk ere badituzte. Ez dakit, hemen egonkortu nahi nuen. Bestetik bai, Espainia eta Frantziako udalerrietakoa ez dago besteetan bezala. Oraintxe egingo dut aldaketa! -Theklan · · 18:11, 20 urtarrila 2016 (UTC)

Koloreez gain, nik Euskal Herriko txantiloei goiburuan edo izenburu azpian (orain probintzia jartzen duen lekuan), Euskal Herria ere ipintzea proposatzen dut, alegia, Bretainia, Katalan Herriak, Okzitania edota Korsikako udalerrien infotauletan jartzen duen bezala, baina Ikurrinarik gabe (bereziki Nafarroako "banderen gatazkaren" kasuarengatik). Ez da "patriotismo" lelo batean oinarritu nahia, praktikotasunean baizik, beste herrialdeei heuren herrialdetasun, nazionaltasuna edo dena delakoa ere aitortzen badiogu, zergatik ez gureari ere berdina opa? Gainera, Espainiako Erresuma eta Frantziako Errepublika estatuetan daudela ere argi eta garbi jartzen duenez, horrela ikuspegi edo sentsibilitate guztiak errespetatuko genituzke, Euskarazko Wikipedian behinik-behin Euskal Herria badela onartzen badugu, berdin zait norberak zein "entitate motatzat" duen, orduan guztiz normala litzateke hori ere Euskal Herriko udalerrietan infotauletan ere islatzea, orain nire ustez ez da agertzen. Beno, nik harria bota diat... orain eskua ezkutatzera noak... -Euskaldunaa (eztabaida) 19:21, 20 urtarrila 2016 (UTC)

Ni horren alde ere. Nahi baduzu hasi jartzen Araba, Bizkaia, Gipuzkoa eta Lapurdikoak daude jada gaurkotuak. -Theklan · · 19:27, 20 urtarrila 2016 (UTC)

Niregatik berehalakoan egingo nuke, baina aurretik gai honekiko edozein aldaketa egin aurretik epe bozketa edota ahal den lankide gehienen adostasuna lortu behar dela pentsatzen dut, sentipen eta pentsakeren araberakoa denez, beharbada denok berdin ez pentsatzea gerta litekelako. Oraingoz proposamena eztabaidatu edo bozkatzeko hortxe dago. Aurrera atera ezkero, ni lehenbizikoa aldaketak egiten eskua botatzeko.

-Euskaldunaa (eztabaida) 19:36, 20 urtarrila 2016 (UTC)

Infotauletako koloreei dagokienez, Ingeles Wikipedian begiratuta, ikusi dut:

1. Infotauletan ez dutela atalen izenbururik jartzen. Konpara ditzagun, adibidez, euskarazko «Gasteiz» eta ingelesezko «Vitoria-Gasteiz». Euskaraz hainbat atalen izenburuak ditugu («Administrazioa», «Kokapena»...) eta horrek alferrik luzatzen du infotaula. Zenbat eta laburrago, hobeto.
2. Euskal Herriko herrialdeetan, izenburu potoloa (nire ustez, potoloegia) dugu euskaraz (ikus «Araba»); aitzitik, izenburu xumea eta laburra dute ingelesez (ikus «Álava»). Hor ere, alferrik ari gara infotaula luzatzen, nik uste.
3. Estatu burujabeetan, berriz, Ingeles Wikipediarekin bateratsuago goaz. Ikus, adibidez, «Frantzia» eta «France». Eredu hori guztiz egokia iruditzen zait: edukiari ematen dio garrantzia, alferrikako apaingarrietan galdu gabe.

Beraz, azken eredu hori, orain estatu burujabeetarako dugun hori, geografiako gainerako infotauletara eramango nuke.

Euskal Herriaren aipamenari dagokionez... ez dut ulertzen zehazki non eta nola sartu nahi den. «Bartzelona» eta «Almussafes» artikuluetan begiratuta, ez dut Katalan Herrien aipamenik ikusten infotaulan. --Xabier Armendaritz 2016-01-20, 22:33 (UTC)

Iepa Xabier_Armendaritz.

1. Arabakoaren kasuan oraindik berritu gabe dago. Beste probintziatan jarraitutako eredua proposatzen dut nik, adibidez Novarako_probintzia. Baina oraindik txantiloi asko daude aldatzeke.
2. Infotauletan atalak agertzearen aldekoa naiz. Lasaiago aurkitzen da edukia. -Theklan · · 23:06, 20 urtarrila 2016 (UTC)

Nik ere hobeto ikusten dut infotaularen atal bakoitzeko goiburua mantentzea, horrela errazago identifikatzen baitira atalak, nahiz eta infotaula apur bat luzatu. Koloreen araberako sailkapena ere ez zait gaizki iruditzen, eta ez dut uste seriotasunik kentzen dionik artikuluari, koloreen hautaketa ona bada.--Assar; (erantzun hemen) 11:17, 21 urtarrila 2016 (UTC)

Nire arazoa gehiago litzateke kasu batzuetan ez dela ondo irakurtzen testua, adibidez udalerrietarako proposatu duzun testu beltza-atzeko plano bioleta.--Assar; (erantzun hemen) 11:19, 21 urtarrila 2016 (UTC)

Bartzelona eta Kataluniakoetan zehazki ez, bai ordea Ipar Kataluniakoetan: Toluges, Bretainiakoetan: Quimper, Okzitania: Angeville, Korsika: Ajaccio... infotaula horietan Katalan Herriak, Bretainia, Okzitania, Korsika... jartzen duen gisa, proposamena Euskal Herriko udalerri infotauletan "Araba, Euskal Herria" edota "Nafarroa, Euskal Herria" jartzea zen, baina lurralde edo probintziako banderarekin, Ikurrinarik gabe. Honelaxe: Txantiloi:Araba, Euskal Herria edo Nafarroa, Euskal Herria. -Euskaldunaa (eztabaida) 22:40, 20 urtarrila 2016 (UTC)

Horrela izanda, ez zait gaizki iruditzen: informazioa gehitzen du eta ez du infotaula luzatzen, ez baitu lerro bat gehiago jartzea eskatzen. --Xabier Armendaritz 2016-01-20, 23:01 (UTC)

Oraingoz aurkako iritzirik ez dagoenez eta inori gaizki iruditu zaionik ematen ez duenez, infotauletan Euskal Herriaren aipua jarriko dut. -Euskaldunaa (eztabaida) 09:14, 22 urtarrila 2016 (UTC)

Egina - -Euskaldunaa (eztabaida) 09:23, 22 urtarrila 2016 (UTC)

Infotaularen goiko aldean Euskal Herria gehitzearen alde, baina behean, egitura administratiboaren atalean, berriro Euskal Herria jartzen du herrialde bezala eta Espainia (estatua) eta Euskal Autonomia Erkidegoa (erkidegoa) jarri beharko luke, gaur egungo egitura hori delako eta udalerri/eskualde zein beste egituretako infotauletan horrela agertzen delako. --An13sa ✎ 14:54, 23 urtarrila 2016 (UTC)

Bai, noski: behean Estatua eta dagozkion azpiegitura administratuboak, baina jada horrela ez al dago ba ala? Nik ez dut ikusten behean herrialdea Euskal Herria jartzen duen atalik, bestela ez nintzateke proposamen hau egiten egongo, gauza bera birritan errepikatzeak ez lukeelako ez hanka eta ez bururuk. -Euskaldunaa (eztabaida) 17:31, 25 urtarrila 2016 (UTC)

Barkatu, uste dut txantiloiaz konfunditu naizela...

100 bat artikulu "galdu" ditugu

Iepa! Atzo gauean 230.150 artikulu genituen, eta hala jasotzen zen ere Wikipedia guztien datuak jasotzen dituen orrialdean. Gaur zerbitzaria erori da (minutu batzuk) eta bueltan 230.050 artikulu inguru genituen. Bitxia egin zait. -Theklan · · 15:49, 21 urtarrila 2016 (UTC)

Lehengo egunean konturatu nintzen ni ere nire artikuluen kontagailua gaizki zegoela: 616 artikulu sortuta nituen, eta 614 agertzen ziren kontagailuan. Kasualitatea? --Josu (eztabaida) 19:29, 24 urtarrila 2016 (UTC)

Wikipedia guztiei hori bera gertatu bazaie kasualitatea litzateke...

Euskarazko Wikipediari bakarrik gertatu bazaio kausalitatea litzateke.

-Euskaldunaa (eztabaida) 20:13, 24 urtarrila 2016 (UTC)

Eskubideak eskatzeko email ereduak

Kaixo! Haur eta Gazte Literatura proiektuko liburuzainak, Eoregik, proiektuko ilustratzaileekin jarri behar da harremanetan beren obren bat eskaneatzeko eta Commonsen argitaratzeko baimena eskatzeko. Erderazko eredu hauek aurkitu ditugu Commons-en (ingelesez eta gazteleraz), baina ba al dakizue euskarazko ereduren bat ba ote dugun? Mila esker! -Xabier Cañas (eztabaida) 13:00, 22 urtarrila 2016 (UTC)

Nik dakidala, ez. - --Joxemai; (erantzunak) 13:28, 22 urtarrila 2016 (UTC)

Saiatuko naiz itzultzen. Argitaletxeei baimena eskatu nahi diete zenbait libururen azalak Commons era igotzeko. Hor agian bide bat ireki daiteke eta euskal literaturako oinarrizko lanen azalak lortu daitezke -Xabier Cañas (eztabaida) 17:52, 22 urtarrila 2016 (UTC)

Itzulpena erdibitu dezakegu, eta azken bertsioa nik begiratu dezaket, ze iruitzen. Esango didazu. Bestalde, WP-k duela gutxi atera zuen itzultzeko formatua bermatu eta errazten zuen aplikazio bat. Saiatuko naiz hori begiratzen ere, etorkizunerako ere lagungarria izan daiteke. -Iñaki LL (eztabaida) 11:16, 24 urtarrila 2016 (UTC)

Testua itzulita dago c:Commons:Mezu-ereduak baina oharrak itzultzea falta da. Iñaki LL, nahi baduzu falta den zati hori itzuli dezakezu. Bide batez, nik egindakoari begiratu bat ematen badiozu, ba primeran. Mila esker! -Xabier Cañas (eztabaida) 22:18, 24 urtarrila 2016 (UTC)

Aupa Xabier Cañas, non itzuli duzu? Nola heldu txantiloi horretara? -Iñaki LLM (eztabaida) 23:13, 24 urtarrila 2016 (UTC)

Hau da:c:Template:Email templates/Consent/eu. Testuaren barruan dago.-Xabier Cañas (eztabaida) 07:06, 25 urtarrila 2016 (UTC)

Xabier Cañas, hitz bat aldatu dut, up and ready. -Iñaki LL (eztabaida) 23:30, 27 urtarrila 2016 (UTC)

Bi administratzaileren bot-ek ere administratzaile eskubideak izatea

Aurreko batean, dagoeneko erabiliko ez diren ehunka txantiloi ezabatu ahal izateko, administratzaile batek bere bot-a (Wikipedian edizioak egiten dituen programa automatizatua) erabili zuen administratzaile kontuaren bitartez. Bota horretarako erabiltzea egokia iruditzen zait, bestela ordu ugari eskatuko lukeen lana bizkortzeko. Wikipediarako probetxuzkoagoa da lan errepikakor horiek boten esku uztea.

Arazoa da, ordea, administratzaile kontutik edizioak egitean, aldaketa berrien zerrendan agertzen direla edizio horiek guztiak (edizioak bot kontu batetik eginez gero, berriz, ez dira azaltzen). Eta hain zuzen ere zerrenda horretan begiratuz antzematen diegu bandalismozko ekintzei, halakorik gerta ez dadin patruilatzen ibiltzen garenok. Hala, bada, boten edizio ugari horiek ezkutatu egiten dituzte bandalismozko edizioak, bereziki bandaloak edizio horiek egiteko wikilari kontu bat sortu badu.

Beraz, nire proposamena da bota gehien erabiltzen duten bi administratzaileen bot kontuei —An13saBot eta TheklanBot kontuei, alegia— ere administratzaile baimena ematea. Horrela, behar duten aldiro hortik egin ahalko dituzte ezabaketa masibo horiek, aldaketa berrien zerrenda ito gabe.

Kontu horien atzean dauden pertsonek dagoeneko administratzaile funtzioa dutenez (An13sa eta Theklan kontuen bidez administratzaileak baitira), hemen Txokoan gainerako wikilariok aldeko iritzia agertzen baduzue, ez dago bozketa egin beharrik, nik uste (baina inork bozketa eskatzen badu, egingo litzateke, hala ere). --Xabier Armendaritz 2016-01-24, 19:24 (UTC)

 Alde. Nik ezabaketa masiboa behin erabiltzeko asmoa dut aste honetan zehar (ziurrenik asteburuan). 1200 txantiloi zahar izango dira eta aldaketa berriak atala kolapsatuko du... —Aurreko iruzkin sinatugabea An13sa (eztabaida • ekarp.) lankideak idatzi du (data: 2016-01-25, 08:50).

 Alde. --Xabier Cañas (eztabaida) 08:08, 25 urtarrila 2016 (UTC)

 Alde - Onerako bada eta batez ere eskuz burutu beharreko lan astuna aurrezteko bada, zentzuzkoena alde egotea dela iritzi dut. Euskaldunaa (eztabaida) 09:22, 25 urtarrila 2016 (UTC)

 Alde. ---Oraina (eztabaida) 10:43, 25 urtarrila 2016 (UTC)

 Alde --- ez nekien teknikoki posible zenik ere! -Theklan · · 12:18, 25 urtarrila 2016 (UTC)

 Alde --Janfri; _{bai esan?} 12:42, 25 urtarrila 2016 (UTC)

 Alde --Lainobeltz (eztabaida) 12:49, 25 urtarrila 2016 (UTC)

 Alde --Gartxoak (eztabaida) 13:37, 28 urtarrila 2016 (UTC)

Adostasun zabala dugunez (hemen azaldutako iritziez gainera, Joxemairekin hitz eginda, hark ere ez du eragozpenik ikusi), oraintxe eman diet administratzaile baimena bi bot horiei (An13saBot eta TheklanBot). --Xabier Armendaritz 2016-01-26, 10:04 (UTC)

Aurrekoan saiatu nintzen delete.py erabiltzen eta ezin ezabatu... ez dakit arazoa nirea den edo nongoa. -Theklan · · 12:49, 27 urtarrila 2016 (UTC)

Programaren kodea aztertu beharko duzu... zeren eta, erabiltzaile baimenetan begiratuta, garbi ageri da botak eta administratzaileak direla bai TheklanBot (ikus hemen) eta bai An13saBot (ikus hemen). Erregistroetan begiratuta, atzoko 09:57etik (UTC ordua) dituzue bi bot kontu horiek administratzaile ahalmenekin. --Xabier Armendaritz 2016-01-27, 13:20 (UTC)

Ok! Agian lehenago saiatu nintzen. Ikusiko dut! -Theklan · · 15:03, 28 urtarrila 2016 (UTC)

Administratzaile eta burokrata hitzentzat hitz berri bat eta neologismo bat.

Aupa. Azkenaldian nire buruan bueltan egon diren bi hitz hauei buruz hitz egin nahi dut. Badakit erderetan hitz ohikoak direla eta baita euskeraz ere maiz erabiltzen direla. Agian aldaketa ere ezin da egin. Baina egin ahal bada, beheko bi hitz hauek aldatzea proposatzen dut:

Administratzaile hitzaren ordez, arduradun. "Arduradun" hitz egokiagoa eta euskaldunagoa iruditzen zait gaur egun erabiltzen duguna baino.

Burokrataren ordez, wikigidari. Neologismo honek, nire ustez, argi adierazten du burokrata baten funtzio nagusiena, hau da, wikipedia "gidatu" edo. Beraz "wikigidari" zuzenagoa izan ahal dela uste dut. Zer deritzozue?

Ondo segi.-Oraina (eztabaida) 14:58, 29 urtarrila 2016 (UTC)

Aupa, Oraina. Dudarik gabe, belarrira oso ederra egiten da wikigidari hitz berri hori. Zorionak asmakuntzagatik.

Hala ere, beste erabilera aproposago baterako gorde beharko genukeelakoan nago. Kanpotik bestela ematen badu ere, administratzaile eta burokraton lan berezia (wikilari jardueraz gainera egiten dugun jarduera berezia, alegia), % 99an, horixe da: administrazio eta burokrazia lana. Hor aritzen gara, orain artikulu bat ezabatu, gero bandalismoa egiteko erabili den IP bat blokeatu, noizbehinka artikuluren bat babestu...

Gurea ez da gidaritza lana. Gurea administratzaile eta burokrata lana da. Nolabaiteko gidaritza baldin badugu, wikilari gisa egiten dugun lanarengatik da. Adibidez, Euskaldunaak, administratzaile edo burokrata izan gabe, askotan hartzen du wikipedia honen estetika hobetzeko gidaritza, eta gehienetan haren proposamenak aurrera ateratzen dira. Hemen norberaren lanak ematen du gidari izateko bidea.

Beharbada, wikigidari hori ohorezkoak baizik ez diren domina potolo horietakoren bat sortzeko baliatu liteke, Ingeles Wikipediaren bidetik... Ez naiz domina mota horren oso zalea, baina txantxak egiteko eta lankidetza giroa sortzeko balio lezake, agian. Eutsi goiari. --Xabier Armendaritz 2016-01-29, 18:16 (UTC)

Eskerrik asko, aipamenaregantik, aixkidia.

-Euskaldunaa (eztabaida) 21:52, 29 urtarrila 2016 (UTC)

Aupa, Xabier Armendaritz. Ulertu eta onartzen dut zuk esandakoa, eta izatez zuk idatzitakoarekin bat nator. Hala eta guztiz, administratzaile eta burokrata hitzak niretzat behintzat, itsusitsoegiak direla aitortu behar dut. Baina beno, agian domina baten moduan balio dute.;) -Oraina (eztabaida) 17:51, 1 otsaila 2016 (UTC)

Edertu nahi baldin bada, errealitatetik gertuago daude wikigarbitzaile, wikizerbitzari edo wikitxukuntzaile. ;) --Xabier Armendaritz 2016-02-01, 18:11 (UTC)

Beste aukera bat da.-Oraina (eztabaida) 18:28, 1 otsaila 2016 (UTC)