Yokosuka

Yokosuka; 横須賀市; 横須賀市 (Yokosuka-shi)
	core city of Japan (en)
	Irudi gehiago
Administrazioa
Herrialdea	Japonia
Uhartea; Eskualdea; Prefektura	Honshu; Kantō; Kanagawa
Zuhaitza; Lorea; Txoria	Prunus speciosa; Crinum asiaticum; Kaio mokohoria
Alkatea	Katsuaki Kamiji (en)
Izen ofiziala	横須賀市; 横須賀町
Jatorrizko izena	横須賀市
Posta kodea	238-8550
Geografia
Koordenatuak	35°16′53″N 139°40′19″E / 35.28131°N 139.67208°E
Azalera	100,68 km²
Mugakideak	Yokohama, Zushi (en) , Miura (en) eta Hayama (en)
Demografia
Biztanleria	390.275 (2020ko irailaren 1a); −16.311 (2015)
Dentsitatea	3.871 bizt/km²
Informazio gehigarria
Sorrera	1907ko otsailaren 15a eta 1889ko apirilaren 1a
Telefono aurrizkia	46
Ordu eremua	UTC+09:00
Hiri senidetuak	Brest, Corpus Christi, Medway, City of Fremantle (en) , Tomioka (en) eta Aizuwakamatsu
	http://www.city.yokosuka.kanagawa.jp/english/index.html www.city.yokosuka.kanagawa.jp

Yokosuka (japonieraz: 横須賀市, Yokosuka-shi^?) Japoniako hiria da, Honshu uhartean dagoena, Kanagawa prefekturan. 2012ko erroldaren arabera 414.960 biztanle ditu eta Toki Handiko hamaikagarren hiria da populazioz.

Geografia

Yokosukak Miura penintsularen zatirik handiena hartzen du eta beraz Tokioko Badia dauka ekialdean eta Sagami Badia hegoaldean.

Historia

Milaka urtetatik populatua izan da Yokosuka ingurua. Arkeologoek Jōmon eta Kofun Aroetako keramika aztarnak aurkitu dituzte. 1063an Muraoka Tamemichi jauntxoak Kinugasa gaztelua eraiki zuten bertan eta bere ondorengoek Miura leinua osatu zuten. 1247an Hōjō Tokiyorik leinua suntsitu bazuen ere gaur egun oraindik beren izena mantentzen du penintsulak. Odawarako borrokaren ondoren Toyotomi Hideyoshi jabetu zen Kantō eskualde guztiaz eta baita Uraga herriaz ere 1590an.

Bere garrantzi estrategikoa zela eta 1720an Tokugawa shogunerriak Uraga Bugyō postua ezarri zuen bertan eta Tokioko Badiara sartu nahi zuten untzi guztiek hantxe pasatu behar izaten zuten inspekzioa. Untzi ugari ziren azterketa sahiestu nahi izaten zutenak eta ondorioz 1842an kañoiak ezarri ziren bertan.

Meiji berrezarpenaren ondoren 1878an Uraga herriaren inguruan Yokosuka udalerria osatu zen eta 1889an trenbidea iritsi zen bertara. 1923ko lurrikarak kalte handiak eragin ztuen arren Yokosukak zabaltzen jarraitu zuen. Japoniako itsas flotaren egoitza garrantzitsuenetakoa bihurtu zen gainera.

Bigarren Mundu Gerran bonbakatua izan zen eta Japonia errenditu ondoren Estatu Batuetako itsas armadako zazpigarren flota bertan ezarri zen.

Ekonomia

Merkataritza- eta arrantza-portu garrantzitsua da. Japoniako portu militarrik zaharrena da. Ontziolak eta burdin industria dira ekonomia-jarduera nagusiak. Jatorriz arrantza-portu txiki bat zen, 1865an lehenengo ontziolak eraiki ziren arte. Harrezkero hazi da hiria industria horren inguruan.

Ondasun nabarmenak

Yokosuka Arte Antzokia
Mikasa akorazatua
Sarushima uhartea

Iruditegia

Yokosuka.
Yokosuka Arte Antzokia.
Mikasa akorazatua.
Sarushima uhartea.

Hiri senidetuak

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Kanpo estekak

Datuak: Q200578
Multimedia: Yokosuka, Kanagawa / Q200578