Étienne Méhul

Étienne Nicolas Méhul (Givet, Ardenak, Frantzia, 1763ko ekainaren 22a - Paris, Frantzia, 1817ko urriaren 18a) frantses musikagilea izan zen. Eragin handia izan zuen frantses operaren aurrerabidean, eta XIX. mendearen hasierako musikagileen bidea ireki zuen.

Étienne Méhul
Irudi gehiago
Bizitza
Jaiotza	Givet, 1763ko ekainaren 22a
Herrialdea	Frantzia
Heriotza	Paris, 1817ko urriaren 18a (54 urte)
Hobiratze lekua	Père Lachaise hilerria
Heriotza modua	berezko heriotza: tuberkulosia
Hezkuntza
Hizkuntzak	frantsesa
Irakaslea(k)	Wilhelm Hanser (en) Jean-Frédéric Edelmann (mul)
Ikaslea(k)	ikusi Joseph Daussoigne-Méhul (en) Fromental Halévy (en) Louis-Barthélémy Pradher (mul)
Jarduerak
Jarduerak	musikagilea eta organista
Lan nabarmenak	ikusi Chant du départ (en) Uthal (en)
Jasotako sariak	ikusi Prix de Rome Ohorezko Legioko zalduna
Kidetza	Arte Ederren Akademia (Frantzia)
Mugimendua	musika klasikoa erromantizismoa
Genero artistikoa	opera sinfonia

Bere hilobia Parisen

Biografia

Glucken eta Cherubiniren eraginez musika dramatikoa idazten hasi zen, eta 1787-1822. urteetan berrogei operatik gora ondu zituen, gehienak Opera Komikoan antzeztuak.

Hauek dira Méhulen lanik arrakastatsuenak: Le Jeune Henri (1797), Les Deux Aveugles de Tolède (1806, "Toledoko bi itsuak"), Uthal (1806) eta Joseph (1807).

Balletak, ahotserako lanak, orkestrarako lanak, ganberako musika eta pianorako lanak ere idatzi zituen. Ausart agertzen zen harmonian, eta dramagile eta orkestratzaile dohain bereziak zituen. Orkestraren zeregina azpimarratu zuen operetan.

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

• Datuak: Q364020
• Multimedia: Étienne Nicolas Méhul / Q364020